1JOHAN 3:1 - Laibaibal Thiang (BSI)

¹ Ngaihmanh u Pa nih a kan dawt ning hi zeitlukindah a ngan! Pathian fale tiah kawh kan si! Cucaah vawlei nih ankan hngalh lo, zeicatiah Amah kha an hngal lo.

Lai (Hakha) Common Language Bible 2006

¹ Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

1JOHAN 3:1 Խաչաձեւ Հղումներ

JOHAN 1:12

Asinain Amah cohlangtu pauh cu Pathian fa i cannâk nawl kha a pêk hna, Amin a zumtu hna cu.

GALATI 3:26

Zeitintiah Krih Jesuh zumhnâk thawngin Pathian fale nan si dih cang.

2 KORIN 6:18

“Nan ca Pa ka si lai i ka caah fanu fapa nan si lai, BAWIPA, Zeizongtuahkho nih a ti.

JOHAN 17:25

Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

BIAPHUAN 21:7

Teitu nih thil vialte hi an co dih lai, a Pathian ka si lai, amah cu ka fapa a si lai.

ROM 5:8

Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

GALATI 3:29

Cun Krih ta nan si ahcun, Abraham tefa nan si i biakammi bangin ro cotu nan si.

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

JOHAN 16:3

Pa le kei an kan hngalh lo ruangah cuthil cu an tuah te lai.

KOLOSE 3:3

Zeitintiah nan thi cang i nan nunnâk cu Krih he Pathian ah thuh a si.

ROM 8:21

Zeicatiah sermi thil vialte zong rawhralhnâk chungin luatter an si lai i a liannganmi Pathian fale zalonnâk ah an lut ve lai.

SALM 31:19

Maw na ṭhatnâk hi zeitlukindah a lianngan, nangmah ṭihtu hna ca i na pumhmi cu, minung fale hna mithmuh i nangmah bochantu hna ca i na timhlamhmi hna kha.

LUKA 20:36

thih zong an thi ti lai lo, vanmi hna he an i tluk lai i thoṭhân fale an si caah Pathian fa le an si cang.

JOHAN 11:52

Cu miphun hna ca lawng ah a si lo Pathian fale vawlei khuazakip i â ṭhekmi vialte bukhat i pumh an si lainâk ca zongah a si.

JOHAN 15:21

Sihmanhsehlaw hi thil vialte hna hi ka min ruangah nan cungah an tuah lai, Aka thlah tu an hngalh lo caah.

ROM 8:19

Zeitintiah Pathian fale langhter an si lainâk kha sermi thil vialte nih hngahhlang ngai le i ruahchan ngaiin an cuan.

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

1JOHAN 3:10

Hitihin Pathian fa le khuachia fa cu langhter a si. Dinnâk a tuah lomi pauh cu Pathian ta an si lo, a unau a daw lotu zong Pathian ta an si lo.

1JOHAN 4:17

Dawtnâk cu kan sinah hitihin tlinter a si: biaceih ni ah ṭihlo tein kan um khawhnâk ah hin, zeicatiah vawlei ah hin Amah bangin kan um.