1JOHAN 2:29 - Laibaibal Thiang (BSI)

²⁹ Amah cu miding a si ti kha nan hngalh ahcun, dinnâk a tuahtu cu Amah hrin a si ti kha nan hngalh.

Lai (Hakha) Common Language Bible 2006

²⁹ Khrih cu a ding ti kha nan hngalh; cucaah ahmaanmi thil a tuahmi paoh cu Pathian fa an si ti kha nan hngalh awk a si.

1JOHAN 2:29 Խաչաձեւ Հղումներ

1JOHAN 3:7

Nau le hna, ahohmanh i hlenter hna hlah u. Amah a din bantukin dinnâk a tuahtu cu a ding.

1JOHAN 5:1

Jesuh hi Krih a si tiah zumtu cu Pathian hrin a si; a hringtu a dawmi pauh nih, a hrinmi zong a dawt tawn.

JOHAN 1:13

Cu hna cu thisen i hrin an si lo, pumsa duhnâk i hrin an si lo, pa duhnâk i hrin an si lo, Pathian hrin an si.

1JOHAN 4:7

Dawtmi hna pakhat le pakhat i daw u sih, zeitintiah dawtnâk hi Pathian ta a si. Dawtnâk a ngeimi pauh Pathian hrin a si i Pathian zong a hngalh.

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

JEIM 1:18

A sermi hna lakah hmasa bik theitlai kan si khawh nâkhnga, Amah duhning tein bia tak chungah a kan hrin.

1JOHAN 5:4

Zeitintiah Pathian hrinmi pauh nih vawlei hi an tei. Kan zumhnâk hi vawlei a teitu teinâk cu a si.

LAMKALTU 10:35

Asinain miphun vialte lakah mi zei pauh nih Amah an ṭih i felte i an tuah ahcun a cohlan ko hna.

2 PETER 1:4

cu nih cun a ngan tak takmi le a sunglawimi biakam kan sinah a kan pêk cang, cu thawngin Pathian nunning i hrawm kho ve dingin horduh cuainâk ruang i a rawkmi vawlei hi nan hrial khawh lai.

1 PETER 1:3

Kan Bawipa Jesuh Krih Pathian le Pa cu thangṭhat in um ko seh, Amah nih a tammi a vêl thawngin thihnâk in Jesuh Krih a thawhṭhânnâk thawngin ruahchannâk nung hmu dingin a kan hrin ṭhân,

HEBRU 7:26

Zeitintiah cubantuk Tlângbawi Nganbik, a thiangmi, fahnâk pe ballo, thûrter lomi, misual hna sin in thleidanmi, van nâkin a sâng deuhmi cu kan ngeih awk ah â tlakmi a si.

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

LAMKALTU 22:14

Anih nih, ‘Kan pupa hna Pathian nih a duhnâk hngaltu ding le mifel cu hmu in a chimmi theitu dingah an thim.

3 JOHAN 1:11

Dawtmi, thil ṭha lo cu i zoh chunh hlah. A ṭhami lawnglawng rak i zoh chunh. Ṭhatnâk tuahtu cu Pathian ta an si i sualnâk a tuahtu nih Pathian a hmu bal lo.

1JOHAN 5:18

Mizei pauh Pathian hrin a simi nih sualnâk an tuah peng lo ti kan hngalh. Pathian Hrin nih khan amah cu a kilven i misual pa nih cun a tongh hmanh a tawng kho lo.

1JOHAN 3:5

Amah cu kan sualnâk latu dingah langhter a si cang ti kha nan hngalh, Amah ah sual a um lo.

1JOHAN 2:1

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

1 PETER 1:23

a rawk khomi thlaici ah si lo in, a nungmi Pathian bia le zungzal in a hmunmi a rawk kho lomi thlaici ah hrinṭhân mi nan si.

HEBRU 7:2

Abraham zong nih zeizong vialte ah cheuhra cheukhat a rak pêkmi pa kha, a hram thawk ah, “dinnâk siangpahrang” ti a rak si; cu hnu ah Salem siangpahrang ti a si, a sullam cu, “daihnâk siangpahrang” tinâk a si.

LAMKALTU 3:14

Mithiang le Midik kha nan duh lo i lainawng tu kha nansin i pêk awkah nan hal,

JOHAN 7:18

Mah ṭawnchawm a chimtu nih amah sunparnâk a kawl, sihmanhsehlaw a thlahtu sunparnâk lawng a kawltu cu midik a si i Amah ah dinlonâk zeihmanh a um lo.