1JOHAN 2:19 - Laibaibal Thiang (BSI)

¹⁹ Annih cu kanmah mi taktak an si lo caah ankan chuahtâk, zeitintiah kanmah mi taktak sihna sehlaw kan sinah an um peng ko hnga, asinain kanmah mi taktak an silo ti kha a fiannâk ah an kan chuahtâk nâk hi a si.

Lai (Hakha) Common Language Bible 2006

¹⁹ Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

1JOHAN 2:19 Խաչաձեւ Հղումներ

LAMKALTU 20:30

Nanmah chung lila ah hin bia merh a hmangmi an rak chuak lai i lamping ah zultu hna hi an hruai hna lai.

1 KORIN 11:19

Nanlakah a taktak a simi an langhkhawh nâkhnga zumhnâk phundang a ngeimi zong an um awk a si.

JUDAS 1:19

Hi hna hi pumsa mi, Thlarau ngei lo, ṭhennâk chuahtertu an si.

LUKA 8:13

Lungpher cung i a tlami cu, bia an theih le cângkâ, lunglawm ngai i a pom cawlhmi hna hi an si, asinain hram a thlak lo caah cân tawite lawng an zumh i tukforhnâk a um tikah an tlu ṭhân tawn.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

LAMKALTU 15:24

Kan bu chungin mizeimaw biachim mi nih an buaiter hna tiah kan theih. “Cuarpar nan tan hrimhrim lai i nawlbia zong nan zulh hrimhrim lai, tiah an ti. Cubantuk chim dingin an sinah nawl zeihmanh kan pe hna lo.

MARKA 13:22

Zeitintiah krih deu hna le profet deu kha an chuak lai, cu hna nih cun mi hlennâk caah hmelchunhnâk le khuarauhhar thil kha an tuah lai, si kho sehlaw, thimmi hmanh an hlen hna lai.

2TIMOTE 2:19

Asinain a fekmi Pathian lungphun cu a dirpeng ko, hi hmelchunhnâk hi a ngei: “Bawipa nih Ami le cu a hngalh” ti le, “Bawipa min a hlammi pauh nih sual kaltâk seh ti hi.”

HEBRU 10:39

Kannih cu lotlau dingin hnu leiah a tawlhmi kan si lo i nunnâk khamh dingin zumhnâk ngeitu kan si.

2TIMOTE 2:10

Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

ROM 9:6

Asinain Pathian bia cu zeihmanhloah â cang lo. Zeitintiah Israel mi hna hi Israel mi taktak an si dih theng lo.

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

SALM 37:28

Zeitintiah BAWIPA nih diknâk a dawt, a mithiang hna a kaltâk bal hna lo, himter an si zungzal; asinain misuaksual fale cu hlawnh dih an si lai.

JUDAS 1:1

Judas Jesuh Krih ah ṭemmi-sal le Jeim unau pa nih, Pa Pathian nih a thianter i a kawhmi hna le, Jesuh Krih kilvenmi hna sinah:

2TIMOTE 3:9

cu hna caah hmainawr khawh a si lo, zeitintiah Janes le Jambres bantuk khan, an hruhning cu mi vialte hmuh ah a lang te ko lai.

JOHAN 15:2

Keimah i â pehmi nge, thei a tlai lomi pauh a hlawnh tawn i thei a tlaimi nge pauh a tlai a tam chinchin nâkhnga a thenh tawn.

SALM 41:9

Ka hawikom ṭha, kâ bochan taktak mi, ka rawl eitu nih khan, keimah ralchanh in a kedil aka cawi hnawh.

2 JOHAN 1:7

Zeitintiah hlengtu tampi, Jesuh Krih cu thisa in a ra tiah a pom lomi hna, vawlei ah hin an chuak cang. Cu hna cu hlengtu le Krih ralchanhtu cu an si.