1JOHAN 2:17 - Laibaibal Thiang (BSI)

¹⁷ Vawlei hi a duhnâk he a lo cuahmah ko, Pathian duhnâk a tuahtu cu zungzal in a hmun lai.

Lai (Hakha) Common Language Bible 2006

¹⁷ Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung.

1JOHAN 2:17 Խաչաձեւ Հղումներ

MATTHAI 24:35

Lei le van an rawk lai, ka bia cu zeitilei hmanh in a rawk lai lo.

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

1 KORIN 7:31

vawlei hmangtu zong nih a pingin an hman sual nâkhnga lo kha ka duh. Zeitintiah hi vawlei umtuning hi a lotlau cuahmah cang.

1 PETER 4:2

cubantuk mi hna cu an nun chung vialte taksa duhnâk in an nung ti lo i Pathian duhning in an nung cang.

HEBRU 10:36

Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

MARKA 3:35

Zeitintiah Pathian duhnâk a tuahmi pauh cu, ka nau le, ka far le, ka nu le an si,” tiah a ti.

1 PETER 1:5

zumhnâk thawngin khamhnâk, cân hmadung i langhter awkah timh ciami cu co dingin Pathian ṭhawnnâk in kilven nan si.

1THESALON 4:3

Zeitintiah Pathian duhning i thianghlim te i um cu nupa-sualnâk chungin i thianter hi a si.

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

SALM 143:10

Na duhnâk tuah awkah ka cawnpiak, zeitintiah nangmah cu ka Pathian na si. Na Thlarau cu a ṭha. Diknâk ramah ka hruai ko.

MATTHAI 7:21

Bawipa, Bawipa, aka timi pauh nih, vanbawi pennâk ah a lut lai lo; van i ka Pa duhnâk a tuahtu lawnglawng an lut lai.

JEIM 4:14

thaizing ah zeithil dah a tlung lai ti kha na hngal lo. Nan nunnâk cu zeidah a si? Min mei cân tawi te a zâm i a lo ṭhanmi bantuk men hi a si.

JOHAN 6:58

Hihi vanin chungreu a rungṭummi cu a si, nan pupa hna nih mânâ an ei i an thih ṭhân bantuk kha a si lo. Hi changreu a eimi cu zungzal in a nung peng lai.

MATTHAI 21:31

Cu hna pahnih lakah ahonihdah an pa duhnâk a tuah deuh hnga? tiah a ti. Annih nih, “A hmaisa deuh nih ta,” tiah an ti. Jesuh nih an sinah, “Biataktein kan chimh hna, ngun khuai khawltu hna le hlawhhlang hna nih vanbawi pennâk chungah an in luhkanh dih hna,” tiah a ti.

1THESALON 5:18

Thil vialte ah lawmhnâk bia chim u, zeitintiah hihi Krih Jesuh ah nan ca i Pathian duhmi a si.

KOLOSE 4:12

Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si.

PHUNGTHLÛKBIA 10:25

Phusim â mer tikah mi suaksual cu a tlau lai, asinain miding nih zungzal hrambunhnâk a ngei.

KOLOSE 1:9

Hiruangah kannih zong nih thlarau lei fimnâk le theihthiamnâk vialte nan ngeih i Amah duhning i hngalhnâk in nan khah khawh nâkhnga, nan kong kan theih ni in nan ca thlacam le nawlpiak kan ngol lo;

JOHAN 7:17

Amah duhnâk tuah a duhmi pauh nih ka cawnpiakmi hi Pathian sin in maw a si, keimah ṭawnchawm dah a si a hngalh ko lai.

SALM 90:9

Kan nunchung ni hna hi na thinhunnâk in an liam i kan nunchung kum hna hi hrûmainâk in kan dihter tawn.

SALM 39:6

Mikip hi thladem bangin an kal taktak ko; zeihmanhlo hi an buaipi taktak ko, chawva a khawn luaimai i ahotadah a si te lai a hngal ṭung lo.

SALM 102:26

Cu hna cu an lo tlau lai i nang cu zungzal in na hmun lai; asi cu hna cu hnipuan bangin anhlun lai; puan bangin na thlen hna lai i thlen an si dih lai.