1JOHAN 2:15 - Laibaibal Thiang (BSI)

¹⁵ Vawlei hi daw hlah u, asiloah vawlei i a ummi zong hi daw hlah u. Mi zei pauh nih vawlei hi a dawt ahcun Pa dawtnâk kha amah ah a um lo.

Lai (Hakha) Common Language Bible 2006

¹⁵ Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.

1JOHAN 2:15 Խաչաձեւ Հղումներ

JEIM 4:4

Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

MATTHAI 6:24

“Ahohmanh nih hotu pahnih rian an kemh kho lai lo; pakhat a huat lai i pakhat a dawt lai, asilo le pakhat a conglomh lai i pakhat a zomhtaih lai. Pathian le phaisa rian cu nan kemh kho lai lo.

LUKA 16:13

Sinum ahohmanh nih pu pahnih rian an kemh kho lo. Pakhat hua in pakhat an duh lai. Asiloah, pakhat ṭanh in pakhat an zomhtaih lai. Pathian le phaisa rian nan kep kho lo,’ tiah a ti.

JOHAN 15:19

Nannih vawlei mi hei si ulaw, vawlei nih cun amah ta a simi cu a dawt ko lai. Vawlei mi nan si lo. Vawlei in kan thimmi hna nan si ruangah vawlei nih an huat hna.

1JOHAN 3:17

Asinain mi zei pauh nih vawlei thilṭha ngeiin, a unau chambau in hmu sehlaw, a zângfah lo ahcun, zeitindah a chungah Pathian dawtnâk a hmunmi a si khawh lai?

1TIMOTE 6:10

Zeitintiah phaisa duhtuk hi sualnâk vialte hram a si, cheukhat nih cucu an duh i zumhnâk an kaltak i anmah le anmah ngaihchiatnâk tam piin an i chunh tawn.

GALATI 1:10

Minung lêmsoi maw ka timh Pathian dah? Asiloah, minung lawmhter maw ka timh? Minung lawmhtertu ka si ahcun Krih sal ka si lai lo.

1JOHAN 4:5

Annih cu vawlei ta an si. Cucaah vawlei ta bangin bia an chim, vawlei nih an bia an ngaih hna.

EFESA 2:2

hlanah hi vawlei phung ningin khua nan rak sa, vanrâng i ṭhawnnâk bawi, atu i nawlngai lomi hna chungah rian a ṭuntu thlarau duh ningin,

1JOHAN 5:10

Pathian Fapa zumtu nih amah ah hngalhnâk a ngei. Pathian a zumlotu nih Amah cu lihchim ah a canter, a chan cu Pathian nih a Fapa kong i a hngalhtermi a zumh lo caah a si.

MATTHAI 4:8

Khuachia nih a sâng ngaimi tlângcung ah a kalpi ṭhân i hi vulei pennâk le a sunparnâk vialte kha a hmuhsak.

JEIM 1:27

Pathian le kan Pa mithmuhah a thiang i a thûrhnawm lomi biaknâk cu ngakṭah le nuhmei an har lio i bomhchanh le hi vawlei thûrhnomhnâk chungin i thianter hi a si.