1JOHAN 1:7 - Laibaibal Thiang (BSI)

⁷ Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

Lai (Hakha) Common Language Bible 2006

⁷ Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

1JOHAN 1:7 Խաչաձեւ Հղումներ

EFESA 5:8

Zeitintiah hlanah khuamui nan rak si nain atu cu Bawipa ah khuaceu nan si. Cucaah khuaceu fale bantukin nung u,

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

ROM 13:12

Zan hi a dih dengmang i khua a dei dengmang cang, cucaah khuamui tuahsernâk kha hlawnh in khua ceu thuam kha i hruk u sih.

EFESA 1:7

A thisen thawngin Amah ah tlanhnâk le a rummi a zângfahnâk bangin sual ngaihthiamnâk kha kan co,

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

BIAPHUAN 7:14

Keinih a sinah, “Ka pu nangmah nih na hngalh” tiah ka ti. “Hi hna hi harnâk nganpi chungin a rakchuakmi an si, an angki kha an suk i Tuufano thisen in ran termi an si tiah a ka leh.

1JOHAN 1:5

Hihi a sin in kan theihmi biacah nan sinah kan in chimhmi hna cu a si: Pathian cu ceunâk a si i Amah ah muihnâk a um hrimhrim lo.

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

1 PETER 1:19

asinain sawi le mawhchiat awk um lomi tuufa thisen bantuk a sunglawimi Krih thisen in tlanhmi nan si kha nan hngalh.

JOHAN 12:35

Jesuh nih, “Ceunâk hi cân tawite nan sinah a um. Ceunâk nan ngeih lio ah leng u. Culoahcun muihnâk nih an phâk sual hna lai. Khuamui ah mi a kal ahcun a panhmi hmun zong a hngal lo.

1JOHAN 5:6

Hipa hi a si ti le thisen i a rami cu Jesuh Krih hi: ti lawngah si loin ti le thisen ah a si. Hngalhpitu cu Thlarau hi a si. Thlarau cu biatak a si caah.

1JOHAN 1:3

cu kan hmuh le kan theihmi cu nan sinah kan phuan, cucu nanmah he hawikomhnâk kan ngeihkhawh nâkhnga caah a si. Kanmah nan kan hawikomhnâk hi Pa le a Fapa Jesuh Krih he i hawikomhnâk a si.

SALM 89:15

Duh a nungmi thawngpang theitu kha an van a ṭha! Maw BAWIPA cu hna cu na hmai ceu ah khua an sa tawn.

SALM 56:13

Zeitintiah ka nunnâk hi thihnâk in na khamh; minung hna ceunâk tangah, Pathian hmai i ka len khawh nâkhnga, ka ke hi tlu lo dingin na khamh cang a si lo mei?

BIAPHUAN 12:11

Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.

1TIMOTE 6:16

Amah lawnglawng nih thihkhawhlonâk a ngei i naih khawhlomi ceu ah a um, ahohmanh nih an hmu bal lo i hmuhkhawh zong a si fawn lo, Amah sinah zungzal in upatnâk le ṭhawnnâk um ko seh. Amen.

SALM 97:11

Miding kha a ceuh tawn hna i lungthin a dikmi caah lomhnâk a phân tawn.

1JOHAN 5:8

Cun vawlei ah hin hngalhpitu pathum an um, Thlarau, ti le thisen an si, hi hna pathum hi pakhat bangin an i ruang dih.

JEIM 1:17

Thilpêk ṭha le tlam a tlingmi thilpêk hna cu cung leiin ceunâk petu Pa sinin a rami an si, Amah ah ceunâk le muisam â thleng bal lo.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

3 JOHAN 1:4

Ka fale biatak ah an um tiah ka hngalhmi hlei in lawmhnâk dang ka ngei hlei lo.

SALM 104:2

Hnipuan bangin na ceunâk nih nangmah an khuh, van hna khi puan bangin na samh.

2 JOHAN 1:4

Pa sin in nawlpêk kan hmuh bang khan na fale lakah cheu khat biatak ah an um ti kha ka hmuh tikah kan i lawm ngai ngai.

SALM 51:2

Ka sualpalhnâk hna hi thiang tein ka ṭawl piak hna law, ka sualnâk chungin ka thenh ko sawh.

MATTHAI 6:12

Lei a kan battu kan ngaihthiam hna bangin, kan leiba kha kan ngaithiam ve ko.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

JOHAN 5:4

Zeitintiah tidîl ah khan vanmi an ra i ti kha an canghter tawn. Ti a cangh hnu i â paih hmasa bik kha zeibantuk zawtnâk le fahnâk zong an dam tawn.