1JOHAN 1:2 - Laibaibal Thiang (BSI)

² cu nunnâk cu langhter a si, kan rak hmuh i kan hngalhpi, cu zungzal nunnâk Pa sinah a um i kan sinah phuan a simi cu nan sin zongah kan phuan,

Lai (Hakha) Common Language Bible 2006

² Cu nunnak cu hmuh khawhmi i a hung can tikah kannih nih khan kan rak hmuh; cucaah cu kong cu kannih nih kan chim i Pa he a rak um ṭimi zungzal nunnak, kannih sinah langhter a simi kong kha kan in chimh hna.

1JOHAN 1:2 Խաչաձեւ Հղումներ

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

JOHAN 1:4

Amah ah nunnâk a um, cu nunnâk cu minung hna ceunâk a si.

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

1JOHAN 5:11

Hihi hngalhtermi cu a si. Pathian nih zungzal nunnâk a kan pêk i cu nunnâk cu a Fapa ah a um.

1JOHAN 3:8

Sualnâk tuahtu cu khuachia ta a si, zeitintiah a hramthawk in khuachia nih sualnâk a rak tuah cang. Pathian Fapa a langhchan cu khuachia rianṭuannâk a hrawh nâkhnga caah a si.

TITAS 1:2

Cân hramthawk hlan in a rak kamh cangmi zungzal nunnâk ruahchannâk kha lih a chim kho lomi Pathian nih a cân hmân teah,

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

1JOHAN 3:5

Amah cu kan sualnâk latu dingah langhter a si cang ti kha nan hngalh, Amah ah sual a um lo.

2TIMOTE 1:10

asinain kan khamhtu Krih Jesuh â langhnâk in atu ah a langhter. Amah nih thihnâk kha a hrawh i thawngṭha in nunnâk le thihkhawh lonâk kha a phâkter cang,

GALATI 4:4

Asinain a tlingmi cân a phâk tikah, Pathian nih a Fapa cu a run thlah, nu hrin nâkin, nawlbia tangah a rak chuak,

JOHAN 15:27

Cun nannih zong a hramthawk tein ka sinah nan um caah aka hngalhpitu ah nan um ve lai.

LAMKALTU 3:15

Nunnâk Bawi kha nan thah, asinain Pathian nih Amah cu a thawhter, cucu hngalhpitu kan si.

1 PETER 5:1

Nan lakah upa hna, kei nan upat hawi, Krih tuarnâk hngalhpitu, sunparnâk a lang hngami cotu ding a simi nih hin tha kan pêk hna.

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

LAMKALTU 10:41

mi vialte sinah cun a si lo, hngalhpitu dingah Pathian nih a thim khunmi hna sin lawngah a si, thihnâk in a thawhṭan hnuah a sin i a ei i a dingmi kan sin zongah.

LAMKALTU 5:32

Cu thil hna hngalhpitu cu kan si. Cubangin Pathian nih a nawl a ngaimi hna sin i a pêkmi Thiang Thlarau hi hngalhpitu a si ve,” tiah an leh.

LAMKALTU 2:32

Kha Jesuh kha Pathian nih a thawhter i kan dihlak hi cu kong hngalhpitu kan si.

LAMKALTU 1:22

Johan nih Baptisma a pêk ri in kan sinin Jesuh vanah lakchoh i a um tiang a kan kom zungzaltu lakah mi pakhat a thawhṭhannâk a kan hngalhpitu pakhat a um awk a si,” tiah a ti.

JOHAN 21:14

Cucu Jesuh nih thihnâk in a thawhṭan hnu i a lamkaltu hna sin i a langh voi thumnâk a si.

JOHAN 17:5

Maw, ka Pa, vawlei umhlan in na sinah sunparnâk ka ngeihmi khan, atu ah Nangmah he ka sunparter hrâm ko.

JOHAN 16:28

Keimah hi Pa sin in a chuak i vawlei i a rami ka si. Vawlei hi chuahtak in Pa sin i a tlung`hân ding ka si,” tiah a ti.

JOHAN 8:38

Ka Pa sin in ka hmuhmi kha ka chim tawn. Nannih zong nanpa sin in nan hmuhmi kha nan tuah tawn,” tiah a ti.

JOHAN 7:29

Asinain Amah cu ka hngalh, Asin in a chuakmi ka si i Amah thlahmi ka si,” tiah a ti.

JOHAN 3:13

Vanah a um i van in a rungṭummi Mi Fapa dah ti lo, ahohmanh vanah an kai bal lo.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

1JOHAN 1:1

A hramthawk in a rak ummi nunnâk Bia kong kha, kan hna nih a theih i kan mit nih a hmuh, a zoh zong kan zoh i kan kut hrimhrim nih a tongh-

JOHAN 10:28

An sinah zungzal nunnâk ka pêk i an tlau hrimhrim lai lo. Ka kut chungin ahohmanh nih an ka chut kho lai lo.

JOHAN 19:35

Cu thil a hmutu nih a hngalhter cang, a hngalhtermi bia hi a dik i bia dik ngai a chim tiah a hngalh, nannih zong nih nan zumh nâkhnga.

1JOHAN 2:25

Hi bia hi Amah hrimhrim nih a kan kamhmi kha a si, zungzal nunnâk hi.

1JOHAN 4:2

Hitihin Pathian Thlarau cu nan hngalh lai.Thlarau zei pauh Jesuh Krih cu thisa ah â cang tiah a ṭanhtu cu Pathian sin in a si,

1JOHAN 4:14

Pa nih Fapa cu vawlei khamhtu bangin a thlah tiah kan hmuh i kan hngalhter fawn.

1JOHAN 5:13

Nannih Pathian Fapa min a zumtu hna sinah, zungzal nunnâk kan ngei tiah nan i hngalh khawh nâkhnga hihi ka ṭial, cun Pathian Fapa min hi nan zumh peng khawh nâkhnga ca zongah a si.