Wasɨn̰a 8:10 - Gabri Maja

¹⁰ Kardi nee ɨni na, ba-ƴɔbɛ gɨ daa nii gɨ cay sɨbɨdɨge le lɨm burun̰ji. Ɨni na, dɛsɨɗɛŋ di gumu di ƴee tɨwa hɨn̰ dɨngɛ wo̰ sayga gɨɗɨgɨ-Kumu gɨŋ ba dugo. Hɨn̰ gɨ kan na gusɨnage kurayn̰əŋ kɨɗɨn̰ sɨbɨ bɨ cɨn̰-kaŋ kɨɗɨn̰ sɨbɨ bɨ na hɨndi baa na kɨbɨge ga pɨna gaŋ.

Wasɨn̰a 8:10 Խաչաձեւ Հղումներ

Matɨyo 25:1

«A boy wɔlɛ gɨ Kurɨn̰-ungo kɨya cagan̰ le, dɔɔ-ƴaa di daa nii kɨya gɨlɨn̰a na hɨn̰ kɨradi-kɔl gɨ da kambɨle ga cɨl ga mɔjɨ, ga lobɨge lamban̰əŋ kage kɨya orɨn̰ge kɨɗɨn̰ gɔrɛ ƴaa dɨŋ, bɨ yalɨn̰ge cɨn̰ ban gɨ ba-ƴɔɔ tama cɨndi.

Kɔl-gɨ-Ɗari gɨ Lug wal 10:18

Jesu dɨbɨge cay nee hɨn̰: «Kɨɗɨn̰ ga ɨŋ sol kɨɗɨn̰ ɗɛ na, ɨŋ sol sidan sayga daa baa dugo hɨn̰ wɨlɨn̰e gɨ da Kumu wo̰.»

Magtubu di Jud wal 1:13

Dasi di da kalaŋ ga nee le, woy cɨn̰ tɨwa doŋ hɨn̰ mɨdage gɨ mɛwdi kuray gɨ gumu taa taa gɨ ye tɔgɨ dor orɨn̰ cay kaŋ gaŋ wo̰. Kan woy gɨlɨn̰ na hɨn̰ dɛsɨɗɛŋn̰əŋ ga pɨdɨde daa bɨ kaydaŋge wo̰. Kumu ƴom cay tɨbay dɨlɨm di ɨndi tɨlɨm kol cayge, ɗe kan na somɨn̰ nee dan̰ tumoyge.

Wasɨn̰a 1:20

Hɨnga ga ba woy a kɨɗɨn̰ wɔsɛdɨge gaŋ ojɨn̰ cay dɛsɨɗɛŋ ga jurgum bɨ, lamban̰əŋ ga jurgum ga leegege dan̰ lɔr ga ji ba solge a kobi gɨ bara gɨŋ le, duroyge ba kɛ: Dɛsɨɗɛŋ ga jurgum le, na Ka-ƴɔbɛ ga daa nii ga da Ka-Daye ga kɨɗɨn̰ jurgum. Lamban̰əŋ ga jurgum le, na Ka-Daye ga kɨɗɨn̰ jurgum bɨ.»

Wasɨn̰a 12:4

Hɨn̰ gɨ kan na gusɨnage dɛsɨɗɛŋ ga gɨɗɨgɨ-Kumu gaŋ kɨɗɨn̰ sɨbɨ na, cɨɗɨn̰ kɨmana le sar kɨbɨge ga pɨna beege a cay gɨsəŋ gaŋ. Kɨmana le ɨrga som kɨbɨ tama di gey wɔɔ le, ɗe kɨɗɨn̰ ga hɨndi na wɔɔ ƴɔbɨ na ay na soyin̰ kɨye le.

Wasɨn̰a 14:7

Ba-ƴɔbɛ gɨ daa gɨ nee le ye dan̰ te tumoyi di daa pəŋ ye hɨn̰: «Hɨndaragɨŋ Kumu bɨ, dɨbɨgɨŋ gusoŋ-tɔgɛ cayi bɨ, kɨya wa tɨwa toyi di ni bon̰ kɔl ɓal. N̰ɨrgɨŋ ba-lɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa bɨ, cɨn̰-kaŋ ga andaŋ gɨre bɨ.»

Wasɨn̰a 16:4

Ba-ƴɔbɛ gɨ daa nii gɨ cay sɨbɨdɨge ɓɨgɨ kobo koyi a cay kurayn̰əŋ gaŋ bɨ a cɨn̰-kaŋ ga andaŋ gɨre gaŋ bɨ, lee gɨ kaŋ le bɨle kɨbar.

Wasɨn̰a 6:13

Dɛsɨɗɛŋ ga gɨɗɨgɨ-Kumu gaŋ laydaŋge dugo cay gɨsəŋ gaŋ hɨn̰ wɔɔdi tuguyoŋ di bɨra di kal gɨ gumu dor ɗoo gunguloŋ dugo wo̰.

Wasɨn̰a 8:7

Ba-ƴɔbɛ gɨ daa nii gɨ ba cay wase le lɨm burun̰ji. Kɨɗɨn̰di ga nee gaŋ le bɨ, gɨna gɨ da kaŋdi Kumu dan̰ tɨwa di polɨn̰i dan̰ kɨbar bugoŋge a cay gɨsəŋ gaŋ. Hɨn̰ gɨ kan na gusɨnage cay gɨsəŋ kɨɗɨn̰ sɨbɨ na, kɨbɨge ga pɨna uloŋ muɗɔgɨ muɗɔgɨ coŋ. Hɨn̰ gɨ kan na gusɨnage hayaŋ kɨɗɨn̰ sɨbɨ na, kɨbɨge ga pɨna uloŋ muɗɔgɨ muɗɔgɨ coŋ bɨ, ul hɛɗɨmɛ ga bɨra ɗəndəŋ coŋ bɨ.

Wasɨn̰a 9:1

Kardi nee ba-ƴɔbɛ gɨ daa nii gɨ cay baydɨge lɨm burun̰ji. Ɨni na, ɨŋ sol dɛsɨɗɛŋ sayga gɨɗɨgɨ-Kumu gɨŋ ba dugo. Bɨn̰ge dɛsɨɗɛŋ le lakɨle ga ni hangɨn̰ kɨbɨ umboŋ gɨ ɗɨgi mɨrɨg gɨ kagadi unɔ.

Wasɨn̰a 9:15

Ka-ƴɔbɛ ga daa nii ga poɗɨn̰ ga nee le tumɔ kan saɗɨdɨgege dugo na kɨya amɨn̰ tɨwadi bɨ, wɔlɛdi bɨ, kɨdɨrɛdi bɨ, ɨlgedi bɨ, gɨ nee le ƴɔbɨ. Kan pɨndɨrdɨge ɗege daa kɨya dɨɗɨn̰ kalaŋ. Hɨn̰ gɨ kan na gusɨnage kalaŋ kɨɗɨn̰ sɨbɨ na, kan dɨɗɨge kɨbɨge ga pɨna.

Wasɨn̰a 9:18

Hɨn̰ gɨ kan na gusɨnage kalaŋ kɨɗɨn̰ sɨbɨ na, kɨbɨge ga pɨna ma kol hɨnga ga ɨsɨn ka-mɔndɛ kɨɗɨn̰ ga sɨbɨ ga nee le. Mage na tɨman̰ tɨwa bɨ, gusa bɨ, kɨrbaŋdi hɨnga ga ƴee tɨwa bɨ.