Wasɨn̰a 1:5 - Gabri Maja

⁵ Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 1:5 Խաչաձեւ Հղումներ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

Kɔl-gɨ-Ɗari gɨ Ja̰ wal 13:1

Tumoyi, wɔlɛ gɨ ni leen̰ kɨdɨrɛ gɨ ni Pakɨ gɨ da Jubɨn̰əŋ na, Jesu sol gɨ tɨwa toy ɓal. Na tɨwa di ban kɨya ɗen̰ cay gɨsəŋ bɨ, orɨn̰ gusi Bay le. Ban gɨ gey kalaŋ kayi ga a cay gɨsəŋ gaŋ le, geyge bɨrɨŋ dɨɗɨn̰ kɨbi.

Kɔl-gɨ-Ɗari gɨ Ja̰ wal 13:34

Ɨŋ bɨgɨŋ te tumɔ di hɨrɨwa: Geygɨŋ gusɨgɨŋ. Hɨn̰ gɨ ɨŋ ba geygɨŋ le, geygɨŋ gusɨgɨŋ duroygɨŋ hɨn̰ wo̰ bɨ.

Kɔl-gɨ-Ɗari gɨ Ja̰ wal 15:9

Hɨn̰ gɨ Banɨ ba geyəŋ ɓɨragɨ ɓɨragɨ le, ɨŋ-bandi kalɨn̰ ma ɨŋ geygɨŋ bɨ. Sɨmagɨŋ duroy geye hɨnge gɨŋ.

Kɔl-gɨ-Ɗari gɨ Ja̰ wal 18:37

Ɨni na, Piladɨ yeyi hɨn̰: «Hɨnga le, ji na kɨlma ga?» Jesu dɨbi cay nee yeyi hɨn̰: «Ji ba yɔ, ɨŋ na kɨlma. Wɔɔŋge bɨ, ɨŋ ɨrga a cay gɨsəŋ gaŋ bɨ, na kɨya lɔɔ tɨmon̰ a cay kɔl gɨ ɨŋ ba ye le.» Waŋ waŋ gɨ na gey kɔl gɨ cɨndi na, kɨya jɔɔ kɔl hɨnge.

Kɔl-gɨ-Ɗari gɨ Ja̰ wal 3:11

Ja, ɨŋ yen̰ na kɔl gɨ cɨndi, ni dor na kol hɨnga ga ni sol bɨ, ni lee na tɨmon̰ da hɨnga ga ni solge dan̰ tɨdɨni bɨ. Ama kɨŋ gey ƴɔɔ kol hɨnga ga ni ba lee tɨmon̰dɨge le naŋ.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:32

Ungo gɨ sayga gɨɗɨgɨ-Kumu gɨŋ gɨsɨngɨ dugo le, lee na tɨmon̰ di da hɨnga ga ban sol bɨ, je bɨ, ama ungo pɨna wo̰ ƴa kɔl-tɨmon̰ toyi di ban lee le naŋ.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 26:23

Kan yege gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰ bɨ, na kɨya mare bɨ, bɔyɛ lɨbe cay wase duroy kalaŋ ga madɨrdaŋ gaŋ bɨ, na kɨya gɨlɨn̰ te kalaŋ kani bɨ, te kalaŋ ga toyge na Jubɨ naŋ kɔl gɨ da asɨn̰a gɨ da pɔɗɛ le bɨ.»

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Epɛs 2:4

Ama sɔlɛ cɨn̰-n̰age di da Kumu ɗɨn̰ hɨnga nɔm bɨ, ban geyna dan̰ wandɨ di gumu tɔgɨ bɨ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Kɔlɔs 1:18

Na ban coŋ ma na ba cay Ka-Daye. Ka-Daye na kuyoŋdi-gusi. Ban na ɗɔɔ te hɨnga bɨ, Ban na ba bɔyɛ lɨbe cay wase cɨg cɨg, Duroy kalaŋ ga madɨrdaŋ bɨ. Kumu lee hɨn̰ wo̰ ɗe ban na won̰, Ba cay wase cɨg cɨg gɨ da hɨnga nɔm.

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:

1 Timote 6:15

Ban kɨya gɨle gusi doŋ na duroy tɨwa di Kumu ba ojɨ ɨni. Na Ban pɨna hayi ma na Ba-cay hɨnga bɨ, Kumu gɨ orɨn̰ dan̰ tumoy wolwa bɨ, Kɨlma cay kɛrɨmbɛlɛŋ bɨ, Ba-gulɔŋ cay ba-gulɔŋn̰əŋ bɨ.

Əbɨro 10:29

Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

1 Pɨyɛr 1:19

Ama ban boy caygɨŋ na dan̰ kɨbar gɨ da Kɨris gɨ kɨledi osu tɔgɨ. Ban woy gɨlɨn̰ na hɨn̰ kurɨn̰-dɨmangɨ gɨ kɨɗɨn̰di pɨna wo̰ mundoŋ naŋ bɨ.

1 Ja̰ 1:7

Ama hɨn̰ gɨ na na guragɨŋ a duroy asɨn̰a dɨŋ hɨn̰ gɨ ban kalɨn̰ ma na asɨn̰a wo̰ bɨ na, na sol leen̰ cɨndi gɨ na na bugoŋgɨŋ pɨna duroyna dan̰ gusɨnagɨŋ bɨ, kɨbardi Kurondi Jesu dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 4:10

Gɨyəŋ gɨ da geye gɨ da Kumu le ba kɛ: Na na-gandi ba geye Kumu tumɔ naŋ, ama na ban ba geyna tumɔ ma gɨyɨn̰ dan̰ Kurondi ɗe ɨrga. Kurondi le, ɗe gusi bɨn̰ tɨma leen̰ hɨnga ga ni bogɨn̰ kɨbar, kol cay nagɨŋ na toy di hɨn̰ wo̰ ma Kumu ɗen̰ kuduroyi jal a cay ɨsɨna konagɨŋ.

Wasɨn̰a 11:15

Kardi nee ba-ƴɔbɛ gɨ daa nii gɨ cay jurgumdɨge lɨm burun̰ji. Ɨni na, noy kalaŋ ye daa pəŋ a gɨɗɨgɨ-Kumu gɨŋ ye hɨn̰: «Haw kɛ na, na Ba-gulondɨna dan̰ Kɨris ban gɨ Kumu dorii ba dɔɔge-ƴaa a cay gɨsəŋ gaŋ. Kan kɨya dɔɔge-ƴaa ɨlge dan̰ ɨlge.»

Wasɨn̰a 11:3

A duroy wɔlɛ gɨ nee le, ɨŋ kɨya bɨn̰ ka-lɔɔ tɨmon̰ kange ga sɔɔ dɔnɔ ɗe yege-kɔl-gɨ-Kumu-ba-yɔɔ ɓal wɔlɛ dubu-pɨna dan̰ wɔlɛ aru sɔɔ dan̰ toyi-jii. Kan tobɨge na badɨge ga ni n̰age gusɨge.»

Wasɨn̰a 17:14

Kan kɨya dɨbe kɨmbɨl dan̰ Kurɨn̰-dɨmangɨ le, ama Kurɨn̰-dɨmangɨ kɨya bɔyɛ kɨmbɨl cayge kɨya wa ban ƴɔbɨ ma na Ba-gulɔŋ gɨ a cay ba-gulɔŋn̰əŋ bɨ, kɨlma gɨ a cay kɛrɨmbɛlɛŋ bɨ. Kan ga ban teege bɨ, kan ga ban torge bɨ, kan ga ɨrege cay tɨbayge dɨŋ bɨ le, kɨya bɔyɛge-kɨmbɨl danayi bɨ.»

Wasɨn̰a 19:11

Kardi nee, ɨŋ sol gɨɗɨgɨ-Kumu hangaŋ. Gaa ma, ɨŋ sol hɨnda gɨ bɛrɛ. Ungo gɨ ba nɔɔ cay hɨnda le gusondi na, ba-ɨre a cay tɨbayi dɨŋ bɨ ungo gɨ hɨnde bɨ. Ban boy kɔl bɨ lee kɨmbɨl bɨ na dan̰ durɔ ɗɨngar.

Wasɨn̰a 19:16

Kan walge gusoŋ gɨ pɨna wo̰ a badɨge kayi ga ban dobɨ a cay kamdɨge gaŋ bɨ a ɗɨgeyi bɨ. Walge ye hɨn̰: «Kɨlma gɨ a cay kɛrɨmbɛlɛŋ bɨ, Ba-gulɔŋ gɨ som cay ba-gulɔŋn̰əŋ bɨ.»

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 3:14

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Lawdise. «Ban gɨ na Amɛn bɨ, ban gɨ na tɨmon̰ gɨ ɨre a cay tɨbayidɨŋ bɨ, ban gɨ na ungo gɨ hɨnde bɨ, ban gɨ danayi le Kumu ɗen̰ hɨnga nɔm bɨ, ye hɨn̰:

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.