Titɨ 3:8 - Gabri Maja

⁸ Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Titɨ 3:8 Խաչաձեւ Հղումներ

Matɨyo 20:4

Ɨni na, ban yege hɨn̰: “Ɨragɨŋ lɔɔ gɨye duroy yagedi suru tɨnge dɨŋ bɨ, ɨŋ kɨya bɨgɨŋ gursu di ɓal cay gɨye kogɨŋ.”

Kɔl-gɨ-Ɗari gɨ Ja̰ wal 12:44

Ama Jesu ye dan̰ tumoyi di daa pəŋ ye hɨn̰: «Waŋ waŋ gɨ na bɨga kuduroy canɨ na, ban bee kuduroyi na canɨ ɨŋ-bandi ƴɔbɨ naŋ, ama ban bee kuduroyi na cay Kumu gɨ gɨyigəŋ bɨ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Gɨye-lɔɔ 12:15

Kan dubooge cay nee yooge hɨn̰: «Me dɨngal.» Ama hɨndi ƴom kɨbo osɨ ye hɨn̰ na cɨndi. Ɨni na, kan yege hɨn̰: «Gɨ lɔɔ na ba-ƴɔbɛ gɨ daa nii gɨ ba game Pɨyɛr.»

Magtubu di Pol wal bɨn̰ kalaŋ ga Rɔm 4:5

Ama hɨn̰ gɨ ungo na laa gɨye kɨya wan̰ cay kobi naŋ ama na bɨga kuduroy a cay Kumu gɨ ba sɔlɛ ba-lɔɔ ɨsɨna leen̰ ungo gɨ dan̰ durɔ ɗɨngar na, ungo gɨ nee le Kumu kɨya sɔlɛ aye kudurɔ koyi bɨ, bɨlii leen̰ ungo gɨ dan̰ durɔ ɗɨngar a cɨndi bɨ.

2 Korɛ̰t 4:13

Walge duroy Magtubu di da Kumu dɨŋ yege hɨn̰: «Ɨŋ bee kuduronɨ cay nee, na toy di hɨn̰ wo̰ ma maŋ yen̰ kɔl.» Ni-gandi kalɨn̰ ma ni orɨn̰ dan̰ aye kudurɔ gɨ gɨlɨn̰ hɨn̰ aye kudurɔ gɨ nee le bɨ. Ni-gandi ni bee kuduroyni cay nee, na toy di hɨn̰ wo̰ mani yen̰ kɔl.

Epɛs 4:28

Kuɗa gɨ ungo gɨ tumɔ na ba hase le, hase naŋ ɨni, ama laa gɨye gɨ kuɗa dan̰ kobi, ɗe ban wan̰ hɨnga ga ni bɨn̰ kalaŋ ga orɨn̰ dan̰ n̰agedi hɨnga.

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

1 Timote 2:8

Lee gɨ ɨŋ gey gɨ ban̰aŋ na dɨnage kobɨge daa, ulan̰ge Kumu kɨɗɨn̰ gaŋ nɔm. Kuɗa gɨ kan ulage Kumu dan̰ kuduroyge ga bɛrɛ kən̰jəŋ, dɨle kuduroy-hɔmɛ bɨ, dɨle bɔjɨn̰ɛ bɨ.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

Titɨ 3:1

Ji hɨn kuduroyge a cay kɔl gɨ ojɨ cay dɔbɛ ca dugo tumoy ka-dɔrɛ tumoy kalaŋ bɨ, ka-dɔɔ cay ƴaa bɨ, cay kɔl gɨ ni jɔɔ bɨ, ɗe na ƴomɨn̰ge cay tɨbayge cay lɔɔ hɨnga ga ɗari pɨna pɨna nɔm bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Pilemo 1:11

Tumɔ ban jɨbɨ ton̰ naŋ, ama leen̰ cɨndi haw kɛ na, ban bɨle na ba jɨbe ton̰ bɨ, jɨbe tonɨ ɨŋ-bandi bɨ.

Əbɨro 10:24

Ɗe gɨ na na sɨla kardi gusɨnagɨŋ ɗe ana jɨbɨn̰gɨŋ te gusɨnagɨŋ daa a te lɔɔ wandɨ bɨ, lɔɔ gɨye ga da hɨnga ga ɗari gaŋ bɨ.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.