Magtubu di Pol wal bɨn̰ kalaŋ ga Rɔm 9:16 - Gabri Maja

¹⁶ Hɨn̰ wo̰ na, kɨɗɨn̰ ga Kumu dor ungo na, ban dorii na dɔrɛ ƴɔbɨ kɨya wa ban sol cɨn̰-n̰age toyi wala, na kol kuduroy-geye gɨ da ungo naŋ bɨ, na kol gɨye-lɔɔ gɨ da ungo naŋ bɨ.

Magtubu di Pol wal bɨn̰ kalaŋ ga Rɔm 9:16 Խաչաձեւ Հղումներ

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 4:8

Haban̰ ayi orɨn̰ danayi cay garma gɨ pɨna wo̰, gɨ sɨngɨɗɨ daa kɨvbɨj ɗaŋ coŋ, gɨlii dɔɔ-ƴaa di cay gɨsəŋ gaŋ nɔm dan̰ hɨnga ga ni gusoŋ-tɔgɛ kage,

Kɔl-gɨ-Ɗari gɨ Lug wal 10:21

A kɨɗɨn̰di ga nee gaŋ le bɨ, Turnɔ ɗe-kuduroy-bɛrɛ lee gɨ gusi-mɔwa walɨn̰ kuduroy Jesu bɨ, ye hɨn̰: «Banɨ, ji Ba-gulɔŋ hɨnga nɔm ga daa nii dan̰ ga cay gɨsəŋ gaŋ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga. Ho’o Banɨ, na ban ma na hɨnga ga ji ojɨ dan̰ kuduroy geye kon̰.»

Kɔl-gɨ-Ɗari gɨ Ja̰ wal 3:8

Kɨya wa kal gɨre na jɨn̰ kɨɗɨn̰ ga kuduroyi gey gaŋ. Ji je na noyi ama ji sɨla kɨɗɨn̰ ga ban saygan̰ nee naŋ bɨ, orɨn̰ jɨn̰ nee naŋ bɨ. Kɨya wɔyɛ na hɨn̰ wo̰, kɨya cay waŋ waŋ gɨ Turnɔ di da Kumu bii dan̰ sɔmɛ-bɨra gɨ hɨrɨwa.»

Magtubu di Pol wal bɨn̰ kalaŋ ga Rɔm 9:11

Ama tumɔ pa dɨm ma gɨ kan kɨya woon̰ mɔgɨnɛ bɨ, tumɔ pa dɨm ma gɨ kan kɨya lɔɔ hɨnga ga ɗari naŋ le ga ɨsɨni na, Kumu ojɨ gɨ ni dɔrɛ a duroyge ungo pɨna ɗe kuduroy geye gɨ da Kumu na dɨɗɨ kɨbi dan̰ gɨyəŋ gɨ da dɔrɛ gɨ da ungo le.

Galad 2:2

Na kɨya cay andaŋ gɨ Kumu andaŋ canɨ, ma maŋ orɨn̰ Jerusalɛm le. Kɨɗɨn̰ ga ɨŋ bugoŋ na, ɨŋ dor te Kɔl-gɨ-Ɗari gɨ ɨŋ ba tee bɛrnɛdi bɨn̰ kalaŋ ga toyge na Jubɨ naŋ le, ɗe tumoy ka-dɔrɛ tumoy kalaŋ ga gɨmdəŋ kan̰dɨge. Ɨŋ lee hɨn̰ wo̰ na ɗe gɨ gɨye gɨ ɨŋ lee tumɔ bɨ, gɨ ɨŋ ɨre gɨre koldi haw kɛ bɨ le, ɗe na da ban̰ gusɨnɨ naŋ.

Epɛs 2:8

Ho’o, Kumu poɗɨgɨŋ na kɨya kuduroy-ɗarwa toyi, dan̰ gɨyəŋ gɨ da kuduroygɨŋ ga kɨŋ bee a cay Jesu-Kɨris. Na kɨŋ ba-pɔɗɛ gusɨgɨŋ naŋ. Pɔɗɛ na hɨnga ga ni bee kalɨn̰ ga Kumu bɨgɨŋ.

Pilib 2:13

Ho’o, na Kumu gusi ba lɔɔ gɨye kuduroygɨŋ bɨ, bɨgɨŋ kuduroy-geye dan̰ tɔgɨ ɗe agɨŋ na leen̰ hɨnga ga ɗari ga ban ojɨ.

Magtubu di Jag wal 1:18

Na dan̰ gɨyəŋ gɨ da kɔl gɨ cɨndi ma ban woona dan̰ kuduroy geye koyi, ɗe ana na bɨlɨn̰ won̰ hɨn̰ kalaŋ se kayi ga cay wase cɨg cɨg wo̰.