Magtubu di Pol wal bɨn̰ kalaŋ ga Rɔm 8:35 - Gabri Maja

³⁵ Kɛ geye gɨ Jesu-Kɨris ba geyna le, na wa ba kɨya poyina dugo danayi ga? Kɛ na hɨnga ga ni dɔsɛ-ɗugɔ wala, hɨnga ga osɨdəŋ osɨdəŋ wala, gɨle gɨ gɨlnage-cɨn̰ wala, kurɔŋ wala, ɔrɛ toyina kalɨn̰ wala, hɨnga ga dɨmbɨrdəŋ wala, pəlɨm ba kɨya poyina dugo danayi ga? Hɨnga pɨna wo̰ ga ba kɨya poyina dugo danayi unɔ.

Magtubu di Pol wal bɨn̰ kalaŋ ga Rɔm 8:35 Խաչաձեւ Հղումներ

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 13:1

Tumoyi, wɔlɛ gɨ ni leen̰ kɨdɨrɛ gɨ ni Pakɨ gɨ da Jubɨn̰əŋ na, Jesu sol gɨ tɨwa toy ɓal. Na tɨwa di ban kɨya ɗen̰ cay gɨsəŋ bɨ, orɨn̰ gusi Bay le. Ban gɨ gey kalaŋ kayi ga a cay gɨsəŋ gaŋ le, geyge bɨrɨŋ dɨɗɨn̰ kɨbi.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Magtubu di Pol wal bɨn̰ kalaŋ ga Rɔm 2:9

Kumu kɨya ɗɔɔ hɨnga ga ni dɔsɛ-ɗugɔ bɨ, ga osɨdəŋ osɨdəŋ bɨ, andaŋ a cay ungo gɨ ani ani gɨ ba-lɔɔ ɨsɨna. An̰ toy a cay wase cay kalaŋ ga toyge na Jubɨ pa dɨm ma kɨya andɨn̰ a cay kalaŋ ga toyge na Jubɨ naŋ ƴee.

Magtubu di Pol wal bɨn̰ kalaŋ ga Rɔm 8:17

Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

Magtubu di Pol wal bɨn̰ kalaŋ ga Rɔm 8:39

tɔgɨn̰əŋ ga a gɨɗɨgɨ-Kumu gaŋ naŋ bɨ, ga a cay gɨsəŋ gaŋ naŋ bɨ, hɨnga se ga da Kumu pɨna wo̰ naŋ bɨ, hɨnga pɨna wo̰ ga ba kɨya ɓale poyina dugo dan̰ geye gɨ Kumu gɨl doŋ kol cayna dan̰ gɨyəŋ gɨ da Jesu-Kɨris Ba-gulondɨna gɨ na bugoŋ pɨna danayi le, unɔ bɨrɨŋ.

1 Korɛ̰t 4:11

Bɨrɨŋ gɨsɨn̰ labɨde kalɨn̰ ma, kuroŋ leeni bɨ, gɨmase dɨni bɨ, ni or toyni kalɨn̰ bɨ, tenige bɨ, ni dɨbde daa bɨ,

1 Korɛ̰t 4:12

ni lee gɨye dan̰ kobɨni koni gɨlalɨn̰ toy nee bɨ. Hɨn̰ gɨ kalaŋ na yagɨdani na, ni torna-kɨbɨni cayge. Hɨn̰ gɨ kalaŋ na gɨlni-cɨn̰ na, ni ƴom na kuduroyni osu.

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

2 Korɛ̰t 4:8

Ni-gandi le jəŋgɨnige a kɨɗɨn̰ gaŋ nɔm, ama kan kɨya ƴomnige dugo naŋ. Ni-gandi le ni waa cay tɨbayni naŋ, ama ɗugoyni adɨldani naŋ.

2 Korɛ̰t 4:9

Kalaŋ gɨlnige-cɨn̰, ama Kumu ɗani coŋ naŋ. Laydɨnige, ama tɨɗabage kɨbɨni naŋ.

Epɛs 3:19

Kɨŋ kɨya sɔlɛ geye gɨ da Kɨris gɨ ɗɨn̰ hɨnga-sɔlɛ nɔm, ɗe gɨ kandi-wɔɔ ga da Kumu wanɨn̰ kuduroygɨŋ pɨl pɨl.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.