Magtubu di Pol wal bɨn̰ kalaŋ ga Rɔm 5:11 - Gabri Maja

¹¹ Ɗɨn̰ gɨ nee le na, haw kɛ na, na ɨre lee gusi-mɔwa kɨya cay Kumu dan̰ gɨyəŋ gɨ da Ba-gulondɨna Jesu-Kɨris, kɨya wa na ban ba hangɨna gɨyəŋ gɨ da bugoŋ pɨna dan̰ Kumu.

Magtubu di Pol wal bɨn̰ kalaŋ ga Rɔm 5:11 Խաչաձեւ Հղումներ

Kɔl-gɨ-Ɗari gɨ Lug wal 1:46

Ɨni na, Mari ye hɨn̰: «Kuyoŋdi-gusɨnɨ nɔm hɨram gɨmɨn̰aw di da Ba-gulɔŋ.

Kɔl-gɨ-Ɗari gɨ Ja̰ wal 1:12

Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.

Magtubu di Pol wal bɨn̰ kalaŋ ga Rɔm 11:15

Hɨn̰ gɨ cɔrɛ gɨ Kumu ba cor Jubɨn̰əŋ ɗege sɛdɨ le, na laa ɗe gɨ kalaŋ ga a cay gɨsəŋ gaŋ na bugoŋge pɨna dan̰ Kumu na, kɛ wɔlɛ gɨ Kumu na jɨga ƴɨmage gusi ɗaŋ coŋ na gɨ bɨle wɔyɛ na mɨna mɨna coŋ ga? Kalaŋ ga mage kɨya bɔyɛge lɨbe!

Magtubu di Pol wal bɨn̰ kalaŋ ga Rɔm 2:17

Ama ja, ji gɨ gusoŋ gɨ ni Jubɨ ye can̰ le, ji ɗe togɨn̰ na a cay gasɨn̰-kɔl gɨŋ bɨ, ji de jorgɨn̰ na a cay Kumu bɨ.

Magtubu di Pol wal bɨn̰ kalaŋ ga Rɔm 5:1

Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

Magtubu di Pol wal bɨn̰ kalaŋ ga Rɔm 5:3

Ɗɨn̰ gɨ nee le na, na lee gusi-mɔwa kɨya cay hɨnga ga ni dɔsɛ-ɗugɔ ga andaŋ cayna. Kɨya wa na sol gɨ hɨnga ga ni dɔsɛ-ɗugɔ ga nee le, kɨya bɨna na dɨbe-ɗugɔ.

Magtubu di Pol wal bɨn̰ kalaŋ ga Rɔm 8:23

Ama na hɨnga se ga da Kumu ba gɨle-cɨn̰ kan̰dɨge naŋ. Na-gandi ga na orɨn̰ dan̰ Turnɔ di da Kumu di woy gɨlɨn̰ hɨn̰ hɨnga ga ni bɨn̰ Kumu ga cay wase cɨg cɨg ga Kumu bɨna le. Na-gandi kalɨn̰ ma, na ɨle gusɨna a kuyoŋdi-gusɨna gɨŋ ƴen̰, gamɨn̰ gɨ Kumu na dɨɗɨn̰ kɨbɨ gɨye koyi cayna bɨ, bɨlna laan̰ karɨndi kɨɗɨn̰ ga ban kɨya pɔɗɛ kuyoŋdi-gusɨna bɨ.

Magtubu di Pol wal bɨn̰ kalaŋ ga Rɔm 9:10

Na kagadi naŋ ƴee, ɨrɨmgɨŋ a cay Rebega bɨ. Hɨndi ƴee kur bɨ wɔɔ mɔgɨnɛ, karɨndo le bayige na pɨna hayi, na mon̰dɨna Isag.

1 Korɛ̰t 10:16

Kɨŋ ɨrɨm a cay kobo gɨ ni tɔrɛ-kɨbɨ gɨ ni ba leen̰ Kumu ho’o koldɨge le: Kɨɗɨn̰ ga na ba si hɨnga ga boy nee le kɛ bɨgana pɨna dan̰ kɨbardi Kɨris le naŋ ga? Bɨ mapa di na ba boy dugo le: Kɨɗɨn̰ ga na ba di le kɛ bɨgana pɨna dan̰ kuyoŋdi Kɨris le naŋ ga?

2 Korɛ̰t 8:19

Ɗɨn̰ gɨ nee le na, na kalaŋ ga Ka-Daye ba doriige ɗe ban na bɨgani a tɨrga dɨŋ kol gɨye gɨ da ƴɔɔ hɨnga ga ni bee gɨ kan beege kobɨni. Ni lee gɨye gɨ nee le na ɗe gɨ kalaŋ dɨbɨn̰ge gusoŋ-tɔgɛ cay Ba-gulɔŋ bɨ, na kɨya gɨlɨn̰ kalaŋ gɨ hɨnga ga ni ba mal lɔɔ le ni mal lɔɔdɨge na dan̰ kuduroy-bɛrɛ bɨ.

Galad 4:9

Ama haw kɛ na, kɨŋ sol Kumu bɨ, leen̰ cɨndi na, Kumu ba solgɨŋ. Ama na mɨna ma magɨŋ bɨle kɨya lɔɔ gɨye lɔɔ gɨ da tɔgɨn̰əŋ ga a cay gɨsəŋ gaŋ, ga na kula ga ɓalage lɔɔ hɨnga naŋ le ga? Kɛ kɨŋ gey jɔgɛ bɨləŋ gɔyɔŋ kage ɗaŋ coŋ ga?

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Pilib 3:1

Gɨ ojɨ cay te kɔl gɨ ba baa na, ay karmɨnɨ ga ban̰aŋ dan̰ ga kandɨ, laagɨŋ gusi-mɔwa cay bugoŋ gɨ kɨŋ bugoŋ pɨna dan̰ Ba-gulɔŋ. Jɔgɛ wale magtubu bɨgɨŋ ojɨn̰ cay hɨnga ga pɨna hage ga ɨŋ ba yəgɨŋ koldɨge tumɔ le usaŋ naŋ. Ɨŋ jɨga ye hɨn̰ wo̰ ɗaŋ, na ɗe gɨ na laa danagɨŋ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Pilib 4:4

Laagɨŋ gusi-mɔwa dan̰ tɨwa nɔm, te bugoŋ pɨna dan̰ Ba-gulɔŋ. Ɨŋ jɨga yəgɨŋ ɗaŋ coŋ, laagɨŋ gusi-mɔwa.

Kɔlɔs 2:6

Tumɔ kɨŋ je gɨ Jesu-Kɨris le naa Ba-gulɔŋ bɨ, kɨŋ bee kuduroygɨŋ cayi bɨ. Na toy di hɨn̰ wo̰ ma maŋ yəgɨŋ, ɗe gɨ kɨŋ kɨba gɨyəŋ koyi kuɗa.

1 Pɨyɛr 1:8

Jesu le, kɨŋ sɨlayi dan̰ cɨndɨgɨŋ naŋ pa pa, ama kɨŋ geyii. Hɨn̰ gɨ haw kɛ kɨŋ na sɨlayi naŋ kalɨn̰ ma, kɨŋ bee kuduroygɨŋ a cayi. Na toy di hɨn̰ wo̰ ma gusɨgɨŋ moogɨŋ tɔgɨ bɨ, moogɨŋ bɨrɨŋ ɗɨn̰ gɨ ni yɔ yɔd bɨ.