Magtubu di Pol wal bɨn̰ kalaŋ ga Rɔm 3:22 - Gabri Maja

²² Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

Magtubu di Pol wal bɨn̰ kalaŋ ga Rɔm 3:22 Խաչաձեւ Հղումներ

Kɔl-gɨ-Ɗari gɨ Lug wal 15:22

Ama bayi yen̰ dan̰ gɔyɔŋ kayi hɨn̰: “Ɨren̰gɨŋ dan̰ gumɔjɨ gɨ sɨngɨɗɨ gɨ kuɗa le haw dɨbayigɨŋ gusi bɨ, dɨbayigɨŋ gambaŋ kobi bɨ, tɨbaygɨŋ gɨyabe tɨbayi bɨ.

Gɨye-lɔɔ 11:12

Turnɔ di da Kumu yəŋ ɨŋ na sa ɨra danage dɨle ɗɔɔ ɗugonɨ alaŋ. Karmɨnɨ ga jii ga ba ɨrege kɛ ga ɨŋ ɨrgan̰ danage le bəŋge a Sejare bɨ, ni andaŋ nɔm toni dɨŋ a duroy ƴaa di da Kɔrney dɨŋ bɨ.

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

Gɨye-lɔɔ 3:16

Ungo gɨ kɨŋ ba solii dan̰ cindɨgɨŋ nɔm kɛ bɨ, gɨ kɨŋ ba solii kuɗa bɨ le, na guson̰ Jesu gɨ ban bee kuduroyi cay nee, ba lɔɔ ma tɨbay osɨdəŋ kəŋ kəŋ. Aye kudurɔ gɨ ban ay bɨn̰ Jesu jaŋ ƴɔbɨ, ba bii dan̰ pɔɗɛ gɨ ni kuyoŋdi-gusi caŋ caŋ tumoygɨŋ nɔm kɛ.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Magtubu di Pol wal bɨn̰ kalaŋ ga Rɔm 10:12

Lee gɨ hɨnga ga ba kɨya dɔrɛ cɨn̰ kalaŋ ga toyge na Jubɨ ba kɛ naŋ le, kalaŋ ga toyge na Jubɨ naŋ ba kɛ le unɔ. Kan nɔm le, Ba-gulondɨge na pɨna hayi. Waŋ waŋ gɨ na tɨga gusondi na, ban kɨya wɔɔ ɗarwa danayi gɨɗaŋ bɨ.

Magtubu di Pol wal bɨn̰ kalaŋ ga Rɔm 10:4

Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.

Magtubu di Pol wal bɨn̰ kalaŋ ga Rɔm 2:1

Ji gɨ ba bɔyɛ kɔl cay kalaŋ le, ko ji naa waŋ waŋ kalɨn̰ ma, ungo kɨya ɗɔ kardi kɔl le bɨn̰ naŋ. Kɨya wa ji ɨre boy kɔl a cay kalaŋ ga ka-lɔɔ hɨnga ga ɨsɨn, ama gɨye-lɔɔdɨn̰ gɨlɨn̰ na hɨn̰ koge kan wo̰ bɨ. Lee gɨ kɔl gɨ ji ɨre boy le, ji ɨre boy na cay gusɨn̰ kon̰ gɨŋ gaŋ hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 3:30

kɨya wa Kumu na pɨna hayi ƴɔbɨ. Ban bɨle te kalaŋ ga na Jubɨn̰əŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge bɨ, bɨle te kalaŋ ga toyge na Jubɨ naŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge nee bɨ.

Magtubu di Pol wal bɨn̰ kalaŋ ga Rɔm 4:16

Na toy di hɨn̰ wo̰ ma, hɨnga ga Kumu ye gɨ ɗi na kɨya bɨn̰ Abɨraham le, ban kɨya wɔɔ na dan̰ gɨyəŋ gɨ da aye kudurɔ ɗe na won̰ hɨnga ga ni ɗarwa ga da Kumu. Hɨnga ga Kumu ye gɨ ɗi na kɨya bii ga nee le, woy a ban̰dɨge gaŋ ojɨn̰ na cay kongɨn̰i Abɨraham nɔm. Hɨnga ga nee le wɨya uja na cay kan ga beege kɔl a cay gasɨn̰-kɔl gaŋ kan̰dɨge ƴɔbɨ naŋ. Ama woy ojɨ na cay kalaŋ nɔm ga ayge kuduroyge hɨn̰ aye kudurɔ gɨ da Abɨraham, gɨ na bayna na-gandi nɔm wo̰ bɨ.

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

Magtubu di Pol wal bɨn̰ kalaŋ ga Rɔm 9:30

A cay kɔl gɨ nee gɨŋ le nɔm na, kɛ na wa ma mani kɨya yɔ coŋ ga? Kalaŋ ga toyge na Jubɨ naŋ ga naa malage gɨ ni bɨle kalaŋ ga dan̰ durɔ ɗɨngar naŋ le, bɨlege kalaŋ ga dan̰ durɔ ɗɨngar ɨni. Na dan̰ gɨyəŋ gɨ da aye kudurɔ ma kan bɨləŋge kalaŋ ga dan̰ durɔ ɗɨngar.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

1 Korɛ̰t 4:7

Kɛ, na waŋ ba-dɔrɛ cɨndɨn̰ duroy kamdɨn̰ ga? Kɛ, na wa ma mɨn̰ way dan̰ cay gusɨn̰ dɨle gɨ Kumu gusi na ba bɨn̰ ga? Ma hɨn̰ gɨ hɨnga nɔm ga ji ba way le Kumu naa ba bɨn̰ na, kɛ na kɨya wa ma mɨn̰ de jorgɨn̰ hɨn̰ gɨ naa ji-bandi gusɨn̰ naa ba wɔɔ dan̰ cay gusɨn̰ wo̰ ga?

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 3:22

Ama Magtubu di da Kumu ye gɨ tabɨlaŋ di lɔɔ hɨnga ga ɨsɨni, na gam kalaŋ nɔm te dɔnɔ toge dɨŋ. Ɗe Kumu bɨn̰ kalaŋ ga beege kuduroyge cay Jesu-Kɨris hɨnga ga ban ye gɨ ɗi na kɨya lɔɔ bɨge le. Bɨ ban bɨge na kɨya gɨ kan na ka-aye kuduroyge bɨn̰ Jesu-Kɨris.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Epɛs 3:12

Kol bugoŋ gɨ na bugoŋ pɨna dan̰ Kɨris bɨ, kuduroyna ga na bee cayi bɨ le, na way gɨyəŋ gɨ ni ɨrgan̰ gusi Kumu kɨya yoy kɔl boy ɔlɛ gɨŋ dɨle hundɔrɔ.

Pilib 3:9

Ɨŋ gey gɨ bugoŋ hɨnge pɨna danayi na duroŋ cɨrɛɗ. Na toy di hɨn̰ wo̰ ma, ɨŋ gey lɔɔ gusɨnɨ leen̰ ungo gɨ dan̰ durɔ ɗɨngar dan̰ gɨyəŋ gɨ da lɔɔ hɨnga ga gasɨn̰-kɔl ojɨ naŋ. Ama ɨŋ gey bɨle ungo gɨ dan̰ durɔ ɗɨngar dan̰ gɨyəŋ gɨ da kuduronɨ ga ɨŋ bɨn̰ Kɨris, kɨya wa gɨyəŋ gɨ Kumu bɨlɨn̰ kalaŋ durɔ ɗɨngar le, na gɨyəŋ gɨ da aye kudurɔ.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

Magtubu di Jag wal 2:23

Na hɨn̰ wo̰ ma, kɔl gɨ kan ba walge duroy Magtubu di da Kumu dɨŋ le, or kɨɗɨn̰di gaŋ ye hɨn̰: «Abɨraham bee kuduroy cay Kumu, na toy di hɨn̰ wo̰ ma, Kumu soli leen̰ ungo gɨ dan̰ durɔ ɗɨngar.» Bɨ Kumu teeyi ba-pogɨnɨ.