Magtubu di Pol wal bɨn̰ kalaŋ ga Rɔm 3:10 - Gabri Maja

¹⁰ Walge duroy Magtubu di da Kumu dɨŋ yege hɨn̰: «Ungo gɨ dan̰ durɔ ɗɨngar unɔ, Pɨna nɛŋ wo̰ kalɨn̰ ma unɔ.»

Magtubu di Pol wal bɨn̰ kalaŋ ga Rɔm 3:10 Խաչաձեւ Հղումներ

Matɨyo 15:19

Kɨya wa ɨrɨme ga ɨsɨn bɨ, ɨrɨme gɨ ni dɨɗɨn̰ ungo bɨ, yɔyɛ tama wala bara gɨ da mɨgan̰ bɨ, gɨye lɔɔ gɨ da yɔyɛ dan̰ gangɨ caa bɨ, geye hase bɨ, pɔyɛ kɔl se cay kalaŋ bɨ, yagɨde kɨɗɨn̰ bɨ, saygage na kuduroy ungo.

Marg 10:18

Jesu dɨbii cay nee hɨn̰: «Kɛ na kɨya wa ma mɨn̰ təŋ ungo gɨ kuɗa ga? Ungo pɨna wo̰ gɨ kuɗa unɔ, na Kumu pɨna hayi ƴɔbɨ ma na ungo gɨ kuɗa.

Magtubu di Pol wal bɨn̰ kalaŋ ga Rɔm 11:8

Hɨn̰ gɨ ba walge a duroy Magtubu di da Kumu dɨŋ yege hɨn̰: «Kumu gɨygɨn̰ dan̰ turnɔ di ni kuŋ a cayge bɨ, Lee gɨ cɨndɨge sɨla kɨɗɨn̰ naŋ bɨ, Sɨmayge ja kɔl naŋ bɨ, Bɨrɨŋ gɨsɨn̰ labɨde.»

Magtubu di Pol wal bɨn̰ kalaŋ ga Rɔm 3:11

«Ungo pɨna wo̰ gɨ ba sɔlɛ-hɨnga unɔ, Ungo pɨna wo̰ gɨ ba male Kumu unɔ.

Magtubu di Pol wal bɨn̰ kalaŋ ga Rɔm 3:23

Kalaŋ nɔm na ka-lɔɔ ɨsɨna, na wo̰ ma kan kɨya ɓale andaŋ a duroy gusoŋ-tɔgɛ gɨ da Kumu dɨŋ naŋ.

Magtubu di Pol wal bɨn̰ kalaŋ ga Rɔm 3:4

Cə, na hɨn̰ wo̰ naŋ bɨrɨŋ! Hɨn̰ gɨ kalaŋ nɔm naa ka-poy kalɨn̰ ma, Kumu na ba-yɔɔ kɔl gɨ cɨndi. Na hɨn̰ gɨ Magtubu di da Kumu ye wo̰: «Ay Kumu, hɨn̰ gɨ ji na ya kɔl na, Ungo sol gɨ naa kɔl gɨ cɨndi. Hɨn̰ gɨ ungo na dɨbɨ kɔl can̰ na, Kɔl wo̰ gɨ ba kɨya ƴɔmɛ can̰ unɔ.»

Titɨ 3:3

Na-gandi kalɨn̰ ma, tumɔ le na na kalaŋ ga dɨngaldaŋ bɨ, na na ka-mɨn̰e daa bɨ, kalaŋ ga kayaŋ bɨ. Na na gɔyɔŋ ga da tabɨlaŋdi hɨnga ga toyge kan̰dɨge kan̰dɨge bɨ, ga bɨn̰ ungo gusi-mɔwa bɨ. Na leede gɨŋ na kuduroy-ɨndɨwa bɨ, na somgɨŋ na kɨya lɔɔ kurɔŋdi hɨnga ga toyge kan̰dɨge kandɨge bɨ. Na leegɨŋ terɨn̰ tɔgɨ bɨ, na ƴomgɨŋ gusɨnagɨŋ dan̰ kuduroyna bɨ.

1 Pɨyɛr 1:16

Kɨya wa walge duroy Magtubu di da Kumu dɨŋ yege hɨn̰: «Wɨyagɨŋ dan̰ cɨndɨgɨŋ, kɨya ɨŋ-bandi Kumu ɨŋ woy dan̰ cɨnɨ bɨ.»

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»

Wasɨn̰a 22:15

Ama gaye bɨ, ka-lɔɔ tɨmba bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-dɨɗe kɨɗɨn̰ bɨ, ka-n̰ɨre kula bɨ, ka-geye kɔl yɔ ga ni poy naŋ le, yɔɔdɔ kɔl ga ni poy dan̰ wɔlɛ pɨna pɨna bɨ le, kɨya bɔɔge doŋ.