Magtubu di Pol wal bɨn̰ kalaŋ ga Rɔm 2:17 - Gabri Maja

¹⁷ Ama ja, ji gɨ gusoŋ gɨ ni Jubɨ ye can̰ le, ji ɗe togɨn̰ na a cay gasɨn̰-kɔl gɨŋ bɨ, ji de jorgɨn̰ na a cay Kumu bɨ.

Magtubu di Pol wal bɨn̰ kalaŋ ga Rɔm 2:17 Խաչաձեւ Հղումներ

Matɨyo 3:9

Bɨ kɨŋ ɗɔɔ ba sɔmɛ gɨ ni ɨrɨme kuduroygɨŋ yɔ hɨn̰: “Abɨraham na mon̰ini” ƴɔbɨ naŋ. Ɗe aŋ yəgɨŋ daa waŋ, hɨn̰ gɨ Kumu na gey naga na, ban kɨya ɓale bɨle orun̰əŋ ga kɛ le, leen̰ karɨn̰aŋ bɨn̰ Abɨraham.

Kɔl-gɨ-Ɗari gɨ Lug wal 10:28

Jesu jɨga dɨbii cay nee yeyi hɨn̰: «Ji dɨbəŋ cay nee dan̰ gɨyəŋdi han̰. Ji na laa hɨnga ga nee le nɔm na, ji kɨya sɔmɛ dan̰ cɨndɨn̰.»

Kɔl-gɨ-Ɗari gɨ Ja̰ wal 5:39

Kɨŋ madɨlde te kɔl duroy Magtubu di da Kumu di kan walge jɨne dɨŋ, kɨya wa kɨŋ ɨrɨm gɨ kɨŋ na kɨya sɔmɛ-bɨra dan̰ cɨndɨgɨŋ naa kol caa. Na magtubu di nee ba lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 5:45

Kɨŋ ɗɔɔ ba ɨrɨme gɨ naa ɨŋ-bandi na ba kɨya dɨbe kɔl caygɨŋ tumoyi Banɨ naŋ. Ban gɨ ba kɨya dɨbe kɔl caygɨŋ le na Moyis, ban gɨ kɨŋ bee ɨrɨmedɨgɨŋ cayi le.

Kɔl-gɨ-Ɗari gɨ Ja̰ wal 7:19

Kɛ na Moyis ba bɨgɨŋ gasɨn̰-kɔl naŋ ga? Ama ungo pɨna wo̰ duroygɨŋ gɨ am gasɨn̰-kɔl unɔ. Na kɨya wa ma magɨŋ malaŋ gɨ ni dɨɗəŋ ga?»

Kɔl-gɨ-Ɗari gɨ Ja̰ wal 8:33

Kan jɨga dɨbige cay nee yeyige hɨn̰: «Hay! Ni na kongɨn̰i Abɨraham, ni laa guyɔŋdu da ungo cay pɨna naŋ bɨrɨŋ. Na mɨna ma, mɨn̰ ye gɨ ni na kɨya bɨle ka-sɔmɛ cayni kalɨn̰ ga?»

Kɔl-gɨ-Ɗari gɨ Ja̰ wal 8:41

Ama kɨŋ-gandi kɨŋ lee na gɨye-lɔɔ gɨ da baygɨŋ.» Kan jɨga dɨbiige cay nee yeyge hɨn̰: «Ni na karɨn̰ lawɨne naŋ. Bayni na pɨna hayi ƴɔbɨ, ban na Kumu.»

Magtubu di Pol wal bɨn̰ kalaŋ ga Rɔm 2:23

Ji gɨ ji de jorgɨn̰ kɨya cay gasɨn̰-kɔl le na kɨya wa man̰ hangɨɗɨ cay gasɨn̰-kɔl mondɨn̰ guson̰ Kumu ga?

Magtubu di Pol wal bɨn̰ kalaŋ ga Rɔm 3:27

Naa hɨn̰ wo̰ na, kɛ kɨɗɨn̰ ga ungo kɨya dogɨn̰ jorgii woy nee ga? Kɨɗɨn̰di unɔ. Na kɨya wa ma kɨɗɨn̰ ga ungo kɨya ɓale dogɨn̰ jorgii nee unɔ ga? Na kɨya gɨ ban kɨya ɓale bɨle durɔ ɗɨngar dan̰ gɨyəŋ gɨ da gɨye-lɔɔdi naŋ, ama na dan̰ gɨyəŋ gɨ da aye kudurɔ.

Magtubu di Pol wal bɨn̰ kalaŋ ga Rɔm 9:32

Kɛ, na kɨya wa ma kan gabaŋge ga? Kɨya wa kan kɨbage gɨyəŋ gɨ da aye kudurɔ naŋ. A ɨrɨmedɨge gɨŋ na, ke na kɨya bɨle kalaŋ ga dan̰ durɔ ɗɨngar naa dan̰ gɨyəŋ gɨ da gɨye-lɔɔdɨge. Lee gɨ kan de tɨbayige a cay oru gɨ ba kɨya dorge nayge gɨŋ,

2 Korɛ̰t 11:22

Kan na Əbɨro ga? Ɨŋ na Əbɨro bɨ. Kan na karɨn̰ Ɨsɨrayɛl ga? Ɨŋ na kɨye Ɨsɨrayɛl bɨ. Kan na a te wɨn̰je gɨ da Abɨraham ga? Ɨŋ na a te wɨn̰je gɨ da Abɨraham bɨ.

Galad 2:15

Ni-gandi gusɨni kalɨn̰ ma, ni na te wɔɔ gɨ da Jubɨ cən̰ wala ni na a te wɔɔ gɨ da kalaŋ ga sɨlage gasɨn̰-kɔl gɨ da Kumu naŋ, ga na kalaŋ ga toyge na Jubɨ naŋ, le naŋ.

Epɛs 2:11

Ay karmɨnɨ ga toygɨŋ na Jubɨ naŋ, hɨngɨŋ a cay gɨye-lɔɔdɨgɨŋ gɨ ɨlgi. Tumɔ Jubɨn̰əŋ yege kol caygɨŋ gɨ kɨŋ na wala ban̰a naŋ. Kalaŋ ga ye kɔl gɨ nee le yege gɨ naa ke ƴɔbɨ ma naa ka-ban̰a, ama ban̰a toge na wale kuyoŋ gɨ kan leege dan̰ kobɨ kalaŋ ƴɔbɨ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.

Wasɨn̰a 3:1

Ungo gɨ ɨŋ ba solii le ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Sardɨ. «Ban gɨ Turnɔ di da Kumu ga jurgum bɨ, dɛsɨɗɛŋ ga jurgum bɨ woyge kobi le ye hɨn̰: Ɨŋ sol gɨye-lɔɔdɨn̰. Gusoŋ gɨ ni sɔmɛ-bɨra ba yɔɔ can̰ kalɨn̰ wo̰, ama leen̰ cɨndi na ji woy gɨlɨn̰ na hɨn̰ ungo gɨ ma wo̰ ɨni.

Wasɨn̰a 3:9

Sɨlagɨŋ, kan ga yege gɨ ke naa Jubɨn̰əŋ ama kan na Jubɨn̰əŋ naŋ le, kan olge Kumu duroy ƴaa-daye-di-da-Jubɨn̰əŋ hage ama leen̰ cɨndi na, kan na ka-poy, kan na ƴaa-daye di da Sidan. Kan ga nee le na, ɨŋ kɨya lɔɔ gɨ kan kɨya ɨrga gusɨgɨŋ bɨ, pɔyɛ gɨbayge dugo tumoygɨŋ bɨ ɗe kan solɨn̰ge hɨn̰ gɨ ɨŋ na geygɨŋ wo̰ bɨ.