Magtubu di Pol wal bɨn̰ kalaŋ ga Rɔm 2:13 - Gabri Maja

¹³ Kalaŋ ga woyge dan̰ durɔ ɗɨngar tumoyi Kumu le, na kan ga ka-jɔɔ gasɨn̰-kɔl ga kɛ le dan̰ sɨmayge ƴɔbɨ naŋ, ama kalaŋ ga woyge dan̰ durɔ ɗɨngar le, na kan ga ka-lɔɔ hɨnga ga gasɨn̰-kɔl ojɨ.

Magtubu di Pol wal bɨn̰ kalaŋ ga Rɔm 2:13 Խաչաձեւ Հղումներ

Kɔl-gɨ-Ɗari gɨ Lug wal 18:14

Aŋ yəgɨŋ daa waŋ, duroy kalaŋ ga sɔɔ le, ungo gɨ kɛ le jogɨ ɨndi tayi, hɨn̰ ungo gɨ dan̰ durɔ ɗɨngar wo̰. Ama Parɨsɨn̰a le jogɨ ɨndi tayi hɨn̰ ungo gɨ dan̰ durɔ ɗɨngar naŋ wo̰. Kɨya wa waŋ waŋ gɨ na laa gusi laan̰ ungo gɨ gumu na, Kumu kɨya bɨlii loon̰ ungo gɨ dḛ, ama ungo gɨ na laa gusi laan̰ ungo gɨ dḛ na, Kumu kɨya bɨlii loon̰ ungo gɨ gumu.»

Kɔl-gɨ-Ɗari gɨ Lug wal 8:21

Ama Jesu yege hɨn̰: «Na kan ga ba jege kɔl gɨ da Kumu bɨ ayge leen̰ gɨye bɨ le, kan ma na ƴonɨ dan̰ karmɨnɨ.»

Kɔl-gɨ-Ɗari gɨ Ja̰ wal 13:17

Haw kɛ, kɨŋ sol hɨnga nɔm ga nee le. Hɨn̰ gɨ kɨŋ na aya laan̰ gɨye na, tumoy wolwa kɨya wɔyɛ kol caygɨŋ.

Gɨye-lɔɔ 13:39

Waŋ waŋ gɨ na bɨga kuduroy cayi na, Kumu dor kɔl cayi coŋ ɨni.

Magtubu di Pol wal bɨn̰ kalaŋ ga Rɔm 10:5

A duroy magtubu dɨŋ le, naa Moyis dan̰ gusi koyi wal kɔl gɨ ojɨn̰ cay gɨyəŋ gɨ ni bɨlɨn̰ durɔ ɗɨngar dan̰ gɨyəŋ gɨ da gasɨn̰-kɔl ye hɨn̰: «Ungo gɨ na laa gasɨn̰-kɔl kuɗa dɨra cɨrɛɗ na, Kɨya sɔmɛ-bɨra dan̰ gɨyəŋ koyi.»

Magtubu di Pol wal bɨn̰ kalaŋ ga Rɔm 2:25

Na cɨndi, hɨn̰ gɨ ji na ɨr a cay gasɨn̰-kɔl gaŋ na, wale ban̰a na hɨnga ga ɗari. Ama hɨn̰ gɨ ji na hangɨɗa cay gasɨn̰-kɔl na, wale ban̰a ton̰ na hɨnga ga kalɨn̰ wo̰ dugo.

Magtubu di Pol wal bɨn̰ kalaŋ ga Rɔm 3:20

Na toy di hɨn̰ wo̰ ma, ungo gɨ ba kɨya bɨle ungo gɨ dan̰ durɔ ɗɨngar a cɨn̰ Kumu dan̰ gɨyəŋ gɨ da gɨye-lɔɔ gɨ da gasɨn̰-kɔl unɔ. Kɨya wa gasɨn̰-kɔl gɨl na ɨsɨna gɨ da kalaŋ ɗe kan na sol ƴɔbɨ.

Magtubu di Pol wal bɨn̰ kalaŋ ga Rɔm 3:23

Kalaŋ nɔm na ka-lɔɔ ɨsɨna, na wo̰ ma kan kɨya ɓale andaŋ a duroy gusoŋ-tɔgɛ gɨ da Kumu dɨŋ naŋ.

Magtubu di Pol wal bɨn̰ kalaŋ ga Rɔm 3:30

kɨya wa Kumu na pɨna hayi ƴɔbɨ. Ban bɨle te kalaŋ ga na Jubɨn̰əŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge bɨ, bɨle te kalaŋ ga toyge na Jubɨ naŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge nee bɨ.

1 Korɛ̰t 4:4

Ko hɨn̰ gɨ ɨŋ na sɨla gɨ kɔl na unɔ canɨ kalɨn̰ ma, ɨŋ bɨl ungo gɨ dan̰ durɔ ɗɨngar na kol ban gɨ nee le naŋ. Kɨya wa ba bɔyɛ kɔl canɨ na Ba-gulɔŋ.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 5:4

Kɨŋ ga ka-male gɨ kalaŋ na sɨlagɨŋge laan̰ kalaŋ ga dan̰ durɔ ɗɨngar dan̰ gɨyəŋ gɨ da gasɨn̰-kɔl le, kɨŋ curoŋ yɔd dan̰ Kɨris, bɨlɨn̰ kardɨgɨŋ bɨn̰ ɗarwa di da Kumu toyi bɨ.

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.

1 Ja̰ 2:29

Hɨn̰ gɨ kɨŋ na sɨla gɨ ban naa ungo gɨ dan̰ durɔ ɗɨngar na, kɨŋ sol gɨ waŋ waŋ gɨ na laa hɨnga ga dan̰ durɔ ɗɨngar na, na ungo gɨ bɨləŋ kurɨn̰ Kumu ɨni.

1 Ja̰ 3:7

Ay, karɨnɨ, ɗɔɔgɨŋ ungo nare cɨndɨgɨŋ naŋ. Waŋ waŋ gɨ na laa hɨnga ga dan̰ durɔ ɗɨngar na, na ungo gɨ dan̰ durɔ ɗɨngar hɨn̰ gɨ Kɨris na ungo gɨ dan̰ durɔ ɗɨngar wo̰ bɨ.