Magtubu di Pol wal bɨn̰ kalaŋ ga Rɔm 16:4 - Gabri Maja

⁴ Kan andaŋge duroy hɨnga ga dɨmbɨre gɨɗaŋ gaŋ kɨya pɔɗɔŋge kɨbɨ tɨma dɨŋ. Na ɨŋ-bandi kan̰nɨ ba looge ho’o naŋ, ama kalaŋ nɔm ga na Ka-Daye ga somge a duroy kalaŋ ga toyge na Jubɨ naŋ le kalɨn̰ ma, woyge te looge ho’o bɨ.

Magtubu di Pol wal bɨn̰ kalaŋ ga Rɔm 16:4 Խաչաձեւ Հղումներ

Kɔl-gɨ-Ɗari gɨ Ja̰ wal 15:13

Geye gɨ gumu ɗɨn̰ geye gɨ ungo gey ka-pogɨn̰ii bɨrɨŋ ɗen̰ gusi bɨn̰ tɨma le unɔ.

Gɨye-lɔɔ 15:26

Kan na kalaŋ ga ay gusɨge dɨbɨ coŋ kɨya cay guson̰ Ba-gulondɨni Jesu-Kɨris.

Gɨye-lɔɔ 15:41

Pol gɔdɨrde cay gɨsəŋ ga Siri gaŋ bɨ, ga Sɨlisi gaŋ bɨ. Dobɨn̰ bandɨ kuduroy Ka-Daye gaŋ ɗe gɨ kan na ɨrɨn̰ge usa a cay aye kudurɔ koge gɨŋ bɨ.

Gɨye-lɔɔ 16:5

Kalaŋ ga a duroy Ka-Dayen̰əŋ gaŋ ɨrege osu a cay aye kudurɔ koge gɨŋ bɨ, kondɨwayge say cay kamdɨge gaŋ dan̰ wɔlɛ pɨna pɨna bɨ.

Gɨye-lɔɔ 9:31

Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

Magtubu di Pol wal bɨn̰ kalaŋ ga Rɔm 16:3

Laan̰gɨŋ Pɨrisil dan̰ Agilas, lapɨya bəŋ. Kan na kamnɨ ka-lɔɔ gɨye pɨna danaŋ te bugoŋ pɨna gɨŋ dan̰ Jesu-Kɨris.

Magtubu di Pol wal bɨn̰ kalaŋ ga Rɔm 16:5

Laan̰gɨŋ Ka-Daye ga daydaŋge tage le, lapɨya bəŋ bɨ. Laan̰gɨŋ ban gɨ ɨŋ lee-toyi Epayinɛt lapɨya bəŋ bɨ. Ban na ungo gɨ cay wase cɨg cɨg gɨ ay kuduroyi bɨn̰ Jesu-Kɨris a cay gɨsəŋ ga Aji gaŋ.

Magtubu di Pol wal bɨn̰ kalaŋ ga Rɔm 5:7

Osu tɔgɨ ɗe ungo na ma kol cay mɨgay gɨ ɗaŋ, ko ban naa ungo gɨ dan̰ durɔ ɗɨngar. Kuɗa dɨm ma ungo kɨya geye mare kɨya cay ungo gɨ ba lɔɔ ɗarwa ƴee.

1 Korɛ̰t 16:1

Kɔl gɨ ojɨ cay hɨnga ga ni hɔgɛ ga ojɨ cay kalaŋ ga woyge dan̰ cɨndɨge a cay ƴaa-di-gumu di Jerusalɛm dɨŋ gɨ ɨŋ ba gɨlɨn̰ Ka-Daye ga a cay gɨsəŋ ga Galasi gaŋ le, ojɨ gɨ kɨŋ-gandi kalɨn̰ ma kɨŋ laa hɨn̰ koge wo̰ bɨ.

1 Korɛ̰t 7:17

Gasi kɔl ba kɛ, ɗa gɨ waŋ waŋ kalɨn̰ ma sɨma hɨn̰ gɨ tumɔ Ba-gulɔŋ ba bii gɨ ni somɨn̰ kɨɗɨn̰di gaŋ pa dɨm ma Kumu ba teeyi ƴee le. Na hɨnga ga nee le ma na te tumɔ di ɨŋ bɨn̰ Ka-Daye a kɨɗɨn̰ gaŋ nɔm.

Pilib 2:30

Kɨya wa ba mɨnde gɨ ban ni kɨya mare kɨya cay gɨye gɨ da Kɨris. Ban ay gusi dɨbɨ coŋ ƴen̰ ban̰dɨgɨŋ leen̰ gɨye kɨya gɨ toygɨŋ hen̰.

1 Tesalonigɨ 2:14

Ay, karmɨnɨ ga ban̰aŋ dan̰ ga kandɨ, kɨŋ ay cay tɨban̰ gɨyəŋ gɨ nee le, hɨn̰ Ka-Daye ga da Kumu ga bugoŋge pɨna dan̰ Jesu-Kɨris, ga somge a cay gɨsəŋ ga Jude gaŋ le. Kɨŋ woy na hɨn̰ kan wo̰ bɨ. Kalaŋ ga a cay gɨsəŋ kagɨŋ gaŋ gɨlgɨŋge cɨn̰ na hɨn̰ gɨ Jubɨn̰əŋ kalɨn̰ ma ba gɨlɨn̰ge kalaŋ ga da Jesu ga a cay gɨsəŋ kage gaŋ cɨn̰ wo̰ bɨ.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

Wasɨn̰a 1:4

Sɨlagɨŋ ɨŋ-bandi Ja̰, ɨŋ wal magtubu gɨyɨn̰ dan̰ kɔl gɨ kɛ le bɨn̰ na Ka-Daye ga kɨɗɨn̰ jurgum ga somge a cay gɨsəŋ ga Aji gaŋ. Kuɗa gɨ Kumu bɨgɨŋ ɗarwa bɨ, gusi-dɔbɛ bɨ. Ban som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ kɨya ɨrga gɨŋ bɨ. Kuɗa gɨ Turnɔ di da Kumu ga jurgum ga somge a tumoy kali-tɨrɨmbala da Kumu dɨŋ le, bɨgɨŋge ɗarwa bɨ, gusi-dɔbɛ bɨ.