Magtubu di Pol wal bɨn̰ kalaŋ ga Rɔm 10:9 - Gabri Maja

⁹ Na cɨndi, hɨn̰ gɨ ji na ya dan̰ kɨbɨn̰ gɨ Jesu naa Ba-gulɔŋ bɨ, hɨn̰ gɨ a ɗugon̰ ji na bɨga kuduron̰ cay nee gɨ Kumu na boyii lɨbii duroy kalaŋ ga madɨrdaŋ gaŋ bɨ na, ji kɨya pɔɗɛ.

Magtubu di Pol wal bɨn̰ kalaŋ ga Rɔm 10:9 Խաչաձեւ Հղումներ

Kɔl-gɨ-Ɗari gɨ Lug wal 12:8

Jesu ye hɨn̰: «Aŋ yəgɨŋ waŋ waŋ gɨ na ya tumoy kalaŋ gɨ ɗi naa ungo hɨnge na, ɨŋ-bandi Kurɨn̰-ungo kalɨn̰ ma, ɨŋ kɨya yɔ tumoy ka-ƴɔbɛ ga da Kumu, gɨ ban na ungo hɨnge bɨ.

Kɔl-gɨ-Ɗari gɨ Ja̰ wal 9:22

Ka-wɔɔdi yege kɔl gɨ nee le hɨn̰ wo̰, na kɨya gɨ kan hɨndarge na ka-cay Jubɨn̰əŋ. Kan ga nee le beege noyge pɨna, kɨya taan̰ waŋ waŋ gɨ na ya gɨ Jesu naa Kɨris ban gɨ Kumu dorii le, a duroy ƴaa-daye-di-da-Jubɨn̰əŋ dɨŋ coŋ.

Gɨye-lɔɔ 16:31

Kan dɨbiige cay nee yeyge hɨn̰: «Bɨga kuduron̰ a cay Ba-gulɔŋ Jesu bɨ, ji kɨya wɔɔ pɔɗɛ dan̰ ka-ƴaadɨn̰.»

Gɨye-lɔɔ 2:24

Ama Kumu boyi lɨbii duroy kalaŋ ga madɨrdaŋ gaŋ bɨ, dorii kɨbɨ gusi lɔɔ gɨ da tɨma dɨŋ bɨ. Kɨya wa tɨma ɓala ƴomii a te dɔnɔ tɔɔ dɨŋ naŋ.

Gɨye-lɔɔ 2:32

«Jesu ban gɨ nee le, Kumu boyi lɨbii bɨ, na-gandi nɔm na soliigɨŋ dan̰ cɨndɨnagɨŋ bɨ, nana tɨmon̰ kayi bɨ.

Gɨye-lɔɔ 8:36

Kɨɗɨn̰ ga kan ayge gɨyəŋ orge na, kan bugoŋge a kɨɗɨn̰ ga kaŋ woy nee gaŋ ɨni na, ungo gɨ kan dorge toyi le yey hɨn̰: «Sɨla kaŋ ba kɛ, na wa ba kɨya nare ɗe gɨ ji gɨ looŋ batɛm ga?»

Magtubu di Pol wal bɨn̰ kalaŋ ga Rɔm 10:10

Kɨya wa na dan̰ gɨyəŋ gɨ da aye kudurɔ gɨ woy a ɗugoy ungo le ma Kumu bɨlɨn̰ ungo leen̰ gɨ dan̰ durɔ ɗɨngar a cɨndi bɨ, na dan̰ gɨyəŋ gɨ da kɔl gɨ andaŋ a kɨbi le ma Kumu poɗii bɨ.

Magtubu di Pol wal bɨn̰ kalaŋ ga Rɔm 14:11

Kan walge duroy Magtubu di da Kumu dɨŋ: «Ba-gulɔŋ ye hɨn̰: “Ɨŋ-bandi ɨŋ dor gusɨnɨ dan̰ gusɨnɨ hɨnge, Gɨ kalaŋ nɔm kɨya pɔyɛge gɨbayge dugo tumonɨ bɨ, Kalaŋ nɔm kɨya yɔɔge dan̰ kɨbɨge gɨ ɨŋ naa Kumu bɨ.”»

Magtubu di Pol wal bɨn̰ kalaŋ ga Rɔm 14:9

Kɨya wa Kɨris ma bɨ boy lɨbɨ bɨ, kɨya bɨlɨn̰ Ba-gulɔŋ gɨ da kalaŋ ga somge-bɨra bɨ, Ba-gulɔŋ gɨ da kalaŋ ga madɨrdaŋ bɨ.

Magtubu di Pol wal bɨn̰ kalaŋ ga Rɔm 4:24

Ama walge ojɨn̰ na cayna na-gandi bɨ. Hɨn̰ gɨ na na bɨga kuduroyna a cay Kumu gɨ ba bɔyɛ Ba-gulondɨna Jesu lɨbii duroy kalaŋ ga madɨrdaŋ gaŋ na, ban kɨya bɨlna leen̰ kalaŋ ga dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 8:34

Kɛ na waŋ ba kɨya ɓale bɔyɛ kɔl sige cayge ga? Ungo wo̰ unɔ! Jesu-Kɨris gusi ba mare kol cayna. Ɗɨn̰ gɨ nee le na, ban boy lɨbɨ bɨ som a kɨway Kumu a cay kobi gɨ bara gɨŋ bɨ, woy te ɔlɛ Kumu kol cayna.

1 Korɛ̰t 12:3

Na toy di hɨn̰ wo̰ ma ɨŋ gey gɨ kɨŋ na sɨla duroy kuɗa gɨ ungo gɨ na ya kɔl dan̰ gɨyəŋ gɨ da Turnɔ di da Kumu le, kɨya yɔ gɨ: «Ɓɨse na ƴɨma cay Jesu» naŋ bɨrɨŋ. Bɨ ungo gɨ ɓale yɔ hɨn̰: «Jesu naa Ba-gulɔŋ» dɨle gɨ Turnɔ ɗe-kuduroy-bɛrɛ naa ba ɗa kɨbi bɨ.

Pilib 2:11

Ɗe gɨ kɨbɨ te wɔɔ gɨ da kalaŋ nɔm ye gɨ Jesu-Kɨris naa Ba-gulɔŋ, Kɨya dɨbɨn̰ gusoŋ-tɔgɛ cay bayi Kumu.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Ja̰ 4:15

Waŋ waŋ gɨ na ya Jesu gusi naa Kurɨn̰-Kumu na, Kumu bugoŋ pɨna danayi bɨ, ban kalɨn̰ ma bugoŋ pɨna dan̰ Kumu bɨ.

2 Ja̰ 1:7

Ka-nare cɨn̰-kɨɗɨn̰ kondɨ andaŋge a cay gɨsəŋ gaŋ. Kan kan̰ge yɔ daa pɨraŋ hɨn̰ gɨ Jesu-Kɨris na ɨrga naa hɨn̰ ungo gɨ ɨndi wo̰ a cay gɨsəŋ gaŋ. Ungo gɨ na ya kɔl gɨ hɨn̰ wo̰ na, ban na ba nare kɨɗɨn̰ bɨ na ba-baa gɨ da Kɨris bɨ.