Magtubu di Pol wal bɨn̰ kalaŋ ga Rɔm 1:18 - Gabri Maja

¹⁸ Kuduroy-hɔmɛ da Kumu sayga gɨɗɨgɨ-Kumu gɨŋ baa a cay ka-baa ga da Kumu bɨ, a cay ka-lɔɔ gɨye gɨ dan̰ durɔ ɗɨngar naŋ bɨ, kɨya wa gɨye-lɔɔdɨge gɨ dan̰ durɔ ɗɨngar naŋ le tɨlɨm cay kɔl gɨ cɨndi dugo.

Magtubu di Pol wal bɨn̰ kalaŋ ga Rɔm 1:18 Խաչաձեւ Հղումներ

Magtubu di Pol wal bɨn̰ kalaŋ ga Rɔm 1:19

Kɨya wa hɨnga ga ojɨ cay Kumu ga kalaŋ ɓal sɔlɛ le duroyge woy arɨn̰ kol cayge. Kumu gusi koyi dor toyge daa waŋ bɨge.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 1:32

Kan solge gɨ kalaŋ ga ka-lɔɔ hɨnga ga nee le, Kumu na kɨya bɔyɛ kɔl tɨma cayge, ama kan woyge te lɔɔ ɨsɨna mɨjag mɨjag. Kan wɨyage na te lɔɔ ƴɔbɨ naŋ ama kalaŋ ga ɗaŋ ga woyge te lɔɔ kalɨn̰ ma, kan gey danage cay nee bɨ.

Magtubu di Pol wal bɨn̰ kalaŋ ga Rɔm 2:3

Ja, ji gɨ ba bɔyɛ kɔl a cay kalaŋ ga nee le bɨ, ji woy te lɔɔ hɨnga na hɨn̰ kan wo̰ bɨ le, kɛ ji ɨrɨm gɨ ji na kɨya dɔgɛ andaŋ a kɨbɨ bɔyɛ kɔl gɨ da Kumu gɨŋ ga?

Magtubu di Pol wal bɨn̰ kalaŋ ga Rɔm 3:9

Kɛ ni kɨya yɔ na mɨna coŋ ga? Kɛ ni ga ni Jubɨ le ni ɗɨn̰ te kalaŋ ga baa ga? Dḛ wo̰ naŋ bɨrɨŋ! Ɨŋ yəgɨŋ kɔl cay nee tumɔ ɨni gɨ Jubɨn̰əŋ bɨ kalaŋ ga toyge na Jubɨ naŋ bɨ, kan nɔm na a te dɔnɔ di da ɨsɨna gɨŋ.

Magtubu di Pol wal bɨn̰ kalaŋ ga Rɔm 4:15

Na cɨndi, gasɨn̰-kɔl ba gare kuduroy-hɔmɛ di da Kumu bɔgɛ a cay kalaŋ. Ama hɨn̰ gɨ gasɨn̰-kɔl na unɔ na, hangɨɗe cay gasɨn̰-kɔl kalɨn̰ ma unɔ bɨ.

Magtubu di Pol wal bɨn̰ kalaŋ ga Rɔm 5:6

Ho’o, kɨya wa a boy wɔlɛ gɨ Kumu ojɨ gɨŋ, kɨɗɨn̰ ga na-gandi na ɨran̰ dan̰ dɔnɔ di ni poɗɨn̰ gusɨna naŋ ƴee le, Kɨris ma kol cayna na-gandi ka-lɔɔ ɨsɨna.

Magtubu di Pol wal bɨn̰ kalaŋ ga Rɔm 5:9

Haw kɛ gɨ Kɨris bɨlna leen̰ kalaŋ ga dan̰ durɔ ɗɨngar a cɨndi dan̰ gɨyəŋ gɨ da kɨbardi gɨ bugoŋ dugo le, kɛ na wa ɗaŋ coŋ ba kɨya narii dorna kɨbɨ kuduroy-hɔmɛ di da Kumu dɨŋ coŋ ga?

Magtubu di Pol wal bɨn̰ kalaŋ ga Rɔm 6:13

Ɗɔɔ gɨ kɨŋ aye kɨway kuyoŋdi-gusɨgɨŋ leen̰ ɨsɨna, hɨn̰ gɨ kɨway gusɨgɨŋ le naa hɨnga ga ni leen̰ gɨye gɨ dan̰ durɔ ɗɨngar naŋ, wo̰ naŋ. Ama kɨŋ aya gusɨgɨŋ bɨn̰ Kumu yɔd hɨn̰ kalaŋ ga mage ma boyge lɨbɨ wo̰ bɨ, ayagɨŋ gusɨgɨŋ nɔm dɨbɨ coŋ kɨbɨ gɨye koyi gɨŋ hɨn̰ gɨ kɨŋ naa hɨnga ga ni leen̰ gɨye ga da hɨnga ga dan̰ durɔ ɗɨngar wo̰ bɨ.

Epɛs 5:6

Ɗɔɔgɨŋ ungo nargɨŋ dan̰ kɔl gɨ ni poy naŋ: Kɨya wa na hɨnga ga hɨn̰ wo̰ le ba jɨbe te kuduroy-hɔmɛ di da Kumu bɔgɛ cay kalaŋ ga na ka-baadi le.

Kɔlɔs 3:6

Na hɨnga ga nee le ba sɔgɛ kuduroy-hɔmɛ da Kumu ɨrgan̰ le.

2 Tesalonigɨ 2:10

Ba-Kuduroy-Ɨndɨwa gɨ nee le, kɨya ɨrga lɔɔ hɨnga ga ɨsɨni ga toyge kan̰dɨge kan̰dɨge ga ni narɨn̰ kalaŋ ga kɨya mundoŋ coŋ. Kɨya wa kan kan̰ge ƴɔɔ bɨ geye kɔl gɨ cɨndi bɨ gɨ ni ba kɨya ɓale poɗɨge le.

2 Tesalonigɨ 2:6

Ama, hɨnga ga nar ba kuduroy-ɨndɨwa ɗe na gɨl gusi doŋ haw kɛ na, kɨŋ sol. Ama, na wɔlɛ gɨ Kumu gɨsɨ dɨm ma Ba-Kuduroy-Ɨndɨwa gɨ nee le, kɨya gɨle gusi doŋ ƴee.