Magtubu di Pol wal bɨn̰ kalaŋ ga Rɔm 1:13 - Gabri Maja

¹³ Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla gɨ ɨŋ ojɨ tɨba kondɨ gɨ ni ɔrɛ gusɨgɨŋ, ɨŋ gey gɨ ɗe gɨye-lɔɔnɨ na andaŋ hɨnga duroygɨŋ hɨn̰ gɨ ba andɨn̰ hɨnga duroy kalaŋ ga toyge na Jubɨ naŋ ga ɗaŋ nɔm wo̰ bɨ. Ama ɨŋ ɓala bugoŋ gusɨgɨŋ naŋ bɨrɨŋ gɨsɨn̰ labɨde.

Magtubu di Pol wal bɨn̰ kalaŋ ga Rɔm 1:13 Խաչաձեւ Հղումներ

Kɔl-gɨ-Ɗari gɨ Ja̰ wal 12:24

Jagɨŋ, ɨŋ yəgɨŋ na kɔl gɨ cɨndi, hɨn̰ gɨ cɨn̰ gɛmɛ na ba gɨsəŋ bɨ na mara naŋ na, hɨndi kɨya wɔyɛ na kɨɗɨn̰do gaŋ kan̰do tɔɔ dɨŋ haa. Ama hɨn̰ gɨ hɨndi na mara na, hɨndi kɨya wɔ karɨndo dan̰ kondɨwayge.

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 4:36

Ba-wale cay gasa way hɨnga ga ni cay kobi ɨni bɨ, ban day cɨn̰ gasa ga ɗari le daa kɨya cay sɔmɛ-bɨra gɨ dan̰ cɨndi le. Lee gɨ ba-gɨse bɨ, ba-wale gasa bɨ, leege gusi-mɔwa pɨna.

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 15:12

Kɨɗɨn̰di ga nee gaŋ le, kalaŋ nɔm ga ba dayaŋge le somge sɨndɨŋ bɨ, jen̰ge kɔl gɨ a kɨbɨ Pol bɨ Barnabas bɨ. Kan dorge te kol hɨnga nɔm ga ɗɨn̰ cɨn̰-kɨɗɨn̰ bɨ, hɨnga ga ni beli nɔm bɨ ga Kumu ba lee dan̰ gɨyəŋ koge duroy kalaŋ ga toyge na Jubɨ naŋ le.

Gɨye-lɔɔ 19:21

Kardi hɨngan̰əŋ ga ba lee gusɨge le, Pol ojɨ gaye cay gɨsəŋ ga Masedɨwan bɨ, ga Agay bɨ, andɨn̰ kɨya orɨn̰ jɨn̰ cay ƴaa-di-gumu di Jerusalɛm dɨŋ. Ban ye hɨn̰: «Hɨn̰ gɨ ɨŋ na bugoŋ ni na, naa wa wa kalɨn̰ ma, ɨŋ kɨya ɔrɛ sɔlɛ Rɔm bɨ.»

Gɨye-lɔɔ 21:19

Pol leege lapɨya bɨ, ban dorge kol hɨnga nɔm ga Kumu lee dan̰ gɨyəŋ gɨ da gɨye koyi, a duroy kalaŋ ga toyge na Jubɨ naŋ.

Gɨye-lɔɔ 28:14

A boy cay gɨsəŋ ga nee gaŋ le, ni wayi dan̰ karmɨni ga molnige gɨ ni na sɨma danage dɨmasɨ pɨna. Na dan̰ gɨyəŋ gɨ hɨn̰ wo̰ ma, mani andɨn̰ a Rɔm.

Magtubu di Pol wal bɨn̰ kalaŋ ga Rɔm 1:12

Ɗɨn̰ gɨ nee le na, ɨŋ gey ɔrɛ gusɨgɨŋ ɗe dan̰ gɨyəŋ gɨ da aye kudurɔ kogɨŋ bɨ hɨnge bɨ na, na-gandi nɔm na na wayan̰ bandɨ.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Magtubu di Pol wal bɨn̰ kalaŋ ga Rɔm 7:1

Ay karmɨnɨ ga ban̰aŋ dan̰ ga kandɨ, kɨŋ ga ɨŋ ba yəgɨŋ kɔl kɛ le, kɨŋ sol gasɨn̰-kɔl kuɗa ɨni. Kɨŋ sol leen̰ cɨndi gɨ gasɨn̰-kɔl orɨn̰ dan̰ dɔnɔ a cay ungo, na kɨɗɨn̰ ga ban somɨn̰-bɨra dan̰ cɨndi ƴee.

1 Korɛ̰t 1:10

Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

1 Korɛ̰t 10:1

Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ sɔmɛ dɨle sɔlɛ-hɨnga ga lee mon̰ina ga jɨne naŋ. Kan nɔm somge na a te gɨrɨmbale gaŋ bɨ, kan nɔm gayge kuray gɨ gumu bɨ.

1 Korɛ̰t 12:1

Ay, karmɨnɨ ga ban̰aŋ dan̰ ga kandɨ, ojɨn̰ cay hɨnga ga da Turnɔ ɗe-kuduroy-bɛrɛ le, ɨŋ gey gɨ kɨŋ na sɨla duroyge kuɗa.

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

1 Korɛ̰t 14:26

Hɨn̰ wo̰ na, karmɨnɨ ga ban̰aŋ dan̰ ga kandɨ, kɛ na wa ba ɔjɛ gɨ ni lɔɔ ga? Kɨɗɨn̰ ga kɨŋ ba dayaŋ le, ɗa gɨ waŋ waŋ kalɨn̰ ma ɨrɨn̰ dan̰ hɨnga ga ban ba-orɨn̰ le. Ungo gɨ pɨna orɨn̰ dan̰ kɨra, ungo gɨ ɗaŋ orɨn̰ dan̰ kɔl gɨ ni gɨle, ungo gɨ ɗaŋ coŋ orɨn̰ dan̰ hɨnga ga Kumu boy cɨndi cay nee hɨn̰ dḛḛ wo̰, gɨ ɗaŋ coŋ orɨn̰ dan̰ kɨbɨ gɨ ungo sɨla naŋ, naŋ le dɔrɛ toyge. Hɨnga nɔm ga kɨŋ ba kɨya lɔɔ le ɗa ɗe jɨbɨ te Ka-Daye ɗe orɨn̰ge jɨn̰ tumɔ tumɔ.

1 Korɛ̰t 9:2

Hɨn̰ gɨ a cɨn̰ kalaŋ ga ɗaŋ ɨŋ naa ba-gɨre-gɨye naŋ kalɨn̰ ma, cɨndɨgɨŋ kɨŋ-gandi na ɨŋ na ba-gɨre-gɨye kol caygɨŋ leen̰ cɨndi. Kɨya wa kɨŋ na ban̰di kɔbɔŋ gɨ gɨl gɨ ɨŋ naa ba-gɨre-gɨye, kɨya wa kɨŋ bugoŋ pɨna dan̰ Ba-gulɔŋ.

2 Korɛ̰t 1:8

Ay karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla kardi hɨnga ga ni dɔsɛ-ɗugɔ ga andaŋ cayni a cay gɨsəŋ ga Aji gaŋ: Hɨnga ga ni dɔsɛ-ɗugɔ ga nee le nɨn̰ni tɔgɨ, kɔjɛdɨge ɗɨn̰ togɨyni, bɨrɨŋ gɨ ni ɨrɨm hɨn̰ gɨ ni na kɨya sɔmɛ-bɨra hɨn̰ wo̰ naŋ.

2 Korɛ̰t 2:14

Kumu gɨ ba lɔɔ gɨ na ay banga dan̰ tɨwa nɔm kol bugoŋ gɨ na bugoŋ pɨna dan̰ Kɨris le, ɨŋ leeyi ho’o. Kumu lee gɨ ni or tɔgɛ bɛrnɛ di da Kɔl-gɨ-Ɗari a kɨɗɨn̰ gaŋ nɔm bɨn̰ kalaŋ ɗe solɨn̰ge te sarnay Kɨris. Te sarnay Kɨris gɨ kalaŋ sol le, woy gɨlɨn̰ na hɨn̰ sɔŋ ɨdɨr gɨ tɨnadi ɗɔ̰ kuɗa ƴee kɨɗɨn̰ nɔm wo̰.

Galad 3:15

Ay, karmɨnɨ ga ban̰aŋ dan̰ ga kandɨ, ɨŋ ay gɨye-lɔɔ gɨ da kalaŋ ga ɨndəŋ, kɨya gɨlgɨŋ hɨnga pɨna. Hɨn̰ gɨ ungo na gɨsɨ gɔsɨnɛ hɨnga kayi ga kɨya bɔɔ ban̰di dan̰ gɨyəŋdɨge na, ungo gɨ ɗaŋ kɨya ɓale mɔndɛ coŋ naŋ bɨ, dɔrɛ kɔl boy nee coŋ naŋ bɨ, dɨbe koyi cay nee naŋ bɨ.

Galad 6:18

Karmɨnɨ ga ban̰aŋ dan̰ ga kandɨ, ɗa gɨ ɗarwa di da Ba-gulondɨna Jesu-Kɨris baa danagɨŋ bɨ, baa dan̰ turnoygɨŋ bɨ. Ɗa-ɗe-woy-hɨn̰-wo̰.

Pilib 1:22

Hɨn̰ gɨ ɨŋ na sɨma-bɨra cay gɨsəŋ gaŋ ƴee na, ɨŋ kɨya lɔɔ gɨye gɨ kuɗa bɨn̰ Kɨris. Ama a duroy sɔmɛ-bɨra dan̰ tɨma na, ɨŋ sɨla na hɨnga ga ani ma maŋ kɨya aye duroy hɨnga ga sɔɔ kɛ le naŋ.

Pilib 4:17

Ɨŋ na ya kɔl hɨn̰ wo̰ na, ɨŋ mala na ɗe gɨ kalaŋ na bəŋ hɨnga naŋ, ama ɨŋ mal na gɨ cay kobɨgɨŋ na sa cay mɨgay mɨgay.

Kɔlɔs 1:10

Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

1 Tesalonigɨ 2:18

Ni mal jɔgɛ tagɨŋ. Ɨŋ-bandi Pol na, ɨŋ mal ɔrɛ tagɨŋ na tɨba kondɨ. Ama Sidan narni ɔrɛ coŋ.

1 Tesalonigɨ 4:13

Ay karmɨnɨ ga ban̰aŋ dan̰ ga kandɨ, ni gey gɨ kɨŋ sɔmɛ dɨle sɔlɛ-hɨnga ga ojɨ cay kan ga mage le naŋ, ɗe agɨŋ leen̰ n̰age hɨn̰ kalaŋ ga hɨnga ga ni bɔgɛ ɨrɨmedɨge cay nee kage unɔ wo̰ naŋ.

2 Tesalonigɨ 2:7

Haw kɛ kalɨn̰ ma, dɔnɔ di da Ba-Kuduroy-Ɨndɨwa ɨre lee gɨye dan̰ wɔsɛ. Ama kɨya lɔɔ ɨsɨna gɨɗaŋ nee na wɔlɛ gɨ ungo ba-narii lɔɔ gɨye koyi cɨn̰ tɨwa dɨŋ, na unɔ dɨm.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.