Magtubu di Pol wal bɨn̰ kalaŋ ga Rɔm 1:1 - Gabri Maja

¹ Na ɨŋ-bandi Pol ba gɨyɨn̰ dan̰ magtubu bɨgɨŋ. Ɨŋ na marɨna ba-gɨye gɨ da Jesu-Kɨris. Ban təŋ ɗe gɨ ɨŋ na bɨl ba-gɨre-gɨye koyi bɨ, dɔrɔŋ səŋ dan̰ cɨnɨ kɨya togɨn̰ bɛrnɛ Kɔl-gɨ-Ɗari gɨ da Kumu bɨ.

Magtubu di Pol wal bɨn̰ kalaŋ ga Rɔm 1:1 Խաչաձեւ Հղումներ

Marg 1:14

Kardi nee kɨɗɨn̰ ga ƴomge Ja̰ dangay dɨŋ coŋ ɨni na, Jesu or a cay gɨsəŋ ga Galile gaŋ. Ban tee bɛrnɛ di da Kɔl-gɨ-Ɗari gɨ da Kumu ye hɨn̰:

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

Kɔl-gɨ-Ɗari gɨ Ja̰ wal 15:15

Ɨŋ kɨya togɨgɨŋ marɨne ka-gɨye naŋ bɨrɨŋ ɨni. Kɨya wa marɨna ba gɨye le, sɨla gɨye-lɔɔ gɨ da ba-gulondi naŋ. Ama ɨŋ tegɨŋ na ka-pogɨn̰ɨnɨ, kɨya gɨ hɨnga nɔm ga ɨŋ je koldɨge gusi Banɨ le, ɨŋ wɨsa cayge dugo danagɨŋ naŋ.

Kɔl-gɨ-Ɗari gɨ Ja̰ wal 15:20

Kɨŋ hɨn a cay kɔl gɨ ɨŋ ba yəgɨŋ ye hɨn̰: Marɨna ba-gɨye gumu ɗɨn̰ ba-gulɔŋ di naŋ le. Hɨn̰ gɨ kan na gɨləŋge cɨn̰-n̰age na, kan kɨya gɨlgɨŋge cɨn̰-n̰age bɨ. Hɨn̰ gɨ kan na aya kɔl hɨnge laan̰ gɨye na, kɨŋ kalɨn̰ ma, kan kɨya ayege kɔl kogɨŋ loon̰ gɨye bɨ.

Gɨye-lɔɔ 13:9

Kɨɗɨn̰ ga nee le Turnɔ ɗe-kuduroy-bɛrɛ ƴee kuduroy Sol gɨ kan teeyige Pol le pɨl pɨl, lee gɨ ban si cɨndi jɛr jɛr cayi,

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 21:40

Ba-sɔmɛ cay asɨgarn̰əŋ le ɗe Pol dor kɔl. Ɨni na, Pol ɨre a cay kɨɗɨn̰ ga ni non̰ jɨn̰ daa duroy ƴaa gɨŋ le bɨ, ban lee kobi, ɨni na, kalaŋ nɔm ɨrege sɨndɨŋ. Bɨ Pol say yege kɔl dan̰ kɨbɨ əbɨro.

Gɨye-lɔɔ 22:21

Ama Ba-gulɔŋ yəŋ hɨn̰: “Ɨra, ɨŋ kɨya gɨyɨn̰ na hen̰, dan̰ kɨɗɨn̰ ga kɛ gaŋ gusi kalaŋ ga toyge na Jubɨ naŋ”.»

Gɨye-lɔɔ 22:7

Ɨŋ buɗoŋ baa dugo bɨ, ɨŋ je noy ungo yəŋ hɨn̰: “Sol, Sol, ji gɨləŋ-cɨn̰ wo̰ na kɨya wa ga?”

Gɨye-lɔɔ 26:1

Agɨripa yen̰ Pol hɨn̰: «Gɨyəŋ woy hangɨwa bɨn̰ an̰ ye kɔl dorɨn̰ kɔl can̰ ɨni.» Kɨɗɨn̰ ga nee le bɨ, Pol tar kobi gɨlɨn̰ gɨ ɗi na kɨya yɔɔ kɔl gɨ ni dorɨn̰ kɔl cayi ye hɨn̰:

Gɨye-lɔɔ 26:14

Ni-gandi nɔm, ni turoŋ laydaŋ dugo. Ɨni na, ɨŋ je noy ungo gɨ pɨna wo̰ yəŋ kɔl dan̰ kɨbɨ əbɨro ye hɨn̰: “Sol, Sol, na kɨya wa ma man̰ gɨləŋ cɨn̰ wo̰ ga? Ɨre gɨ ji ba ɨrəŋ ɨŋ-bandi Kumu osu kɛ le, gusɨn̰ kon̰ ba kɨya leen̰ kalɨn̰ wo̰ dugo.”

Gɨye-lɔɔ 27:23

A duroy son̰do di kɛ dɨŋ, ba-ƴɔbɛ gɨ daa nii gɨ da Kumu gɨ ɨŋ na ungo koyi bɨ, ɨŋ lee gɨye koyi bɨ le, andaŋ canɨ,

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 1:9

Kumu gɨ ɨŋ lee gɨye bii dan̰ kuyoŋdi-gusɨnɨ nɔm a te tɔgɛ bɛrnɛ di da Kɔl-gɨ-Ɗari gɨ ojɨ cay Kurondi le, ɓal lɔɔ tɨmon̰ hɨnge gɨ ɨŋ na woy te ɨrɨme kol caygɨŋ daa daa bɨ, ɨŋ ol Kumu kol caygɨŋ

Magtubu di Pol wal bɨn̰ kalaŋ ga Rɔm 11:13

Haw kɛ na, aŋ yəgɨŋ kɨŋ-gandi ga na te kalaŋ ga toyge na Jubɨ naŋ. Ɨŋ-bandi na, ɨŋ na ba-gɨre-gɨye gɨ Kumu gɨyəŋ kol te kalaŋ ga toyge na Jubɨ naŋ. Ɨŋ lee gusi-mɔwa gɨɗaŋ a cay gɨye hɨnge gɨ gusondi ye.

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

Magtubu di Pol wal bɨn̰ kalaŋ ga Rɔm 15:29

Ɨŋ sol gɨ kɨɗɨn̰ ga ɨŋ na bugoŋ gusɨgɨŋ na, ɨŋ kɨya bugoŋ na dan̰ tɔrɛ-kɨbɨ gɨ da Kɨris gɨ ojɨ caygɨŋ gɨ walɨn̰ daa jɨŋ jɨŋ.

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

1 Korɛ̰t 1:1

Na ɨŋ-bandi Pol gɨ Kumu təŋ dan̰ gɨyəŋ gɨ da kuduroy geye koyi gɨ ɨŋ na bɨləŋ ba-gɨre-gɨye gɨ da Jesu-Kɨris, dan̰ kurɨndɨna Sostɛn ba walege magtubu bɨgɨŋ.

1 Korɛ̰t 9:1

Kɛ ɨŋ na ungo gɨ ɨŋ sɨma dan̰ canɨ naŋ ga? Kɛ ɨŋ na ba-gɨre-gɨye naŋ ga? Kɛ Jesu gɨ na Ba-gulondɨna le ɨŋ sɨlayi dan̰ cɨnɨ naŋ ga? Gɨye hɨnge gɨ ɨŋ ba lee bɨn̰ dan̰ Ba-gulɔŋ le kɛ na kɨŋ-gandi naŋ ga?

2 Korɛ̰t 1:1

Na ɨŋ-bandi Pol ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨgɨŋ Timote bɨ, ba gɨyɨn̰ge dan̰ magtubu di kɛ le. Ni gɨyɨn̰ bɨn̰ na Ka-Daye ga da Kumu ga a cay ƴaa-di-gumu di Korɛ̰t bɨ, kan ga woyge dan̰ cɨndɨge ga somge a cay gɨsəŋ ga Agay gaŋ nɔm bɨ.

2 Korɛ̰t 11:5

Ka-gɨre-gɨye ga nee ga kɨŋ ba ye kan naa ga gɨmdəŋ le, ɨŋ ya gɨ ɨŋ naa gɨ dḛ toyge naŋ.

2 Korɛ̰t 11:7

Kɨŋ sol gɨ kɨɗɨn̰ ga ɨŋ ba tee bɛrnɛ Kɔl-gɨ-Ɗari gɨ da Kumu bɨgɨŋ le, ɨŋ ɨngɨr gursu kobɨgɨŋ naŋ. Hɨn̰ wo̰ na ɨŋ lee gusɨnɨ leen̰ gɨ dḛ agɨŋ na bɨle kalaŋ ga gɨmdəŋ. Ma haw kɛ kɨŋ gɨ yɔ gɨ ɨŋ na lee naa ɨsɨna ga?

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

2 Korɛ̰t 2:12

Ɨŋ bugoŋ a cay ƴaa-di-gumu di Tɨrowas kɨya togɨn̰-bɛrnɛ di da Kɔl-gɨ-Ɗari gɨ da Kɨris. Kɨɗɨn̰ ga ɨŋ bugoŋ na, Ba-gulɔŋ haŋgɨ kɨbɨ gɨyəŋ dɨbɨ hangɨwa ɗe gɨ ɨŋ na tɨgan̰ bɛrnɛ.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

Galad 1:1

Na ɨŋ-bandi Pol ba-gɨre-gɨye, ba gɨyɨn̰ dan̰ magtubu di kɛ le. Ɨŋ gɨr gɨye na dan̰ te tumɔ da kalaŋ naŋ bɨ, dan̰ kuduroy geye koge naŋ bɨ, ama na dan̰ te tumɔ da Jesu-Kɨris bɨ, da Bayna Kumu gɨ boyi lɨbii duroy kalaŋ ga madɨrdaŋ gaŋ bɨ.

Epɛs 1:1

Na ɨŋ-bandi Pol ba wale magtubu di kɛ le. Ɨŋ na ba-gɨre-gɨye gɨ da Jesu-Kɨris, kɨya gɨ na kuduroy geye gɨ da Kumu koyi. Ɨŋ wal magtubu di kɛ le bɨn̰ na kalaŋ ga woyge dan̰ cɨndɨge a cay ƴaa-di-gumu di Epɛs dɨŋ bɨ, ga ɨrege cay tɨbayige dɨŋ dan̰ wɔlɛ pɨna pɨna a te bugoŋ pɨna dan̰ Jesu-Kɨris koge gɨŋ bɨ.

Epɛs 1:13

Kɨŋ kalɨn̰ ma kɨɗɨn̰ ga kɨŋ ba je kɔl gɨ cɨndi, gɨ na Kɔl-gɨ-Ɗari gɨ kɨŋ wan̰ pɔɗɛ le, kɨŋ bee kuduroygɨŋ cay Kɨris. Ɨni na dan̰ gɨyəŋ gɨ da bugoŋ gɨ kɨŋ bugoŋ pɨna danayi le, Kumu ɗe kambe kayi gusɨgɨŋ. Kambe ga nee le na Turnɔ ɗe-kuduroy-bɛrɛ di ban ye gɨ ɗi na kɨya bɨn̰ kalaŋ kayi le.

Epɛs 4:11

Hɨnga ga ban bɨn̰ kalaŋ kalɨn̰ le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ka-tɔgɛ bɛrnɛ Kɔl-gɨ-Ɗari bɨ, ka-sɔlɛ kardi kalaŋ ga da Kumu dan̰ ka-gɨlɨn̰ kalaŋ hɨnga bɨ.

Pilib 1:1

Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ.

Pilib 2:11

Ɗe gɨ kɨbɨ te wɔɔ gɨ da kalaŋ nɔm ye gɨ Jesu-Kɨris naa Ba-gulɔŋ, Kɨya dɨbɨn̰ gusoŋ-tɔgɛ cay bayi Kumu.

Kɔlɔs 1:1

Na ɨŋ-bandi Pol, ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨna Timote bɨ,

Kɔlɔs 1:25

Ɨŋ bɨle ba lɔɔ gɨye gɨ da Ka-Daye, na kɨya loon̰ gɨye gɨ Kumu ba bəŋ kɔbɔŋ kol caygɨŋ. Gɨye gɨ nee le, na tɔgɛ bɛrnɛ di da kɔl gɨ da Kumu gɨ ban bəŋ kɔbɔŋ ɗəndəŋ bɨgɨŋ.

1 Tesalonigɨ 2:2

Hɨn̰ gɨ kɨŋ ba sol le, tumɔ pa dɨm ma gɨ ni kɨya bugoŋ tagɨŋ le, gɨlnige-cɨn̰ bɨ, yagɨdɨnige bɨ, a cay ƴaa-di-gumu di Pilib dɨŋ. Ama Kumu bɨni bandɨ lee gɨ ni tee bɛrnɛ di Kɔl-gɨ-Ɗari koyi, dɨle hundɔrɔ duroy kondɨwadi kɨmbɨl.

1 Tesalonigɨ 2:8

Homni kol caygɨŋ tɔgɨ, lee gɨ ni gey gɨlgɨŋ na Kɔl-gɨ-Ɗari gɨ da Kumu ƴɔbɨ naŋ, ama aye gusɨni dɨbe coŋ kol caygɨŋ bɨ, kɨya wa kɨŋ ƴee kuduroyni gɨɗaŋ.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

1 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris dan̰ kuduroy geye gɨ da Kumu gɨ Ba-poɗɨna bɨ, dan̰ kuduroy geye gɨ da Jesu-Kɨris gɨ na bee ɨrɨmedɨna cayi bɨ le.

1 Timote 2:7

Na kɨya cay kɔl gɨ nee le ma, kan səŋge ba-tɔgɛ bɛrnɛ bɨ, ba-gɨre-gɨye bɨ, na kɨya kɔl koyi gɨ cɨndi gɨ nee le. Ɨŋ ye na kɔl gɨ cɨndi wala ɨŋ ya na kɔl poy naŋ. Ɨŋ na ba-gɨlɨn̰ kalaŋ ga toyge na Jubɨ naŋ hɨnga ga ɗe ungo na bee kuduroy cay nee bɨ, kɔl gɨ cɨndi bɨ.

2 Timote 1:11

Kumu bəŋ gɨye tɔgɛ bɛrnɛ Kɔl-gɨ-Ɗari gɨ nee le kɔbɔŋ. Lee gɨ ɨŋ na ba-gɨre-gɨye bɨ, ba-gɨlɨn̰ kalaŋ hɨnga bɨ.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

Əbɨro 5:4

Gɨye gɨ da mangɨl gɨ da ka-cay ka-bɔgɛ kɨbar bɨ hurɔmɔ di woy kol caa bɨ le, na ungo ba kɨya ɓale dɨbe cay gusi koyi gɨŋ gaŋ naŋ. Na Kumu ma na ba tɔgɛ kalaŋ kɨbɨ nee, hɨn̰ gɨ ban ba teen̰ Aro̰ wo̰.

Əbɨro 7:26

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

1 Pɨyɛr 4:17

Kɨya wa tɨwa di ni bon̰ kɔl ɓal ɨni. Ama na kalaŋ ga da Kumu ma kan kɨya aye toyi cayge. Ama hɨn̰ gɨ bɔyɛ kɔl na kɨya aye toy cayna na, kan ga kan̰ge bɔgɛ kuduroyge a cay Kɔl-gɨ-Ɗari le, kan gɨ dɨɗe kɨbi koge na mɨna ga?

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

Magtubu di Jud wal 1:1

Na ɨŋ-bandi Jud, marɨna ba-gɨye gɨ da Jesu-Kɨris, Jag kurɨndi ba wale magtubu di kɛ le. Gɨyɨn̰ bɨn̰ kan ga Kumu teege gɨ na kan ga Bayna Kumu geyge bɨ Jesu-Kɨris gamge bɨ.

Wasɨn̰a 1:1

Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.

Wasɨn̰a 22:6

Kardi nee, ba-ƴɔbɛ gɨ daa nii le yəŋ hɨn̰: «Kɔl nɔm gɨ kɛ le na hɨnde bɨ ban kɨya lɔɔ gusi leen̰ cɨndi bɨ. Ba-gulɔŋ Kumu gɨ gɨyɨn̰ dan̰ kɔl koyi a cay ka-yɔɔ-kɔl-gɨ-Kumu-ba-yɔɔ dan̰ gɨyəŋ gɨ da Turnɔ di da Kumu le, ban gɨy dan̰ ba-ƴɔbɛ koyi gɨ daa nii kɨya gɨlɨn̰ marɨne kayi ka-gɨye hɨnga ga naa wa wa kalɨn̰ ma kɨya ɨrga mɨnde.»

Wasɨn̰a 22:9

Ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba-gɨye hɨn̰ ji-bandi wo̰ bɨ, hɨn̰ karmɨn̰ ka-yɔɔ-kɔl-gɨ-Kumu-ba-yɔɔ wo̰ bɨ, hɨn̰ kalaŋ nɔm ga ka-game kɔl gɨ da magtubu di kɛ le wo̰ bɨ.»