Pilib 4:14 - Gabri Maja

¹⁴ Ama hɨnga ga kɨŋ ba lee bəŋ le kuɗa tɔgɨ: Kɨŋ bugoŋ danaŋ a duroy hɨnga ga ni dɔsɛ-ɗugɔ kange gaŋ.

Pilib 4:14 Խաչաձեւ Հղումներ

Matɨyo 25:21

Ba-gulondi le yeyi hɨn̰: “Kuɗa na ase naŋ, ji na guyɔŋ gɨ kuɗa bɨ, gɨ ɨre cay tɨbayi dɨŋ bɨ. Tumɔ ɨŋ been̰ gɨye dḛ wo̰ kobɨn̰, ama ji leen̰ gɨye dan̰ kuduron̰ ga pɨna. Na toy di hɨn̰ wo̰ ma, ɨŋ kɨya sɨn̰ cay ga kondi gaŋ. Ɨre laa gusi-mɔwa dan̰ ba-gulondɨn̰.”

Magtubu di Pol wal bɨn̰ kalaŋ ga Rɔm 15:27

Kan ojɨge hɨnga ga nee le, na dan̰ gusi-mɔwa. Woy gɨlɨn̰ na hɨn̰ tugɨla wo̰ a cayge, kɨya wa tumɔ na Jubɨn̰əŋ ba gɔsɨnɛge tɔrɛ-kɨbɨ koge gɨ kan way a gusi Kumu dan̰ kalaŋ ga toyge na Jubɨ naŋ. Haw kɛ na, ojɨ gɨ na kalaŋ ga toyge na Jubɨn̰əŋ naŋ na ba jɨbge te Jubɨn̰əŋ, dan̰ hɨnga ga ni tɔrɛ-kɨbɨ ga da cay gɨsəŋ ga kan wayge.

Galad 6:6

Hɨn̰ gɨ ungo na ɨr gɨlgɨŋ kɔl gɨ da Kumu na, ojɨ gɨ kɨŋ ga ka-jɔɔ kɔl gɨle koyi le, kuɗa gɨ kɨŋ dɨra kɨway hɨnga wɔɔdɨgɨŋ bii.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

Əbɨro 10:33

Kɨɗɨn̰ ga pɨna na, kan yagɨdɨgɨŋge bɨ gɨlgɨŋge-cɨn̰ bɨ, cɨn̰ kalaŋ. Kɨɗɨn̰ ga pɨna na, kɨŋ bugoŋ pɨna dan̰ kalaŋ ga kan gɨlge-cɨn̰ duroy n̰age toge dɨŋ hɨn̰ wo̰ bɨ.

Əbɨro 10:34

Kɨya wa gɨ kɨŋ sol cɨn̰-n̰age da kan ga kan ƴomgege dangay dɨŋ bɨ, kɨŋ jɨbɨ toyge daa bɨ. Kɨɗɨn̰ ga kalaŋ donge hɨnga wɔɔdɨgɨŋ na, kɨŋ lee gusi-mɔwa kɨya gɨ kɨŋ sol gɨ kɨŋ na orɨn̰ dan̰ hɨnga wɔɔ ga kuɗa cɨla ɗɨn̰ na woy tumoygɨŋ, hɨnga ga ni wɔɔ ga nee le, kɨya wɔyɛ dan̰ tumoyge.

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.