Pilib 2:26 - Gabri Maja

²⁶ Ama tabɨlaŋdɨgɨŋ nɔm leeyi tɔgɨ bɨ, jɔɔ gɨ kɨŋ je kɔl hɔmɨn̰ɛdi le say bii ɨrɨme tɔgɨ.

Pilib 2:26 Խաչաձեւ Հղումներ

Matɨyo 11:28

«Ɨregɨŋ gusɨnɨ nɔm kɨŋ ga ka-tabe bɨ, ga ka orɨn̰ dan̰ kɔl kondɨ caygɨŋ bɨ le, ɨŋ kɨya bɨgɨŋ dɔrɛ gɨlale.

Matɨyo 26:37

Ban orɨn̰ dan̰ Pɨyɛr bɨ, karɨn̰ Jebede ga sɔɔ bɨ, danayi. Kɨɗɨn̰ ga nee le gusi ay te moyi naŋ bɨ, ɗugoyi adɨldii bɨ.

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

Magtubu di Pol wal bɨn̰ kalaŋ ga Rɔm 1:11

Na cɨndi, tabɨlaŋdi ɔrɛ solgɨŋ ləŋ gɨɗaŋ kɨya ɔrɛ bɨgɨŋ hɨnga ga ni wandɨ ga sayga gusi Turnɔ ɗe-kuduroy-bɛrɛ ɗe agɨŋ ɨrɨn̰ osu.

Magtubu di Pol wal bɨn̰ kalaŋ ga Rɔm 12:15

Laagɨŋ gusi-mɔwa dan̰ kalaŋ ga leege gusi-mɔwa bɨ, ɨlgɨŋ dan̰ kalaŋ ga ɨlege bɨ.

Magtubu di Pol wal bɨn̰ kalaŋ ga Rɔm 9:2

Leen̰ cɨndi na, cɨnɨ kula gɨɗaŋ bɨ, ɗugonɨ mundoŋ daa daa bɨ.

1 Korɛ̰t 12:26

Hɨn̰ gɨ kɨway gusɨna gɨ pɨna na gɨl-cɨn̰ na te kɨway gusɨna nɔm gɨlge-cɨn̰ pɨna danayi bɨ. Hɨn̰ gɨ kɨway gusɨna gɨ pɨna na wa hɨrame na te kɨway gusɨna ga ba nɔm leege gusi-mɔwa pɨna danayi bɨ.

2 Korɛ̰t 9:14

Kan kɨya ɔlɛ Kumu kol caygɨŋ. Kuduroyge woy kəgəgə caygɨŋ kol ɗarwa di gumu di Kumu ƴom danagɨŋ.

Galad 6:2

Gɨrɨn̰gɨŋ gusɨgɨŋ nee ƴan̰gɨŋ hɨnga ga nɨn̰i ga kɨŋ kojɨ. Na hɨn̰ wo̰ ma magɨŋ kɨya lɔɔ gasɨn̰-kɔl gɨ da Kɨris le dɨɗe.

Epɛs 3:13

Na toy di hɨn̰ wo̰ ma, kɨŋ ɗɔɔ gɨ dɔsɛ-ɗugɔ di ba andaŋ a canɨ kol caygɨŋ le dɔrɛ togɨygɨŋ coŋ naŋ. Ama dɨbɨgɨŋ gusoŋ-tɔgɛ cay Kumu kɨya cay dɔsɛ-ɗugɔ di ɨŋ way kol caygɨŋ le.

Pilib 1:3

Ɨŋ leen̰ Kumu hɨnge ho’o dan̰ tɨwa nɔm kɨɗɨn̰ ga ɨŋ hɨn caygɨŋ.

Pilib 1:8

Kumu na tɨmon̰ hɨnge: Ɨŋ geygɨŋ na hɨn̰ gɨ Jesu-Kɨris ba geynagɨŋ wo̰ bɨ.

Pilib 2:25

A boy ɨrɨme hɨnge gɨŋ na, ojɨ gɨ ɨŋ na gɨyɨn̰ dan̰ kurɨnɨ Epapərodit gɨ lee gɨye danaŋ bɨ, ni ɨre kɨbɨ wɔrɨn̰ɛ gɨŋ pɨna le bɨgɨŋ. Na cɨndi, na kɨŋ-gandi ba gɨyɨn̰ danayi bəŋ ɗe na ɨrgan̰ dan̰ hɨnga ga ɨŋ or n̰agedɨge bəŋ.

Pilib 2:27

Na cɨndi, tumɔ hɔmɨn̰ɛ leeyi tɔgɨ, bay mɨnde gɨ ban kɨya mare. Ama Kumu sol cɨn̰-n̰age toyi, ban sɨla na cɨn̰-n̰age toyi ban kan̰di ƴɔbɨ naŋ, ama ban sol cɨn̰-n̰age tɨnge ɨŋ-bandi bɨ. Ɗe cɨn̰-kula hɨnge san̰ cay mɨgay gɨŋ coŋ naŋ.

Pilib 4:1

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kɨŋ ga ɨŋ lee-toygɨŋ, tabɨlaŋdi jɔgɛ solgɨŋ ləŋ tɔgɨ. Kɨŋ ga ɨŋ lee-toygɨŋ, kɨŋ na gusi-mɔwa tɨnge bɨ, jagɨwa tɨrɨmbala kange bɨ, ɨrgɨŋ usa hɨn̰ wo̰ le kɔ a te bugoŋ pɨna gɨŋ dan̰ Ba-gulɔŋ.

1 Pɨyɛr 1:6

Kɨya cay hɨnga ga ni wɔɔ ga ni ban̰di-gulɔŋ ga nee le, hɨn̰ gɨ haw kɛ hɨnga ga ni gɨwase ga toyge kan̰dɨge kan̰dɨge na laagɨŋ cɨn̰-kula gɨ ni tɨwa lam wo̰ kalɨn̰ ma, laagɨŋ gusi-mɔwa di gumu.