Pilib 2:20 - Gabri Maja

²⁰ Timote pɨna hayi ma na ba gɔsɨnɛ kɔl gɨ ƴom kuduronɨ danaŋ, lee gɨ ban sol kol caygɨŋ leen̰ cɨndi.

Pilib 2:20 Խաչաձեւ Հղումներ

Kɔl-gɨ-Ɗari gɨ Ja̰ wal 10:13

Ungo gɨ nee le, lee hɨn̰ wo̰ na kɨya gɨ ban na ba-lɔɔ gɨye ƴen̰ gursu bɨ, dɨlayi a cay gamge naŋ bɨ.

Kɔl-gɨ-Ɗari gɨ Ja̰ wal 12:6

Ban ye kɔl gɨ nee le, na kɨya geye gɨ ban gey kan ga wɔɔdɨge unɔ naŋ. Ama na kɨya gɨ ban na ba hase. Ban na ba game magɨladi gursu, lee gɨ ban hasɨde gursu di woy boy nee.

Magtubu di Pol wal bɨn̰ kalaŋ ga Rɔm 15:5

Kumu gɨ ba-bee haye-kudurɔ bɨ bandɨ bɨ, kuɗa gɨ ban bɨgɨŋ ɨrɨme gɨ ni somɨn̰ pɨna nɔm togɨŋ dɨŋ, agɨŋ kobɨn̰ gɨyəŋ gɨ da Jesu-Kɨris,

1 Korɛ̰t 16:10

Hɨn̰ gɨ Timote na bugoŋ gusɨgɨŋ na, kɨŋ ɗɔɔ ba lɔɔ gɨ ɗe ban sɔmɛ a duroygɨŋ dan̰ hundɔrɔ naŋ. Kɨya wa ban lee na gɨye gɨ da Ba-gulɔŋ hɨn̰ ɨŋ-bandi wo̰ bɨ.

Pilib 2:2

Hɨn̰ wo̰ na, bugoŋgɨŋ pɨna ɗe gusi-mɔwa tɨnge duroŋ cɨrɛɗ. Kuɗa gɨ geye gɨ pɨna hayi gɨ nee le, ba ƴɔmɛ kuduroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, hɨnga ga kɨŋ kɨya male lɔɔ le na bɔgɛ toygɨŋ pɨna.

Pilib 2:22

Ama ban na gɨl doŋ gɨ ɗi naa ungo gɨ ɨre a cay tɨbay dɨŋ. Hɨn̰ gɨ kɨye ba ɨrɨn̰ durdi bayi leen̰ gɨye le, Timote kalɨn̰ ma ɨre a kɨbɨ gɨye gɨ da tɔgɛ bɛrnɛ Kɔl-gɨ-Ɗari gɨŋ danaŋ bɨ.

Kɔlɔs 4:11

Josɨwe gɨ kan teeyige Justus le kalɨn̰ ma ləgɨŋ lapɨya bɨ. Duroy Jubɨn̰əŋ ga ayge kuduroyge bɨn̰ Jesu le, na kan ƴɔbɨ ba lɔɔge gɨye danaŋ ojɨn̰ cay dɔɔ-ƴaa di da Kumu. Na kan ba dɔbɛge bandɨ kuduronɨ gɨɗaŋ.

1 Timote 1:2

Ba gɨyɨn̰ dan̰ magtubu di kɛ le bɨn̰ ji-bandi Timote. Ji na kuronɨ gɨ cɨndi, kɨya wa na ɨŋ-bandi ba lɔɔ gɨ ji ayɨn̰ kuduron̰. Kuɗa gɨ Bayna Kumu dan̰ Ba-gulondɨna Jesu-Kɨris leege ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

1 Timote 4:6

Hɨn̰ gɨ ji na gɨlɨn̰ karmɨn̰ ga ban̰aŋ dan̰ ga kandɨ hɨnga ga nee le na, ji na ba-gɨye gɨ da Jesu-Kɨris gɨ kuɗa. Gɨ kan abiige dan̰ kɔl gɨ ojɨ cay aye kudurɔ bɨ, hɨnga ga ni gɨle ga kuɗa gɨ ji ba kobɨ kardɨge kuɗa le bɨ.

2 Timote 1:5

Ɨŋ hɨn cay aye gɨ ji ay kuduron̰ leen̰ cɨndi gɨŋ le. Agɨn̰ Loyis bɨ, ƴon̰i Enis bɨ, ayge kuduroyge gɨ cɨndi tumon̰ bɨ, ɨŋ sol kuɗa gɨ aye kudurɔ kon̰ woy na hɨn̰ koge wo̰ bɨ.

2 Timote 3:10

Ama ji-bandi na, ji ay kardi hɨnga gɨle ga ɨŋ gɨlɨn̰ kalaŋ le bɨ, halnɨ bɨ, hɨnga ga ɨŋ ojɨ ga ni lɔɔ bɨ, aye kudurɔ hɨnge bɨ, dɨbe-ɗugɔ tɨnge bɨ, wandɨ tɨnge bɨ, kɨɗɨn̰ haye-kudurɔ kange bɨ.