Matɨyo 8:4 - Gabri Maja

⁴ Kardi nee Jesu yeyi hɨn̰: «Ja kuɗa: Yɔ koldi bɨn̰ ungo haw kɛ ɗe sol gɨ mada le na duroŋ gusɨn̰ naŋ. Ama ɨra gɨle gusɨn̰ a da ka-bɔgɛ kɨbar ɗe kan kobɨge sol kɛ mada le duroŋ gusɨn̰ leen̰ cɨndi haa bɨ ga. Ɨni na, mɨn̰ da orɨn̰ dan̰ hɨnga ga ni n̰ɨre bɨn̰ ka-bɔgɛ kɨbar, hɨn̰ gɨ gasɨn̰-kɔl gɨ da Moyis ba ye ojɨn̰ cay kalaŋ ga mada toge ba duroŋ gusɨge coŋ le, bɨ ba-bɔgɛ kɨbar le kɨya bɔgɛ kɨbar bɨn̰ Kumu. Hɨn̰ wo̰ na, kalaŋ nɔm kɨya sɔlɛge hɨn̰ gɨ mada le na duroŋ gusɨn̰ coŋ bɨ, kan kɨya ɓalege bugoŋ pɨna danan̰ bɨ.»

Matɨyo 8:4 Խաչաձեւ Հղումներ

Matɨyo 10:18

Kan kɨya tolgɨŋge orɨn̰ge danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Na hɨn̰ wo̰ ma, kɨŋ kɨya wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ bɨ, tumoy kalaŋ ga toyge na Jubɨn̰əŋ naŋ bɨ.

Matɨyo 16:20

Kardi nee Jesu ay noy bɨn̰ ka-aye-cay-tɨbayi, gɨ kan na gɨ yon̰ ungo gɨ ɗi naa Kɨris ban gɨ Kumu dorii le naŋ pa pa.

Matɨyo 17:9

Kɨɗɨn̰ ga kan ɨre gɨsɨnge cay garma gɨŋ dugo ɨni na, Jesu ay noy bɨge yege hɨn̰: «Hɨnga ga kɨŋ ba sol kɛ le, kɨŋ yon̰ ungo koldɨge naŋ bɨrɨŋ, gɨsɨn̰ gɨ Kurɨn̰-ungo na mara bɨ, bɨya lɨbɨ bɨ, pa dɨm.»

Matɨyo 3:15

Ama Jesu dɨbii cay nee yey hɨn̰: «Gɨ haw kɛ na, ɗa ɗe ana lee hɨn̰ wo̰. Kɨya wa hɨnga nɔm ga Kumu gey gɨ na na laa le, na kɨya lɔɔ ɗe or kɨɗɨn̰dɨge gaŋ hɨn̰ wo̰ le kɔ.» Ɨni na, Ja̰ say gey cay nee bɨ leeyi batɛm.

Matɨyo 5:17

«Kɨŋ ɗɔɔ ba ɨrɨme gɨ ɨŋ na ɨrga naa kɨya mɔndɛ gasɨn̰-kɔl gɨ da Moyis wala, hɨnga ga ni gɨle ga da ka-yɔɔ-kɔl-gɨ-Kumu-ba-yɔɔ. Ɨŋ ɨrga na kɨya mɔndɛ naŋ, ama na kɨya lɔɔ ɗe or kɨɗɨn̰dɨge gaŋ.

Matɨyo 6:1

«Hɨnga ga kɨŋ kɨya lɔɔ tumɔ pa dɨm ma, ɗe gɨl gɨ kɨŋ naa kalaŋ ga dan̰ durɔ ɗɨngar tumoy Kumu na, ɗɔɔgɨŋ ba looge cɨn̰ kalaŋ. Hɨn̰ gɨ kɨŋ na laa hɨnga kɨya cɨn̰ kalaŋ na, Baygɨŋ gɨ woy a daa nii kɨya bɨgɨŋ cay kobɨgɨŋ naŋ.

Matɨyo 9:30

Kɨɗɨn̰di ga nee gaŋ le bɨ, cɨndɨge haŋdaŋ solɨn̰ge kɨɗɨn̰ yərərə. Kardi nee ɨni na, Jesu ay noy biige dan̰ dɔnɔ yege hɨn̰: «Jagɨŋ kuɗa, ɗɔɔgɨŋ ungo jɔɔ naŋ pa pa.»

Marg 13:9

Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

Marg 3:12

Ama Jesu ay noy bɨge dan̰ dɔnɔ gɨ kan na gɨ lɔɔ gɨ ungo na gɨ solii naŋ pa pa.

Marg 5:43

Jesu ay noyi bɨge gɨ kan na gɨ yɔɔ koldi daa naŋ pa pa. Ɨni na, ban yege hɨn̰: «Boogɨŋ hɨnga ga ni dɔɔ.»

Marg 6:11

Ma hɨn̰ boy kɨɗɨn̰ ga pɨna kalaŋ na ƴɨmagɨŋge gusɨge naŋ bɨ, jage kɔl kogɨŋ naŋ bɨ na, kɨŋ andaŋ a kɨɗɨn̰ ga nee gaŋ le coŋ bɨ, ɗagɨdagɨŋ bundu di cay tɨbayigɨŋ dɨŋ ɗɨga ɗɨga dɨran̰ naji togɨŋ bɨgagɨŋ cayge ɗe gɨl gɨ kan na lee ɨsɨna tumoy Kumu.

Marg 7:36

Jesu ay noy bɨge gɨ kan na gɨ yon̰ ungo naŋ pa pa. Ama kɨɗɨn̰ ga ban ay noy bɨge gɨ kan na gɨ yon̰ ungo naŋ kalɨn̰ ma na kɨɗɨn̰ ga nee le ma kan tee bɛrnɛdi jɨn̰ tumɔ tumɔ.

Marg 8:30

Ɨni na, Jesu ay noy bɨge gɨ kan na gɨ yon̰ koldi ungo naŋ pa pa.

Marg 9:9

Kɨɗɨn̰ ga kan gɨsɨnge cay garma gɨŋ jɨn̰ dugo ɨni na, Jesu ay noyi bɨge gɨ kan na gɨ dɔrɛ kol hɨnga ga kan na sol dan̰ cɨndɨge le bɨn̰ ungo naŋ bɨrɨŋ gɨsɨn̰ gɨ Kurɨn̰-ungo na mara bɨ bɨya lɨbɨ bɨ, pa dɨm.

Kɔl-gɨ-Ɗari gɨ Lug wal 17:14

Jesu solge bɨ yege hɨn̰: «Ɨragɨŋ gɨle gusɨgɨŋ a da ka-bɔgɛ kɨbar» ɗe kan kobɨge sol kɛ mada le duroŋ gusɨgɨŋ leen̰ cɨndi haa bɨ ga? Kɨɗɨn̰ ga kan ba or na, mada le duroŋ gusɨge.

Kɔl-gɨ-Ɗari gɨ Lug wal 21:13

Hɨnga ga nee le, kɨya bɨgɨŋ gɨyəŋ gɨ ni yon̰ kɔl gɨ cɨndi gɨ ojɨn̰ canɨ.

Kɔl-gɨ-Ɗari gɨ Lug wal 4:41

Jesu tay turnɔn̰əŋ ga ɨsɨni dan̰ kondige a kuduroy kalaŋ nɔm ga ba ɨrgage gusi le, turnɔn̰əŋ ga ɨsɨni kaydege gɔsɛ cayi yen̰ge hɨn̰: «Ji na Kurɨn̰-Kumu!» Ama Jesu al toyi cayge ɗe kan na lɨgɨ kɨbɨge, kɨya gɨ kan soliige gɨ ban na Kɨris ban gɨ Kumu dorii le.

Kɔl-gɨ-Ɗari gɨ Lug wal 5:14

Jesu ay noyi bii yeyi hɨn̰: «Yɔ koldi bɨn̰ ungo haw kɛ ɗe sol gɨ mada le na duroŋ gusɨn̰ naŋ, ama ɨra gɨle gusɨn̰ a da ka-bɔgɛ kɨbar ɗe kan kobɨge sol kɛ mada le duroŋ gusɨn̰ leen̰ cɨndi haa ga. Ɨni na, mɨn̰ da orɨn̰ dan̰ hɨnga ga ni n̰ɨre bɨn̰ ka-bɔgɛ kɨbar hɨn̰ gɨ gasɨn̰-kɔl gɨ da Moyis ba ye ojɨn̰ cay kalaŋ ga mada toge ba duroŋ gusɨge le bɨ, ba-bɔgɛ kɨbar le kɨya bɔgɛ kɨbar bɨn̰ Kumu. Hɨn̰ wo̰ na, kalaŋ nɔm kɨya sɔlɛge hɨn̰ gɨ mada le na duroŋ gusɨn̰ coŋ bɨ, kan kɨya ɓale bugoŋ pɨna danan̰ bɨ.»

Kɔl-gɨ-Ɗari gɨ Lug wal 8:56

Kɔl kay turmɔ kando le yɔd, ama Jesu ay noy bɨge gɨ kan na gɨ yon̰ ungo pɨna wo̰ koldi naŋ.

Kɔl-gɨ-Ɗari gɨ Lug wal 9:21

Jesu ay noy bɨge gɨ kan na gɨ yon̰ ungo naŋ pa pa.

Kɔl-gɨ-Ɗari gɨ Ja̰ wal 5:41

«Ɨŋ mala gusoŋ-tɔgɛ gɨ saa gusi kalaŋ naŋ.»

Kɔl-gɨ-Ɗari gɨ Ja̰ wal 7:18

Ungo gɨ ye kɔl dan̰ gusondi koyi gaŋ le, mal na gusoŋ-tɔgɛ koyi ban. Ama ungo gɨ ba male gusoŋ-tɔgɛ gɨ da ban gɨ ba gɨygii na, ban na ungo gɨ hɨnde, lee gɨ hɨnga ga dan̰ gɨyəŋdɨge naŋ unɔ kuduroy.

Kɔl-gɨ-Ɗari gɨ Ja̰ wal 8:50

Ɨŋ mala na mɨlawe gɨ ojɨ canɨ naŋ. Ama ungo gɨ pɨna wo̰ woy nee gɨ malii kol canɨ, ban kɨya bɔyɛ kɔl bɨ.