Matɨyo 6:2 - Gabri Maja

² Hɨn̰ gɨ ji na bɨn̰ ungo gɨ ba-n̰age hɨnga na, ji ɗɔɔ ba dɔgɛ-bɨla cay nee, hɨn̰ kalaŋ ga ka-yɔɔ-kɔl-kɨbɨge-sɔɔ-sɔɔ wo̰ naŋ. Kan na, kan bɨdɨn̰ge ka-n̰age hɨnga na a duroy ƴaa-daye-di-da-Jubɨn̰əŋ gaŋ bɨ, a te gɨyəŋ ga woli gaŋ bɨ, ɗe kalaŋ na hɨramgege. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:2 Խաչաձեւ Հղումներ

Matɨyo 15:7

Kɨŋ ka-yɔɔ-kɔl-kɨbɨgɨŋ-sɔɔ-sɔɔ le, kɔl gɨ ba-yɔɔ-kɔl-gɨ-Kumu-ba-yɔɔ, Ijay ba ye gɨsɨn̰ caygɨŋ na dan̰ gɨyəŋdi. Kɨɗɨn̰ ga ban ye hɨn̰:

Matɨyo 16:3

Bɨ te kɨɗɨn̰ na, kɨŋ ye hɨn̰: “Kumu na kɨya ɔngɛ, kɨya gɨ gɨɗɨgɨ-Kumu na yɨle pen̰ bɨ, dobɨ ɨndi tɨlɨm bɨ.” Lee gɨ kɨɗɨn̰ ga kɨŋ na sɨla gɨɗɨgɨ-Kumu na, kɨŋ sol hɨnga ga kɨya lɔɔ gusɨge. Ama na uja naa cay hɨnga ga kɨya lɔɔ gusɨge haw kɛ na, kɨŋ sɨla dɔrɛ toyge naŋ.]

Matɨyo 22:18

Jesu sol ɨrɨmedɨge gɨ ɨsɨn gɨ nee le, lee gɨ ban yege hɨn̰: «Kɨŋ ka-yɔɔ-kɔl-kɨbɨgɨŋ-sɔɔ-sɔɔ, na kɨya wa ma magɨŋ gey gɨybəŋ ga?

Matɨyo 23:5

Gɨye-lɔɔdɨge nɔm le, na gɨ ni gɨlɨn̰ gusɨge cɨn̰ kalaŋ ƴɔbɨ. Na hɨn̰ wo̰ ma, gɨ ojɨ cay kɔl gɨ da Kumu gɨ woy dan̰ cɨndi gɨ kan saɗɨdege jɨndɨge naŋ le kobɨge le, kan orɨn̰ge dan̰ ƴaadi hɨnga ga gumu ɗɨn̰ ga da kamdɨge. Badɨge kage ga kan tobɨ cay kamdɨge gaŋ kalɨn̰ ma kɨbɨge wol ɗɨn̰ ga da kamdɨge bɨ.

Matɨyo 23:6

Kan geyge sɔmɛ na kɨɗɨn̰ sɔmɛ ga ni gusoŋ-tɔgɛ gaŋ a kɨɗɨn̰ dɔɔ hɨnga ga ni gusi-mɔwa ga gumu gaŋ bɨ, a duroy ƴaa-daye-di-da-Jubɨn̰əŋ gaŋ bɨ.

Matɨyo 24:51

Ban kɨya ɗəndɨri si kɨbɨ tɨma dɨŋ bɨ, kɨya looyi hɨnga ga kan leen̰ge gɔyɔŋ ga ka-yɔ kɔl kɨbɨge-sɔɔ-sɔɔ, a kɨɗɨn̰ ga kan kɨya ɨlege bɨ, loydɨn̰ge gasɨndɨge kɛɗɛɗɛ kɛɗɛɗɛ bɨ, nee gaŋ.»

Matɨyo 5:18

Aŋ yəgɨŋ daa waŋ na cɨndi: Tumɔ pa dɨm ma gɨ gɨɗɨgɨ-Kumu dan̰ cay gɨsəŋ kɨya pɨde na, karɨn̰ magtubu ga dḛ wo̰ ga kan walge wala, cɨɗɨn̰ magtubu di kan walge duroy magtubu gasɨn̰-kɔl dɨŋ pɨna wo̰, kɨya pɨde naŋ bɨrɨŋ gɨsɨn̰ gɨ hɨnga nɔm kɨya ɔrɛ kɨɗɨn̰dɨge gaŋ.

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:3

Ama ji-bandi na, kɨɗɨn̰ ga ji na gey bɨn̰ ba-n̰age hɨnga na, ji ɗɔɔ mɨgan̰ gɨ som durdin̰ pḛḛ sɔlɛ kardɨge naŋ,

Matɨyo 6:5

«Kɨŋ-gandi na, kɨɗɨn̰ ga kɨŋ na kɨya ɔlɛ Kumu na, wɔyɛgɨŋ hɨn̰ kalaŋ ga ka-yɔɔ-kɔl-kɨbɨge-sɔɔ-sɔɔ wo̰ naŋ. Ga mooge ɨre dan̰ tɨbayige daa duroy ƴaa-daye-di-da-Jubɨn̰əŋ gaŋ bɨ, tɨbɨn̰ gɨyəŋn̰əŋ gaŋ bɨ, kɨya olɨn̰ Kumu ɗe kalaŋ na solge le naŋ. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 7:5

Ji gɨ ba-yɔɔ-kɔl-kɨbɨn̰-sɔɔ-sɔɔ le, kuɗa gɨ ji dɨra sɨya gɨ gumu gɨ woy a tɨdɨn̰ an̰ solɨn̰ kɨɗɨn̰ kuɗa pa dɨm ma mɨn̰ da sol kɨɗɨn̰ kuɗa gɨ ni dorɨn̰ bugɗi hɛɗɨmɛ ga a ti kurɨndɨn̰ ƴee.

Marg 12:39

Kan geyge sɔmɛ na kɨɗɨn̰ ga ni gusoŋ-tɔgɛ gaŋ a duroy ƴaa-daye-di-da-Jubɨn̰əŋ gaŋ bɨ, a kɨɗɨn̰ dɔɔ ga ni gusi-mɔwa ga gumu gaŋ bɨ.

Marg 7:6

Jesu dɨbɨge cay nee yege hɨn̰: «Kɨŋ na ka-yɔɔ-kɔl-kɨbɨgɨŋ-sɔɔ-sɔɔ, kɨɗɨn̰ ga Ijay ye-kɔl-gɨ-Kumu-ba-yɔɔ le, ban ye na koldɨgɨŋ leen̰ cɨndi hayi. Walge duroy magtubu da Ijay dɨŋ hɨn̰: “Kalaŋ ga kɛ le dɨbge hurɔmɔ canɨ Na dan̰ kɨbɨge kalɨn̰ wo̰, Ama kuduroyige na kan geyəŋge naŋ.

Kɔl-gɨ-Ɗari gɨ Lug wal 11:41

Bɨn̰gɨŋ Kumu ɗugoygɨŋ hɨn̰ hɨnga ga ni loon̰ wandɨ wo̰ na, hɨnga nɔm kɨya bɨle arɨn̰a cərərə bɨgɨŋ.

Kɔl-gɨ-Ɗari gɨ Lug wal 11:43

«Kɨŋ Parɨsɨn̰an̰əŋ le cɨn̰-n̰age kɨya bɔɔ caygɨŋ! Kɨya gɨ tabɨlaŋdi sɔmɛ cay kali di kuɗa dɨŋ duroy ƴaa-daye-di-da-Jubɨn̰əŋ ba logɨŋ, bɨ kɨŋ gey gɨ kalaŋ na lagɨŋ lapɨya, dan̰ hurɔmɔ a gɛgɛr gɨŋ bɨ.

Kɔl-gɨ-Ɗari gɨ Lug wal 12:33

Kɨlgɨŋ kandi-wɔɔdɨgɨŋ coŋ, ɗagɨŋ gursudɨge gusɨnan̰gɨŋ ka-n̰age. N̰anagɨŋ magɨla kogɨŋ gɨ ni bogɨn̰ gursu di kɨya mundoŋ naŋ bɨrɨŋ. Dayagɨŋ hɨnga wɔɔdɨgɨŋ a daa nii gusi Kumu. Gursu di nee le, kɨya mundoŋ naŋ bɨ, ka-hase kɨya bugoŋ mɨnde durdi nee naŋ bɨ, yulmu kɨya tale naŋ bɨ.

Kɔl-gɨ-Ɗari gɨ Lug wal 12:56

Kɨŋ ka-yɔɔ-kɔl-kɨbɨgɨŋ-sɔɔ-sɔɔ le! Kɨŋ sol dɔrɛ cɨn̰ hɨnga ga gɨɗɨgɨ-Kumu gaŋ dan̰ ga cay gɨsəŋ gaŋ. Ama na kɨya wa ma magɨŋ sɨla wɔlɛ gɨ kɨŋ ba somɨn̰ nee haw kɛ naŋ ga?

Kɔl-gɨ-Ɗari gɨ Lug wal 13:15

Ba-gulondɨnagɨŋ dɨbii cay nee yeyi hɨn̰: «Kɨŋ ka-yɔɔ-kɔl-kɨbɨgɨŋ-sɔɔ-sɔɔ le! Kɛ, boy wɔlɛ gɨ ni dorɨn̰ gɨlale gɨ da Jubɨ le, waŋ waŋ kalɨn̰ ma a duroygɨŋ pɨndɨr si koyi kɨbɨ bəgɨrə gɨŋ naŋ le, kura̰ toyi ɨran̰ bɨge kaŋ naŋ ga?

Kɔl-gɨ-Ɗari gɨ Lug wal 20:46

«Ɗagɨŋ muɗɔlɛ a cay gusɨgɨŋ, kɨya cay ka-gɨlɨn̰ kalaŋ gasɨn̰-kɔl gɨ da Moyis ga pɨna. Kɨya wa kan na ka-tɔbɛ gumɔjɨ ga sɨngɨɗɨdəŋ ga jɨran̰de gɨlɨn̰ gusɨge bɨ, geyge gɨ kalaŋ na laage lapɨya dan̰ hurɔmɔ a gɛgɛr gɨŋ bɨ, kan geyge sɔmɛ na a kɨɗɨn̰ ga ni gusoŋ-tɔgɛ gaŋ a duroy ƴaa-daye-di-da-Jubɨn̰əŋ gaŋ bɨ, a kɨɗɨn̰ dɔɔ ga ni gusi-mɔwa ga gumu gaŋ bɨ.

Kɔl-gɨ-Ɗari gɨ Lug wal 6:24

Ama cɨn̰-n̰age ba caygɨŋ, kɨya wa kɨŋ way ɗarwa togɨŋ ɨni!

Kɔl-gɨ-Ɗari gɨ Lug wal 6:42

Kɛ na mɨna ma mɨn̰ gɨ yon̰ kurɨndɨn̰ yɔ hɨn̰: “Kurnɨ, ɗaŋ aŋ dor bugɗi hɛɗɨmɛ ga woy a tɨdɨn̰” ama ji-bandi kalɨn̰ ma ji sɨla te tabi di gumu di woy a tɨdɨn̰ naŋ ga? Ji gɨ ba-yɔɔ-kɔl-kɨbɨn̰-sɔɔ-sɔɔ le, kuɗa gɨ ji dɨra sɨya gɨ gumu gɨ woy a tɨdɨn̰ an̰ solɨn̰ kɨɗɨn̰ kuɗa pa dɨm ma mɨn̰ da sɔlɛ kɨɗɨn̰ kuɗa gɨ ni dorɨn̰ bugɗi hɛɗɨmɛ ga a tii kurɨndɨn̰ ƴee.

Kɔl-gɨ-Ɗari gɨ Ja̰ wal 13:29

Judasɨ na ba-game magɨladi gursu. Kan ga pɨna ɨrɨmge gɨ Jesu na yeyi na kol kɨle hɨnga ga ni leen̰ kɨdɨrɛ, naŋ le na moli naa gɔsɨnɛ hɨnga bɨn̰ kalaŋ ga-wɔɔdɨge-unɔ.

Kɔl-gɨ-Ɗari gɨ Ja̰ wal 5:41

«Ɨŋ mala gusoŋ-tɔgɛ gɨ saa gusi kalaŋ naŋ.»

Kɔl-gɨ-Ɗari gɨ Ja̰ wal 5:44

Kɨŋ ga kɨŋ gey wɔɔ gusoŋ-tɔgɛ gɨ sayga gusi kamdɨgɨŋ, ama kɨŋ mala gusoŋ-tɔgɛ gɨ sayga gusi Kumu pɨna ɗɔɔ ƴɔbɨ naŋ le, kɛ kɨŋ kɨya bɔgɛ kuduroyigɨŋ cay nee na mɨna ga?

Kɔl-gɨ-Ɗari gɨ Ja̰ wal 7:18

Ungo gɨ ye kɔl dan̰ gusondi koyi gaŋ le, mal na gusoŋ-tɔgɛ koyi ban. Ama ungo gɨ ba male gusoŋ-tɔgɛ gɨ da ban gɨ ba gɨygii na, ban na ungo gɨ hɨnde, lee gɨ hɨnga ga dan̰ gɨyəŋdɨge naŋ unɔ kuduroy.

Gɨye-lɔɔ 10:2

Ban na ungo gɨ gɨye-lɔɔdi bugoŋ pɨna dan̰ Kumu bɨ, hɨndar Kumu bɨ, ban dan̰ ka-ƴaadi nɔm leege hɨnga ga nee le. Ban leen̰ Jubɨ ga ka-n̰age ɗarwa tɔgɨ bɨ, ol Kumu dan̰ cay tɨwa nɔm bɨ.

Gɨye-lɔɔ 10:31

bɨ yəŋ hɨn̰: “Kɔrney, Kumu je ɔlɛ kon̰ bɨ, kuduroyi hala gɨybəŋ cay hɨnga ga ni bee ga ji bɨn̰ ka-n̰age le naŋ bɨ.

Gɨye-lɔɔ 10:4

Kɔrney si cɨndi cay solii gəɗəɗə bɨ, hundɔrɔ leeyi bɨ, lee gɨ ban ye hɨn̰: «Na wa ga Ba-gulɔŋ?» Ba-ƴɔbɛ gɨ daa nii le yey hɨn̰: «Kumu je ɔlɛ kon̰ nɔm bɨ, gey hɨnga kan̰ nɔm ga ji ba lee dan̰ ka-n̰age le bɨ, ban halan̰ gɨybəŋ naŋ bɨ.

Gɨye-lɔɔ 11:29

Ka-aye-cay-tɨbay Jesu ojɨge jɨbe te ka-aye kudurɔ ga somge a cay gɨsəŋ ga Jude gaŋ. Waŋ waŋ kalɨn̰ ma dan̰ hɨnga wɔɔ ga woy kobi.

Gɨye-lɔɔ 24:17

«Ɨŋ unɔ boy cay ƴaa-di-gumu di Jerusalɛm dɨŋ ɓal ɨlge kondɨ bɨ, ɨŋ jɨga a Jerusalɛm na kɨya ɨrgan̰ dan̰ hɨnga ga ni bee, bɨn̰ te wɔɔ gɨ da kalaŋ kange ga ka-n̰age bɨ, kɨya bɨn̰ Kumu bɨ.

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

1 Korɛ̰t 13:3

Ko hɨn̰ gɨ ɨŋ na gusɨna naa hɨnga wɔɔnɨ nɔm ga ɨŋ orɨn̰ bɨn̰ ka-n̰age ɗe diige bɨ, hɨn̰ gɨ ɨŋ na aya naa kuyoŋdi-gusɨnɨ bee ɗe ulge bɨ, ma hɨn̰ gɨ wandɨ na unɔ gusɨnɨ na, hɨnga pɨna ga ɨŋ kɨya wɔɔ toy nee le unɔ.

Galad 2:10

Hɨnga ga kan ɨngɨrnige na pɨna hage ƴɔbɨ, naa gɨ ni na gɨ hale gɨyibəŋ cay ka-n̰age naŋ. Na hɨnga ga ɨŋ si cɨnɨ kardi nee lee kuɗa ɨni bɨ.

Epɛs 4:28

Kuɗa gɨ ungo gɨ tumɔ na ba hase le, hase naŋ ɨni, ama laa gɨye gɨ kuɗa dan̰ kobi, ɗe ban wan̰ hɨnga ga ni bɨn̰ kalaŋ ga orɨn̰ dan̰ n̰agedi hɨnga.

1 Tesalonigɨ 2:6

Ni mala na gɨ kɨŋ-gandi bɨ, kalaŋ ga ɗaŋ bɨ, na dɨbge gusoŋ-tɔgɛ a cayni naŋ.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

Pilemo 1:7

Ay kurɨnɨ, leen̰ cɨndi na, kol geye kon̰ bəŋ gusi-mɔwa di gumu bɨ, jal kuduronɨ bɨ, kɨya wa hɨnga nɔm ga ji ba lee le dobɨ bandɨ kuduroy kalaŋ ga woyge dan̰ cɨndɨge.

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!