Matɨyo 3:5 - Gabri Maja

⁵ Kɨɗɨn̰ ga nee le, kalaŋ nɔm ga a cay ƴaa-di-gumu di Jerusalɛm dɨŋ bɨ, ga a cay gɨsəŋ ga Jude gaŋ bɨ, ga a cay gɨsəŋ ga gasɨbi kuray ga Jurdḛ gaŋ bɨ, orge gusii.

Matɨyo 3:5 Խաչաձեւ Հղումներ

Matɨyo 2:1

Jesu le wooyge na a cay ƴaa di Bɛdɨlɛhɛm di woy a cay gɨsəŋ ga Jude gaŋ. Boy ɨlgedi gɨ nee le, na kɨlma Ɛrɔd ma na ba-dɔɔ cay ƴaa di nee le. Bɨ ga ma, ka-sɔlɛ hɨnga boy dɛsɨɗɛŋn̰əŋ gaŋ saygage te kumu ɨrgage bugoŋ a cay ƴaa-di-gumu di Jerusalɛm dɨŋ.

Matɨyo 4:25

Lee gɨ dɨmdɨrdi kalaŋ kobɨge kardi. Ga saygage a cay gɨsəŋ ga Galile bɨ, ga saygage a cay gɨsəŋ ga teegege cay ƴaa-ga-gɨmɨdəŋ mɔjɨ bɨ, ga saygage a cay ƴaa-di-gumu di Jerusalɛm dɨŋ bɨ, ga saygage cay gɨsəŋ ga Jude dan̰ cay gulɔŋ nɔm ga woy kardi kuray gɨ Jurdḛ gɨŋ bɨ.

Marg 1:5

Kalaŋ ga a cay gɨsəŋ ga Jude gaŋ nɔm bɨ, ga a cay ƴaa-di-gumu di Jerusalɛm dɨŋ nɔm bɨ, orge gusii. Lee gɨ Ja̰ leege batɛm duroy kuray gɨ Jurdḛ gɨŋ, kɨɗɨn̰ ga kan torge te ɨsɨna koge nɔm daa tumoyi kalaŋ bɨ.

Kɔl-gɨ-Ɗari gɨ Lug wal 16:16

«Kalaŋ leege gɨye dan̰ magtubu Gasɨn̰-kɔl gɨ da Moyis bɨ, dan̰ magtubu di da ka-yɔɔ-kɔl-gɨ-Kumu-ba-yɔɔ bɨ bɨrɨŋ andɨn̰ge a boy wɔlɛ gɨ da Ja̰ ba-lɔɔ batɛm gɨŋ. An̰ toy wɔlɛdi gɨ nee gɨŋ le, kan teege bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨ, waŋ waŋ kalɨn̰ ma na ungula gusi ɗe na andɨn̰ nee.

Kɔl-gɨ-Ɗari gɨ Lug wal 3:3

Ɨni na, Ja̰ gor a cay kɨɗɨn̰ gaŋ nɔm ga woy a cay gɨba kuray gɨ Jurdḛ gɨŋ bɨ, teen̰ bɛrnɛ bɨn̰ kalaŋ yege hɨn̰: «Bɨlgɨŋ gɨye-lɔɔdɨgɨŋ ɗagɨŋ ɗe kan leegɨŋge batɛm bɨ, Kumu kɨya ɗɔɔ kuduroy jalɨwa cay ɨsɨnan̰əŋ kagɨŋ gaŋ.»

Kɔl-gɨ-Ɗari gɨ Lug wal 3:7

Ɨni na, Ja̰ yen̰ dɨmdɨrdi kalaŋ ga ɨrgage gusi ɗe ban na leege batɛm le, yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba-gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ di da Kumu di ba kɨya caga le ga?

Kɔl-gɨ-Ɗari gɨ Ja̰ wal 3:23

Ja̰ kalɨn̰ ma ɨre leen̰ kalaŋ batɛm a Eno̰, di woy mɨnde dan̰ Salim. Kɨya wa a kɨɗɨn̰ ga nee gaŋ le, kaŋ kondɨ nee. Kalaŋ ɨrgage gusi bɨ, ban leege batɛm bɨ.

Kɔl-gɨ-Ɗari gɨ Ja̰ wal 5:35

Ja̰ le woy na hɨn̰ lamba di talge tɨwa boy nee bɨ, asɨn̰ kɨɗɨn̰ wo̰ bɨ, kɨŋ gey lɔɔ gusi-mɔwa kardi tɨwa toyi dɨŋ dḛ bɨ.