Matɨyo 24:21 - Gabri Maja

²¹ Wɔlɛdi gɨ nee le na, hɨnga ga kɨya dɔsɛ-ɗugɔ ga ɗɨn̰ cɨn̰-kɨɗɨn̰ kɨya lɔɔ kalaŋ. Bɨ dɔsɛ-ɗugɔ di hɨn̰ wo̰ le laa guso cay pɨna naŋ, ayɨn̰ toy gɨ Kumu sɨn̰ cay gɨsəŋ bɨrɨŋ gɨsɨn̰ labɨde. Bɨ dɔsɛ-ɗugɔ di hɨn̰ wo̰ le kɨya lɔɔ guso ɗaŋ naŋ bɨrɨŋ ɨni bɨ.

Matɨyo 24:21 Խաչաձեւ Հղումներ

Matɨyo 24:20

Ulagɨŋ Kumu ɗe wɔlɛ gɨ kɨŋ kɨya gɨrɨn̰ le, wɔyɛ dan̰ cay kal naŋ bɨ, dan̰ wɔlɛ gɨ ni dorɨn̰ gɨlale gɨ da Jubɨ naŋ bɨ.

Matɨyo 24:29

«Lam wo̰ ƴɔbɨ kardi hɨnga ga ni dɔsɛ-ɗugɔ ga da wɔlɛ gɨ nee le na, tɨwa kɨya dɔbɛ ɨndɨwa bɨ, kɨdɨrɛ kɨya asɨn̰e naŋ bɨ, dɛsɨɗɛŋ ga gɨɗɨgɨ-Kumu gɨŋ kɨya laydaŋ dugo bɨ, dɔnɔ di da hɨnga ga gɨɗɨgɨ-Kumu gaŋ kɨya yɨbagdaŋ bɨ.

Marg 13:9

Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

Kɔl-gɨ-Ɗari gɨ Lug wal 21:24

Kan kɨya dɨɗɨge dan̰ pəlɨm bogɨge dugo bɨ, kan kɨya donge orɨn̰ danage dangay a cay gɨsəŋ ga ɗaŋ gaŋ bɨ, te wɔɔ gɨ da kalaŋ ga toyge na Jubɨ naŋ kɨya cagage ɗɔdɨrdɛ Jerusalɛm dugo dan̰ tɨbayge bɨrɨŋ gɨsɨn̰ wɔlɛ gɨ da kalaŋ ga toyge na Jubɨ naŋ kɨya ɔrɛ kɨɗɨn̰di gaŋ.

1 Tesalonigɨ 2:16

Ni-gandi ni tee bɛrnɛ bɨn̰ kalaŋ ga toyge na Jubɨ naŋ ɗe na poɗɨn̰ge, ama Jubɨn̰əŋ ga nee le narnige coŋ. Hɨn̰ wo̰ na, kan kɨya dɨɗe kɨbɨ hada gɨ da ɨsɨna koge yɔd. Ama kagadi gɨŋ na, kuduroy-hɔmɛ di da Kumu ba cayge.

Wasɨn̰a 16:18

Kɨɗɨn̰di ga nee gaŋ le na, Kumu wɨlɨn̰de bɨ Kumu adɨlde toyi paraj paraj bɨ, noy kalaŋ ye bɨ, cay gɨsəŋ sayde den̰ den̰ lee hundɔrɔ bɨ. Ayɨn̰ toy gɨ Kumu ba sɨn̰ kalaŋ a cay gɨsəŋ gaŋ le, ungo sɨla cay gɨsəŋ ga yɨbagde hɨn̰ wo̰ naŋ ƴee.

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.