Matɨyo 20:34 - Gabri Maja

³⁴ Jesu sol cɨn̰-n̰age toge gɨɗaŋ, lee gɨ ban ɨsɨbɨ cɨndɨge dan̰ kobi. Ɨni na, kɨɗɨn̰di ga nee gaŋ le, cɨndɨge hangɨdaŋ bɨ, kan kobɨge kardi bɨ.

Matɨyo 20:34 Խաչաձեւ Հղումներ

Matɨyo 14:14

Kɨɗɨn̰ ga Jesu andaŋ duroy koburo gɨ gumu gɨŋ doŋ kɨbɨ kuray gɨŋ na, ban sol dɨmdɨrdi kalaŋ somge amiige. Ban sol cɨn̰-n̰age toge tɔgɨ, lee gɨ ban poɗɨn̰ ka-hɔmɨn̰ɛ kage.

Matɨyo 15:32

Jesu te ka-aye-cay-tɨbayi bɨ yege hɨn̰: «Dɨmdɨrdi kalaŋ ga kɛ le, cɨndɨge ləŋ cɨn̰-n̰age tɔgɨ, kɨya gɨ kan somge durnɨ leen̰ wɔlɛ sɨbɨ ɨni bɨ, hɨnga dɔɔdɨge unɔ bɨ. Lee gɨ ɨŋ gey ɗoge ɔrɛ tage dɨle bɨge hɨnga ga ni dɔɔ naŋ. Gajanaŋ ma togɨyge da unɔ a te gɨyəŋ gɨŋ.»

Matɨyo 20:33

Ɨni na, kan yeyige hɨn̰: «Ba-gulɔŋ, ni gey gɨ ɗe cɨndɨni na hangɨdaŋ.»

Matɨyo 21:1

Jesu dan̰ ka-aye-cay-tɨbayi tɨbayge baa mɨnde dan̰ cay ƴaa-di-gumu di Jerusalɛm. Kɨɗɨn̰ ga kan bugoŋge mɨnde dan̰ cay gulɔŋ gɨ Bɛdɨpaje gɨ woy kɨway garma gɨ teeyige Olibɨye ɨni na, ban tor ka-aye-cay-tɨbayi sɔɔ gɨyge tumoyi.

Matɨyo 8:15

Ban ɨsɨbɨ kɔbɔ bɨ, guso gɨ ɨl cəŋ le, ayaŋ caa coŋ. Lee gɨ hɨndi de say daa bɨ solɨn̰ kardi.

Matɨyo 9:29

Ɨni na, ban ɨsɨbɨ cɨndɨge bɨ yege hɨn̰: «Kuɗa gɨ Kumu laa danagɨŋ dan̰ gɨyəŋ gɨ da aye kudurɔ kogɨŋ le.»

Matɨyo 9:36

Kɨɗɨn̰ ga Jesu sol dɨmdɨrdi kalaŋ ga ɨrgage gusi na, ban sol cɨndɨge ga leeyi n̰age tɔgɨ. Kɨya wa kalaŋ ga nee le gɨlaldaŋge bɨ, togɨyge duroŋ coŋ hɨn̰ gamge ga ba-sɔlɛ kardɨge unɔ wo̰ bɨ.

Marg 7:33

Jesu dorii duroy dɨmdɨrdi kalaŋ orɨn̰ danayi walaŋ sɛdɨ, ban tobɨ karɨn̰-kobi sɨmayi bɨ, tɨbɨ kale karɨn̰-kobi gaŋ ɨsɨbɨn̰ kɨləŋdi bɨ.

Kɔl-gɨ-Ɗari gɨ Lug wal 18:43

Kɨɗɨn̰di ga nee gaŋ le bɨ, cɨn̰ ba-bɨbe le hangaŋ bɨ, ban kobɨ kardɨ Jesu hɨramɨn̰ Kumu. Dɨmdɨrdi kalaŋ nɔm kalɨn̰ ma, kɨɗɨn̰ ga solge hɨnga ga nee le, ayge te hɨrame Kumu bɨ.

Kɔl-gɨ-Ɗari gɨ Lug wal 22:51

Ama Jesu ye hɨn̰: «Hay, ɗagɨŋ baa, ɓal hɨn̰ wo̰», kardi nee ban ɨsɨbɨ sɨmay ungo le bɨ, sɨmay le jon̰ ban̰di nee lɛɗ lɛɗ.

Kɔl-gɨ-Ɗari gɨ Lug wal 7:13

Kɨɗɨn̰ ga Ba-gulɔŋ Jesu ba sol tama le na, cɨndo leeyi cɨn̰-n̰age bɨ, ban yoo hɨn̰: «Ɨle naŋ ɨni.»

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Əbɨro 2:17

Na toy di hɨn̰ wo̰ ma, ojɨ gɨ naa wa wa kalɨn̰ ma, Jesu na bɨl gɨlɨn̰ hɨn̰ karmii wo̰ te hɨnga nɔm, ɗe ban na bɨlɨn̰ mangɨl gɨ da ka-cay ka-bɔgɛ kɨbar bɨ, gɨ ba sɔlɛ cɨn̰-n̰age di da kalaŋ bɨ, gɨ ɨre kɨbɨ gɨye koyi gɨŋ tumoy Kumu ɗe Kumu na ɗe kuduroyi jal cay ɨsɨna gɨ da te kalaŋ.

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.