Matɨyo 17:22 - Gabri Maja

²² Wɔlɛ gɨ pɨna gɨŋ wo̰, ka-aye-cay-tɨbay Jesu wayge gusɨge nɔm a gɨsəŋ ga Galile gaŋ ɨni na, Jesu yege hɨn̰: «Ba mɨnde gɨ kan kɨya ƴɔmɛge Kurɨn̰-ungo le dobiige kobi kalaŋ

Matɨyo 17:22 Խաչաձեւ Հղումներ

Matɨyo 16:21

Jesu ay te yon̰ ka-aye-cay-tɨbayi boy tɨwado di nee dɨŋ le waŋ daa ye hɨn̰: «Na wa wa kalɨn̰ ma ɨŋ kɨya ɔrɛ Jerusalɛm, ɗe aŋ wan̰ cɨn̰-n̰age tɔgɨ kobɨ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kan kɨya dɨɗəŋge bɨ. Ama wɔlɛ sɨbɨdi gɨŋ na, ɨŋ kɨya bɔyɛ lɨbe.»

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Matɨyo 17:12

Ama aŋ yəgɨŋ, Eli le caga ɨni, ama kalaŋ sɨlayige naŋ bɨ, leeyige hɨnga nɔm ga kuduroyge gey bɨ. Kan kɨya leen̰ Kurɨn̰-ungo hɨnga ga ni gɨle-cɨn̰ hɨn̰ wo̰ bɨ.»

Matɨyo 17:23

ɗe kan na dɨɗiige, ama wɔlɛ sɨbɨdi gɨŋ na ban kɨya bɔyɛ lɨbe.» Kɔl gɨ nee le lee gɨ gusɨge mooge naŋ gɨɗaŋ.

Matɨyo 17:9

Kɨɗɨn̰ ga kan ɨre gɨsɨnge cay garma gɨŋ dugo ɨni na, Jesu ay noy bɨge yege hɨn̰: «Hɨnga ga kɨŋ ba sol kɛ le, kɨŋ yon̰ ungo koldɨge naŋ bɨrɨŋ, gɨsɨn̰ gɨ Kurɨn̰-ungo na mara bɨ, bɨya lɨbɨ bɨ, pa dɨm.»

Matɨyo 24:10

Boy wɔlɛdi gɨ nee le, kondɨwadi kalaŋ kɨya ɗɔɔge aye kudurɔ coŋ. Kan kɨya aye cay gusɨge bɨ, kɨya ƴɔmɛ gusɨge dan̰ kuduroyge bɨ.

Matɨyo 26:16

Ayɨn̰ toy a kɨɗɨn̰ ga nee gaŋ le, Judasɨ mal gɨyəŋ gɨ kɨya bɔɔ ɗarwa di ni ayɨn̰ cay Jesu bɨge.

Matɨyo 26:46

Sagɨŋ daa ana orgɨŋ. Sɨlagɨŋ ba-aye canɨ le tɨlga nee.»

Marg 8:31

Kardi nee, Jesu ay te gɨlɨn̰ ka-aye-cay-tɨbayi hɨnga yen̰ hɨn̰: «Ɨŋ-bandi Kurɨn̰-ungo le naa wa wa kalɨn̰ ma, ɨŋ kɨya gɨle-cɨn̰ tɔgɨ bɨ, Jubɨn̰əŋ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kɨya kan̰aŋge bɨ dɨɗəŋge bɨ. Bɨ wɔlɛ sɨbɨ kardi nee, ɨŋ kɨya bɔyɛ lɨbe duroy kalaŋ ga madɨrdaŋ gaŋ.»

Kɔl-gɨ-Ɗari gɨ Lug wal 24:26

Kɨŋ sɨla hɨn̰ gɨ naa wa wa kalɨn̰ ma, Kɨris ban gɨ Kumu dorii le kɨya gɨle-cɨn̰ pa dɨm ma ban kɨya andɨn̰ a duroy gusoŋ-tɔgɛ gɨŋ naŋ ga?»

Kɔl-gɨ-Ɗari gɨ Lug wal 24:46

Ban yege hɨn̰: «Sɨlagɨŋ! Kan walge a duroy magtubu dɨŋ yege hɨn̰: Naa wa wa kalɨn̰ ma, Kɨris ban gɨ Kumu dorii le, kɨya wɔɔ cɨn̰-gɨle-cɨn̰ bɨ, wɔlɛ sɨbɨdi gɨŋ na, ban kɨya bɔyɛ lɨbe a duroy kalaŋ ga madɨrdaŋ gaŋ bɨ.

Kɔl-gɨ-Ɗari gɨ Lug wal 9:22

Bɨ ban dɨbɨge cay nee ye hɨn̰: «Ɨŋ-bandi Kurɨn̰-ungo le naa wa wa kalɨn̰ ma, ɨŋ kɨya gɨle-cɨn̰ tɔgɨ bɨ, Jubɨ ga muɗoldoŋ bɨ, ka-cay ka-bɔgɛ kɨbar dan̰ ka-gɨlɨn̰ kalaŋ gasɨn̰-kɔl gɨ da Moyis kɨya kan̰aŋge bɨ, kɨya dɨɗəŋge bɨ. Ama wɔlɛ sɨbɨdi gɨŋ le, ɨŋ kɨya bɔyɛ lɨbe duroy kalaŋ ga madɨrdaŋ.»

Kɔl-gɨ-Ɗari gɨ Lug wal 9:43

Kalaŋ nɔm ga ba ɨrege nee le solge dɔnɔ di da Kumu di gumu hɨn̰ hɨnga ga ɗɨn̰ cayge wo̰. Kɨɗɨn̰ ga kɔl kay kalaŋ pɨna pɨna nɔm kɨya hɨnga ga Jesu ba lee le, ban yen̰ ka-aye-cay-tɨbayi hɨn̰:

Gɨye-lɔɔ 7:52

Na ka-yɔɔ-kɔl-gɨ-Kumu-ba-yɔɔ ga ani ma mon̰igɨŋ dɨle gɨlge cɨn̰ ga? Kan dɨɗɨge ka-yɔɔ-kɔl-gɨ-Kumu-ba-yɔɔ ga teege bɛrnɛ caga gɨ da marɨna ba-gɨye koyi Kɨris, gɨ gɨye-lɔɔdi or dan̰ durɔ ɗɨngar bɨge. Bɨ kɨɗɨn̰ ga ban caga ɨni na, kɨŋ ay cayi bɨ, dɨɗii coŋ bɨ.

1 Korɛ̰t 11:23

Hɨnga ga Ba-gulɔŋ ba gɨləŋ ɨŋ-bandi ma maŋ ba gɨlgɨŋ jɨn̰ tumɔ le ba kɛ: A duroy son̰do di kan ba kɨya dobɨn̰ Ba-gulɔŋ Jesu kobɨ kalaŋ le, ban say ay dan̰ mapa,