Kɔl-gɨ-Ɗari gɨ Lug wal 6:21 - Gabri Maja

²¹ Tumoy wolwa woy kol caygɨŋ, kɨŋ ga kurɔŋ ləgɨŋ haw kɛ, kɨya wa kɨŋ kɨya sɨdɨldəŋ jɨŋ jɨŋ ƴee! Tumoy wolwa woy kol caygɨŋ, kɨŋ ga ka-ɨle haw kɛ, kɨya wa wɔlɛdi gɨ kɨŋ kɨya ase dan̰ gusi-mɔwa le kɨya caga ƴee!

Kɔl-gɨ-Ɗari gɨ Lug wal 6:21 Խաչաձեւ Հղումներ

Matɨyo 5:4

Tumoy wolwa woy kol caygɨŋ, kɨŋ ga kaledɨgɨŋ jal, Kɨya wa ban kɨya bɨgɨŋ cay gɨsəŋ!

Matɨyo 5:6

Tumoy wolwa woy kol caygɨŋ, kɨŋ ga kurɔŋdi lɔɔ hɨnga ga dan̰ durɔ ɗɨngar leegɨŋ bɨ, Gɨmasedi hɨnga ga dan̰ durɔ leegɨŋ bɨ le, Kɨya wa ban kɨya bɨgɨŋ hɨnga ga kɨŋ or n̰agedɨge!

Kɔl-gɨ-Ɗari gɨ Lug wal 1:53

Kan ga kurɔŋ leege le, Ban ƴom wandɨ danage dan̰ hɨnga bajag bajag bɨ, Kan ga ka-wɔɔ hɨnga le, Ban ɗege or kobɨge kalɨn̰ bɨ.

Kɔl-gɨ-Ɗari gɨ Lug wal 6:20

Jesu ay cɨndi daa solɨn̰ ka-aye-cay-tɨbayi bɨ yege hɨn̰: «Tumoy wolwa woy kol caygɨŋ, kɨŋ ga kandi wɔɔdɨgɨŋ unɔ. Kɨya wa dɔɔ-ƴaa di da Kumu na togɨŋ!

Kɔl-gɨ-Ɗari gɨ Lug wal 6:22

Tumoy wolwa woy kol caygɨŋ, kɨŋ ga kalaŋ ƴomgɨŋge dan̰ kuduroyge bɨ, kɨŋ ga kalaŋ kan̰gɨŋge bɨ, kɨŋ ga kalaŋ yagɨdɨgɨŋge bɨ, kɨŋ ga kalaŋ solgɨŋge leen̰ kalaŋ ga ɨsɨndəŋ kɨya canɨ ɨŋ-bandi Kurɨn̰-ungo bɨ.

Kɔl-gɨ-Ɗari gɨ Lug wal 6:25

Cɨn̰-n̰age ba caygɨŋ kɨŋ ga haw kɛ kuduroygɨŋ sɨdɨldəŋ jɨŋ jɨŋ le, kardi nee kuroŋ kɨya loogɨŋ! Cɨn̰-n̰age baa caygɨŋ kɨŋ ga haw kɛ ase wadɨldɨn̰ kɨbɨ gɨŋ le, kardi nee kɨŋ kɨya sɔmɛ duroy n̰age dan̰ ɨle!

Kɔl-gɨ-Ɗari gɨ Ja̰ wal 11:35

Jesu ɨle.

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

1 Korɛ̰t 4:11

Bɨrɨŋ gɨsɨn̰ labɨde kalɨn̰ ma, kuroŋ leeni bɨ, gɨmase dɨni bɨ, ni or toyni kalɨn̰ bɨ, tenige bɨ, ni dɨbde daa bɨ,

2 Korɛ̰t 11:27

Ɨŋ lee gɨye ga osɨdəŋ lee gɨ gɨlale ləŋ bɨ, hɨnga ga ni gɨwase ga osɨdəŋ gɨwasaŋ bɨ, ɨŋ waa kuŋ cɨnɨ naŋ tɨba kondɨ bɨ. Kuroŋ ləŋ bɨ, gɨmase dəŋ bɨ. Ɨŋ hay kɨbɨnɨ tɨba kondɨ bɨ. Kal dəŋ bɨ, badɨge ga ni dɔbɛ gusɨnɨ wɨyəŋ bɨ.

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

Wasɨn̰a 21:3

Ɨni na, ɨŋ je noy ungo gɨ ye dan̰ togi sayga a cay kali-tɨrɨmbala dɨŋ ye hɨn̰: «Sɨlagɨŋ! Kɨɗɨn̰ sɔmɛ ga da Kumu kɨya wɔyɛ duroy kalaŋ ga ɨndəŋ! Ban kɨya sɔmɛ duroyge bɨ, kan kɨya bɨləŋ te kalaŋ kayi bɨ. Ho’o, Kumu gusi koyi kalɨn̰ ma kɨya sɔmɛ danage bɨ, ban kɨya wɔyɛ na Kumu koge bɨ.

Wasɨn̰a 7:16

Kuroŋ kɨya looge naŋ bɨrɨŋ bɨ, gɨmase kɨya doge naŋ bɨrɨŋ bɨ, tɨwa kɨya jɨbɨge naŋ bɨrɨŋ bɨ, ɨlwa kɨya looge naŋ bɨrɨŋ bɨ.