Kɔl-gɨ-Ɗari gɨ Lug wal 5:10 - Gabri Maja

¹⁰ Jag dan̰ Ja̰ kurɨn̰ Jebede dan̰ ka-pogɨn̰ɨge ka-ure gusa le kalɨn̰ ma, turnoyge gɨre kayaŋ nee bɨ. Ama Jesu yen̰ Simo hɨn̰: «Hundɔrɔ naŋ! Ay toy haw kɛ na, ji kɨya ure gusa gɨ ji udɨrde naŋ ɨni, ama na kalaŋ mɨn̰ kɨya dayge ɗe kan ayge cay tɨbanɨ.»

Kɔl-gɨ-Ɗari gɨ Lug wal 5:10 Խաչաձեւ Հղումներ

Matɨyo 13:47

«Dɔɔ-ƴaa di daa nii, woy gɨlɨn̰ na hɨn̰ bura di ka-ure gusa, dɨbɨge duroy kuray gɨ gumu taa taa gɨŋ, ƴomɨn̰ge te gusa nɔm ga woy duroy kaŋ gaŋ wo̰.

Matɨyo 14:27

Ama kɨɗɨn̰di ga nee gaŋ le bɨ, Jesu yege kɔl ye hɨn̰: «Ƴɨmagɨŋ kuduroygɨŋ usa na ɨŋ-bandi Jesu, kɨŋ ɗɔɔ ba hundɔrɔ.»

Matɨyo 20:20

Kardi nee ɨni na, karɨn̰ Jebede ƴoyge ɨrga gusi Jesu dan̰ karɨndo bɨ, ɨrga poy gɨbaa dugo tumoyi dan̰ hurɔmɔ kɨya ɨngɨri hɨnga.

Matɨyo 4:19

Jesu yege hɨn̰: «Kɨbagɨŋ karɨnɨ. Tumɔ kɨŋ na ka-ure gusa, ama haw kɛ na ɨŋ kɨya bɨlgɨŋ leen̰ ka-budɔlɛ kalaŋ, bɨ kɨŋ kɨya budolge ɗe kan ayɨn̰ gɨyəŋ gɨ da Kumu.»

Matɨyo 4:21

Ban or tumɔ ɗaŋ dḛ nee ɨni na, ban sol kalaŋ ga ɗaŋ sɔɔ na ka-karme: Jag kurɨn̰ Jebede dan̰ kurɨndi Ja̰. Somge duroy koburo gɨ gumu gɨŋ pɨna dan̰ bayge Jebede, ɨre n̰ange bura toge. Ban teege.

Marg 1:17

Jesu yege hɨn̰: «Ɨregɨŋ kɨbagɨŋ karɨnɨ. Tumɔ kɨŋ na ka-ure gusa, ama haw kɛ na, ɨŋ kɨya bɨlgɨŋ leen̰ ka-budɔlɛ kalaŋ bɨ, kɨŋ kɨya budolge ɗe kan ayɨn̰ gɨyəŋ gɨ da Kumu.»

Kɔl-gɨ-Ɗari gɨ Lug wal 5:7

Ɨni na, kan leege kobɨge ten̰ge kamdɨge ga a koburo gɨ ɗaŋ gɨŋ, ɗe kan na jogɨge sɨre boy le daa. Kan ɨrgage bɨ, kan donge gusa le pɨna walɨn̰ dan̰ koburo ga sɔɔ le tɨb tɨb. Koburo le walɨn̰ tɨb tɨb, baa tɨlɛŋ wo̰ gɨ ni kɨya ɗɨrme kaŋ gaŋ.

Kɔl-gɨ-Ɗari gɨ Lug wal 5:9

Simo dan̰ kalaŋ nɔm ga danayi turnoyge gɨre kayaŋ kɨya cay kondɨwadi gusa gɨ kan ƴomge le.

Kɔl-gɨ-Ɗari gɨ Lug wal 6:14

Ka-gɨre-gɨye le gusɔŋdɨge ba kɛ: Simo gɨ Jesu si gusondi na Pɨyɛr dan̰ Andɨre gɨ ni kurundi, Jag dan̰ Ja̰, Pilib dan̰ Bartelemi,

Kɔl-gɨ-Ɗari gɨ Ja̰ wal 21:2

Simo Pɨyɛr bɨ, Tomas gɨ tɨrɨmbalayi na Mɨgɨna bɨ, Natanɨyɛl gɨ a cay ƴaa di Kana di woy a cay gɨsəŋ ga Galile gaŋ bɨ, karɨn̰ Jebede bɨ, ka-aye-cay-tɨbayi ga ɗaŋ won̰ge sɔɔ bɨ, kan nɔm somge kɨɗɨn̰ pɨna.

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

2 Korɛ̰t 8:23

Gɨ ojɨn̰ cay Titɨ na, ban na ba-bɔgɔŋ bɨ, ba-lɔɔ gɨye danaŋ kol caygɨŋ bɨ. Ama ojɨn̰ cay karmɨni ga ɗaŋ ga orge danayi na, na kalaŋ ga Ka-Daye ba gɨyge bɨ, haldɨge kuɗa lee gɨ kalaŋ dɨbɨ gusoŋ-tɔgɛ cay Kɨris kol cayge bɨ.

2 Timote 2:26

Kɨɗɨn̰ ga nee le, cɨndɨge kɨya hangaŋ, lɔɔ gɨ kan kɨya dɔrɛ gusɨge coŋ a boy boy da Haban̰ di ƴomge, di kan leen̰ge hɨnga ga kuduroyge gey le.