Kɔl-gɨ-Ɗari gɨ Lug wal 3:22 - Gabri Maja

²² Bɨ Turnɔ ɗe-kuduroy-bɛrɛ sayga daa gɨlɨn̰ hɨn̰ guu di bɛrɛ kən̰jəŋ wo̰ ɨrga gɨsɨn cayi. Noy ungo ye a gɨɗɨgɨ-Kumu gɨŋ ye hɨn̰: «Ji na kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Kɔl-gɨ-Ɗari gɨ Lug wal 3:22 Խաչաձեւ Հղումներ

Matɨyo 12:18

«Sɨlagɨŋ marɨna ba-gɨye hɨnge gɨ ɨŋ dori ba kɔ, Ban gɨ ɨŋ lee-toyi tɔgɨ bɨ gusɨnɨ mɔŋ cayi. Ɨŋ gɨ lɔɔ gɨ ɗe Turnonɨ som cayi, Bɨ kɨya tɔgɛ bɛrnɛ gɨye-lɔɔ gɨ dan̰ durɔ Bɨn̰ te wɔɔ gɨ da kalaŋ ga ɗaŋ.

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 27:43

Ban bee kuduroy a cay Kumu cɔb cɔb bɨ ye hɨn̰: “Ɨŋ na Kurɨn̰-Kumu le!” Hɨn̰ gɨ Kumu na geyii na, ɗa ɗe dorii kobɨ tɨma dɨŋ haw kɛ.»

Matɨyo 3:13

Ɨni na, Jesu sayga a cay gɨsəŋ ga Galile gaŋ, bɨ ɨrga gusi Ja̰ a kɨbɨ kuray gɨ Jurdḛ gɨŋ, lee gɨ ban leeyi batɛm.

Matɨyo 3:16

Kɨɗɨn̰ ga ban leen̰ Jesu batɛm coŋ ɨni na, ban andaŋ duroy kaŋ gaŋ doŋ. Kɨɗɨn̰di ga nee gaŋ le bɨ ga ma, gɨɗɨgɨ-Kumu hangaŋ wɨn̰ bɨ, Jesu sol Turnɔ di da Kumu sayga daa gɨlɨn̰ hɨn̰ guu di bɛrɛ kən̰jəŋ wo̰, ɨrga gɨsɨn cayi.

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Marg 1:11

Kɨɗɨn̰di ga nee gaŋ le, noy ungo ye a gɨɗɨgɨ-Kumu gɨŋ hɨn̰: «Ji na Kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Marg 1:9

Ɨni na, Jesu sayga a cay gulɔŋ gɨ Najarɛt gɨ woy a cay gɨsəŋ ga Galile gaŋ bɨ, ɨrgan̰ gusi Ja̰ lee gɨ ban leeyi batɛm a duroy kuray gɨ Jurdḛ gɨŋ.

Marg 9:7

Kɨɗɨn̰di ga nee gaŋ le bɨ gɨrɨmbale andaŋ tol cayge bɨ, noy ungo ye kɔl duroy gɨrɨmbale gaŋ le hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, jagɨŋ kɔl koyi.»

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Lug wal 4:21

Ɨni na, Jesu yege hɨn̰: «Kɨŋ ga ba je kɔl gɨ ɨŋ ba ɗongɨsi duroy Magtubu di da Kumu dɨŋ di kɛ le, labɨde wɔlɛdi ɓal kɨrbɨ caygɨŋ.»

Kɔl-gɨ-Ɗari gɨ Ja̰ wal 1:32

Kardi nee na Ja̰ lee tɨmon̰ ɗaŋ coŋ ƴee hɨn̰: «Ɨŋ sol Turnɔ di da Kumu sayga daa hɨn̰ guu di bɛrɛ kən̰jəŋ wo̰, ɨrga som cayi.»

Kɔl-gɨ-Ɗari gɨ Ja̰ wal 12:28

Golgo gɨ ni yɔ hɨn̰: Banɨ, dɨbɨ gusoŋ-tɔgɛ a cay gusondɨn̰.» Ɨni na, noy ungo sayga daa nii ye hɨn̰: «Ɨŋ dɨbɨ gusoŋ-tɔgɛ cay gusoŋnɨ ɨni bɨ, ɨŋ kɨya dɨbe cay gusoŋnɨ nee coŋ.»

Kɔl-gɨ-Ɗari gɨ Ja̰ wal 5:37

ama Banɨ gɨ gɨyigəŋ le, ban gusi koyi ba lɔɔ tɨmon̰ kol canɨ. Kɨŋ ja noyi naŋ bɨrɨŋ bɨ, kɨŋ sɨla cɨndi naŋ bɨrɨŋ bɨ,

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Kɔlɔs 1:13

Ho’o, Kumu dornagɨŋ a te dɔnɔ di da dɨlɨm dɨŋ bɨ, orɨn̰ dananagɨŋ a boy dɔɔ-ƴaa gɨ da Kurondi gɨ ban geyi gɨŋ bɨ.

1 Pɨyɛr 2:4

Sɨygɨŋ gusi Ba-gulɔŋ. Ban na oru gɨ woy-bɨra gɨ kalaŋ kan̰iige coŋ. Ama Kumu dorii kɨya gɨ Kumu solii gɨ ban na oru gɨ ƴee-cɨndi tɔgɨ.