Kɔl-gɨ-Ɗari gɨ Lug wal 18:7 - Gabri Maja

⁷ A boy ɨrɨme kogɨŋ gɨŋ kɛ, Kumu kɨya bɔyɛ kɔl bɨn̰ kalaŋ kayi ga Ban torge ɗege dan̰ cɨndɨge ga ɨlege kɨbi duroy son̰do dan̰ kɨɗɨn̰ ga woli bɨ naŋ ga? Kɛ Ban kɨya aye cay gɨ ni dɨle jɨbe toyge ga

Kɔl-gɨ-Ɗari gɨ Lug wal 18:7 Խաչաձեւ Հղումներ

Matɨyo 24:22

Hɨn̰ gɨ Kumu ni na bɨya kɨbɨ wɔlɛ gɨ nee le daa naŋ na, ungo pɨna nɛŋ ni kɨya dɔgɛ kɨɗɨn̰ andaŋ naŋ. Ama Kumu ɨrɨm a cay kalaŋ ga ban torge. Na toy di hɨn̰ wo̰ ma ban boy kɨbɨ wɔlɛ gɨ nee le daa kol cayge.

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 7:11

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari. Ma na mɨna ma Baygɨŋ gɨ som a daa nii, kɨya bɨn̰ kan ga ɨngɨriige hɨnga ga ɗari ɗɨn̰ ga nee le coŋ naŋ ga?

Kɔl-gɨ-Ɗari gɨ Lug wal 11:13

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari, ma na mɨna ma Bayna gɨ som a daa nii, kɨya lɔɔ ɗɨn̰ gɨ nee le bɨn̰ kan ga ɨngɨriige Turnɔ ɗe-kuduroy-bɛrɛ le naŋ ga?»

Kɔl-gɨ-Ɗari gɨ Lug wal 2:37

Ɨni na, kudurɔɔ le ma. Ayɨn̰ toy a wɔlɛdi gɨ nee gɨŋ le, hɨndi som ban̰di-gulɔŋ gɨŋ ɨlge toy-margɨm-cay-poɗɨn̰. Hɨndi aya tɨbaa dɨbɨ doŋ ɗa ƴaa-di-da-Kumu coŋ naŋ. Hɨndi lee gɨye gɨ da Kumu duroy son̰do dan̰ tɨwa di ɨni bɨ. Dan̰ haye kɨbɨ bɨ, dan̰ ɔlɛ Kumu bɨ.

Kɔl-gɨ-Ɗari gɨ Lug wal 21:28

Kɨɗɨn̰ ga hɨnga ga nee le, na aya te lɔɔ gusɨge na, ƴɨmagɨŋ gusɨgɨŋ usa bɨ ayagɨŋ caygɨŋ daa sɨlan̰gɨŋ kɨɗɨn̰ bɨ, kɨya wa wɔlɛ gɨ kɨŋ kɨya dorɨn̰ caygɨŋ wɨyga mɨnde.»

Magtubu di Pol wal bɨn̰ kalaŋ ga Rɔm 8:33

Kɛ na waŋ ba kɨya se kɔl a cay kalaŋ ga Kumu torge ga? Ungo wo̰ unɔ! Kumu gusi ba bɨlge leen̰ kalaŋ ga dan̰ durɔ ɗɨngar.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

1 Tesalonigɨ 3:10

Son̰do dan̰ tɨwa di ɨni le, hɨnga ga ni olɨn̰ Kumu jɨn̰ nee nee ba kɛ: Na gɨ ban na bɨni gɨyəŋ ɗe ani na jogɨ solgɨŋ ɗaŋ bɨ, ɗe ani na bɨgɨŋ hɨnga ga wɨygɨŋ duroy aye kudurɔ kogɨŋ gɨŋ bɨ.

2 Tesalonigɨ 1:6

Ho’o na gɨyəŋdi gɨ Kumu na jɨgen̰ dan̰ dɔsɛ-ɗugɔ daa bɨn̰ kalaŋ ga ka-dɔsɨdɛ ɗugoygɨŋ.

1 Timote 5:5

Tama di kudurɔ ma di ungo kɔɔ unɔ bɨ, som kan̰do bɨ le, ɗe ɨrɨmedo na cay Kumu bɨ, ol Kumu bɨ, loɗɨde toyi daa daa duroy son̰do dan̰ tɨwa di ɨni bɨ.

2 Timote 1:3

Ɨŋ leen̰ Kumu gɨ ɨŋ lee gɨye bii dan̰ ɨrɨmenɨ gɨ arɨn̰ cərərə hɨn̰ gɨ mon̰ɨnɨ ba leen̰ge gɨye le ho’o. Kɨɗɨn̰ ga daa daa, duroy son̰do dan̰ tɨwa di ɨni bɨ, ɨŋ ɨrɨm kol can̰ boy ɔlɛ hɨnge gɨŋ na, ɨŋ leeyi ho’o.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.

2 Pɨyɛr 3:9

Ba-gulɔŋ aya cayi kɨya lɔɔ hɨnga ga ban ye gɨ ɗi na kɨya lɔɔ le naŋ. Kalaŋ ga yege gɨ ban na ay naa cayi le, sɨlage toy kuɗa naŋ. Golgo gɨ ni yɔ Ba-gulɔŋ na dɨbɨ ɗugoyi naa kol caygɨŋ. Ban gey gɨ ungo pɨna wo̰ kalɨn̰ ma na gɨ mundoŋ naŋ. Ban gey gɨ kalaŋ nɔm na bɨlge gɨye-lɔɔdɨge.

Wasɨn̰a 18:20

Gɨɗɨgɨ-Kumu, laagɨŋ gusi-mɔwa kol mundoŋ gɨ hɨndi mundoŋ kurɔm kurɔm coŋ le! Kɨŋ kalaŋ ga woy dan̰ cɨndɨgɨŋ bɨ, ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ kalɨn̰ ma, laagɨŋ gusi-mɔwa bɨ. Kɨya wa Kumu boy kɔl caa na kol hɨnga ga ɨsɨni ga hɨndi lee danagɨŋ.

Wasɨn̰a 6:10

Kan wɨlalge dan̰ te tumoyge di daa pəŋ pəŋ ye hɨn̰: «Ba-gulɔŋ, ji na ungo gɨ leen̰ hɨnde gɨ doriige siige dan̰ cɨndi. Kalaŋ ga a cay gɨsəŋ gaŋ le, kɛ ji gɨ aye can̰ bɨrɨŋ andɨn̰ na wɔlɛ gɨ ani gɨŋ kɨya bon̰ kɔl cayge ga? Kɛ na wɔlɛ gɨ ani ma mɨn̰ kɨya gɔjɛ ba da kɨbar di ni gɨ bugoŋ dugo le ga?»

Wasɨn̰a 7:15

Na toy di hɨn̰ wo̰ ma, kan ɨrege a tumoyi kali-tɨrɨmbala da Kumu dɨŋ leen̰ge gɨye bii, duroy son̰do dan̰ tɨwa di ɨni bɨ, duroy ƴaa toyi dɨŋ bɨ. Ban gɨ som a cay kali-tɨrɨmbala toyi dɨŋ le kɨya ƴomge te dabaŋ koyi gɨŋ.