Kɔl-gɨ-Ɗari gɨ Ja̰ wal 6:38 - Gabri Maja

³⁸ Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Kɔl-gɨ-Ɗari gɨ Ja̰ wal 6:38 Խաչաձեւ Հղումներ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Kɔl-gɨ-Ɗari gɨ Ja̰ wal 3:13

Ungo pɨna wo̰ saa a cay gɨsəŋ gaŋ kɛ naa ɨra daa nii naŋ, ama na ɨŋ-bandi Kurɨn̰-ungo ƴɔbɨ ba sayga daa nii gɨsɨngɨ dugo cay gɨsəŋ gaŋ.

Kɔl-gɨ-Ɗari gɨ Ja̰ wal 3:17

Kumu gɨygɨn̰ dan̰ kurondi a cay gɨsəŋ gaŋ, na kɨya bɔyɛ kɔl cay kalaŋ naŋ, ama na ɗe gɨ kalaŋ na wayan̰ pɔɗɛ kol cayi.

Kɔl-gɨ-Ɗari gɨ Ja̰ wal 3:31

Ban gɨ sayga gɨɗɨgɨ-Kumu gɨŋ le, ban som cay hɨnga gaŋ nɔm. Ban gɨ na ungo gɨ a cay gɨsəŋ gaŋ le, ban na gɨ da cay gɨsəŋ, lee gɨ ban ye na kɔl gɨ a cay gɨsəŋ gaŋ.

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Kɔl-gɨ-Ɗari gɨ Ja̰ wal 5:19

Jesu jɨga ay kɔl bɨ yege hɨn̰: «Jagɨŋ, ɨŋ yəgɨŋ na kɔl gɨ cɨndi. Kuroŋ kɨya ɓale lɔɔ hɨnga dan̰ cay gusi naŋ. Ban kɨya lɔɔ na hɨnga ga ban sol bayi te lɔɔdɨge gɨŋ ƴɔbɨ. Kɨya wa hɨnga nɔm ga kɨye bay lee le, kuroŋ kɨya lɔɔ na hɨn̰ wo̰ bɨ.

Kɔl-gɨ-Ɗari gɨ Ja̰ wal 5:30

Ɨŋ-bandi, ɨŋ mala na gɨ ni lɔɔ kuduroy geye hɨnge naŋ, ama ɨŋ boy kɔl na dan̰ gɨyəŋdi kɔl gɨ ɨŋ je. Kɔl gɨ ɨŋ boy le na dan̰ gɨyəŋdi, kɨya gɨ ɨŋ mala na lɔɔ hɨnga ga dan̰ kuduroy geye hɨnge naŋ. Ama na dan̰ gɨyəŋ gɨ da kuduroy-geye gɨ da ban gɨ gɨyigəŋ.

Kɔl-gɨ-Ɗari gɨ Ja̰ wal 6:29

Jesu dɨbɨge cay nee yege hɨn̰: «Gɨye gɨ da Kumu na, na gɨ kɨŋ na bɨga kuduroygɨŋ cay ban gɨ Kumu gɨygi le.»

Kɔl-gɨ-Ɗari gɨ Ja̰ wal 6:33

Kɨya wa mapa gɨ da Kumu le, na ban gɨ sayga a daa nii ɨrga cay gɨsəŋ gaŋ bɨ, lee gɨ kalaŋ ga cay gɨsəŋ gaŋ somɨn̰ge-bɨra dan̰ cɨndɨge.»

Kɔl-gɨ-Ɗari gɨ Ja̰ wal 6:42

Kan dɨbige cay nee yeyige hɨn̰: «Kɛ, na Jesu Kurɨn̰ Jɨsɛb le naŋ ga? Na sɨla bayi dan̰ ƴoyi naŋ ga? Lee na mɨna ma, ban gɨ yɔ haw kɛ: “Ɨŋ sayga na daa nii gɨsɨn dugo ga”?»

Kɔl-gɨ-Ɗari gɨ Ja̰ wal 6:57

Hɨn̰ gɨ Banɨ ba gɨyigəŋ ba som-bɨra dan̰ cɨndi bɨ, ɨŋ ba som-bɨra na kol cay Banɨ bɨ na, ungo gɨ na daaŋ na, kɨya sɔmɛ-bɨra dan̰ cɨndi kol canɨ bɨ.

Magtubu di Pol wal bɨn̰ kalaŋ ga Rɔm 15:3

Na cɨndi, Kɨris kalɨn̰ ma aya gɨyəŋ gɨ kɨya ƴɔɔ cɨndi kayi ban gaŋ naŋ, ama ban lee hɨn̰ gɨ ba walge a duroy Magtubu di da Kumu dɨŋ yege hɨn̰: «Ka-yagɨdɨn̰ le yagɨde koge baa a canɨ ɨŋ-bandi bɨ.»

Epɛs 4:9

«Ban nay a kɨɗɨn̰ ga daa gaŋ» duroy na wa ga? Duroy na Kɨris, tumɔ gɨsɨn dugo bɨ andaŋ te gɨsəŋ gaŋ mɨrɨg bɨ.

Əbɨro 5:8

Ban na Kurɨn̰-Kumu hayi, ama dan̰ gɨyəŋ gɨ da hɨnga ga ni gɨle-cɨn̰ nɔm ga leeyi le, ban tɨrabɨ jɔɔ kɔl kɨbɨ Kumu.