Kɔl-gɨ-Ɗari gɨ Ja̰ wal 6:15 - Gabri Maja

¹⁵ Kɨɗɨn̰ ga Jesu sol gɨ kalaŋ malge-gɨyəŋ kɨya ƴomii dan̰ tɔgɨ si cay kali-tɨrɨmbala dɨŋ ɨni na, ban say dor gusi kan̰di hayi ɗaŋ coŋ a cay garma gɨŋ.

Kɔl-gɨ-Ɗari gɨ Ja̰ wal 6:15 Խաչաձեւ Հղումներ

Matɨyo 5:1

Dɨmdɨrdi kalaŋ kobɨge kardi Jesu. Kɨɗɨn̰ ga ban solge ɨni na, or nɔɔ a cay garma gɨŋ sɔmɛ nee bɨ, ka-aye-cay-tɨbayi ɨrgage dayaŋge gusi.

Marg 11:9

Dɨmdɨrdi kalaŋ ga gorge tumoyi bɨ, ga gorge kardi bɨ, dege sɨle yen̰ge hɨn̰: «Gusoŋ-tɔgɛ na gɨ da Kumu! Kuɗa gɨ tɔrɛ-kɨbɨ wɨya kɨya cay ungo gɨ ɨrga dan̰ guson̰ Ba-gulɔŋ!

Kɔl-gɨ-Ɗari gɨ Lug wal 19:38

Kan yege hɨn̰: «Tɔrɛ-kɨbɨ wɨya kɨya cay kɨlma, Gɨ ɨrga dan̰ guson̰ Ba-gulɔŋ. Gusi-dɔbɛ wɨya kɨya cay kalaŋ ga a daa nii bɨ, Gusoŋ-tɔgɛ na gɨ da Kumu gɨ a daa gɨɗɨgɨ-Kumu gɨŋ bɨ.»

Kɔl-gɨ-Ɗari gɨ Ja̰ wal 18:36

Jesu dɨbi cay nee yeyi hɨn̰: «Dɔɔ-ƴaa tɨnge na dɔɔ-ƴaa di cay gɨsəŋ gaŋ kɛ naŋ. Hɨn̰ gɨ dɔɔ-ƴaa tɨnge ni naa dɔɔ-ƴaa di a cay gɨsəŋ gaŋ kɛ na, kalaŋ kange ni kɨya sɔge dɨbege wɔrɨn̰ɛ kol canɨ, narɨn̰ Jubɨn̰əŋ ƴɔmɔŋ coŋ. Ama haw kɛ dɔɔ-ƴaa tɨnge na dɔɔ-ƴaa di a cay gɨsəŋ gaŋ kɛ naŋ.»

Kɔl-gɨ-Ɗari gɨ Ja̰ wal 5:41

«Ɨŋ mala gusoŋ-tɔgɛ gɨ saa gusi kalaŋ naŋ.»

Kɔl-gɨ-Ɗari gɨ Ja̰ wal 6:22

Wan̰dodo tɔɔ dɨŋ ɨni na, dɨmdɨrdi kalaŋ ga somge kardi kuray gɨ gumu taa taa gɨŋ le, solge gɨ koburo na pɨna hayi ƴɔbɨ, ama gɨ ɗaŋ unɔ. Kalaŋ solge gɨ Jesu na naya a boy koburo gɨ gumu gɨŋ gɨ nee le, dan̰ ka-aye-cay-tɨbay naŋ. Ama kan gusɨge ba ɔrɛge kan̰dɨge hage.

Kɔl-gɨ-Ɗari gɨ Ja̰ wal 6:3

Na toy di hɨn̰ wo̰ ma, Jesu nay a cay garma gɨŋ bɨ, som nee dan̰ ka-aye-cay-tɨbayi.

Əbɨro 4:13

Hɨnga nɔm ga Kumu si le, pɨna wo̰ ga wosɨ gusɨge cɨndi wo̰ unɔ. Hɨnga nɔm woy cɨn̰-tɨwa dɨŋ ɗen̰ ɗen̰ cɨndi bɨ, tɨla gusɨge cɨndi naŋ bɨ. Na ban ma ojɨ gɨ na kɨya dɔrɛ kardi gɨye-lɔɔdɨna bii bɨ.