Kɔl-gɨ-Ɗari gɨ Ja̰ wal 12:38 - Gabri Maja

³⁸ Ɗe gɨ kɔl, gɨ da ba-yɔɔ-kɔl-gɨ-Kumu-ba-yɔɔ Ijay ba ye le, or kɨɗɨn̰di gaŋ. Ban ye hɨn̰: «Ba-gulɔŋ, na waŋ ba bɔgɛ kuduroy cay kɔl gɨ ni ba ye le ga? Bɨ na waŋ ma, Ba-gulɔŋ gɨlii hɨnga ga ban lee dan̰ kobi le ga?»

Kɔl-gɨ-Ɗari gɨ Ja̰ wal 12:38 Խաչաձեւ Հղումներ

Matɨyo 15:7

Kɨŋ ka-yɔɔ-kɔl-kɨbɨgɨŋ-sɔɔ-sɔɔ le, kɔl gɨ ba-yɔɔ-kɔl-gɨ-Kumu-ba-yɔɔ, Ijay ba ye gɨsɨn̰ caygɨŋ na dan̰ gɨyəŋdi. Kɨɗɨn̰ ga ban ye hɨn̰:

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Matɨyo 27:35

Kɨɗɨn̰ ga kan gagɨliige a cay sɨya-gɨ-dagɨli gɨŋ coŋ ɨni na, asɨgarn̰əŋ lobɨge badɨge kayi gosɨnɨn̰ge gusɨge dan̰ te gɨyəŋ gɨ da jɨbe ɓɛlɛ.

Kɔl-gɨ-Ɗari gɨ Ja̰ wal 12:37

Jesu lee hɨnga ga ɗɨn̰ cɨn̰-kɨɗɨn̰ gɨɗaŋ duroy kalaŋ ga ni Jubɨn̰əŋ, ama naa hɨn̰ wo̰ kalɨn̰ ma, kan bɨgage kuduroyge cayi naŋ.

Kɔl-gɨ-Ɗari gɨ Ja̰ wal 12:39

Ijay gɨ nee le gaŋ gɨl ɨrɨme gɨ lee gɨ kan kɨya ɓalege bɔgɛge kuduroyge cayi naŋ, kɨɗɨn̰ ga ban ye hɨn̰:

Kɔl-gɨ-Ɗari gɨ Ja̰ wal 15:25

Ama na kɨya gɨ ɗe kɔl gɨ kan walge duroy magtubu gasɨn̰-kɔl koge gɨŋ ye hɨn̰: “Kan ƴɔmɔŋge dan̰ kuduroyge kalɨn̰ wo̰ dugo le”, ɗe na or kɨɗɨn̰dɨge gaŋ.

Kɔl-gɨ-Ɗari gɨ Ja̰ wal 17:12

Kɨɗɨn̰ ga ɨŋ baa danage le, ɨŋ gamge dan̰ dɔnɔ di da gusondɨn̰ di ji bəŋ. Ɨŋ gɨre cayge bɨ, ungo pɨna duroyge kayaŋ naŋ bɨ. Ama na ban gɨ gaɗ gaɗ kɨya kayaŋ le ƴɔbɨ. Ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰di gaŋ.

Kɔl-gɨ-Ɗari gɨ Ja̰ wal 19:24

Ɨni na, asɨgarn̰əŋ yen̰ge gusɨge kɔl duroyge yege hɨn̰: «Gumɔjɨ le sagɨdenagɨŋ naŋ, ama jɨbɨnagɨŋ ɓɛlɛ ana solɨn̰gɨŋ, ungo gɨ ɓɛlɛ na ƴɨmayi na, ɗe ay.» Lee gɨ kɔl gɨ kan walge duroy Magtubu Kɨbe-Kɨra dɨŋ le, na or a kɨɗɨn̰di gaŋ, kɔl le ba kɛ: «Kan gosɨnɨn̰ge gusɨge badɨge kange bɨ, Jɨbɨge ɓɛlɛ a cay gumɔjɨ hɨnge gɨ ƴen̰ gɨŋ bɨ.» Na ban ma na hɨnga ga asɨgarn̰əŋ leege le.

Magtubu di Pol wal bɨn̰ kalaŋ ga Rɔm 10:16

Ama na kalaŋ nɔm ba bɔgɛ kɔl a cay Kɔl-gɨ-Ɗari gɨŋ naŋ. Ho’o, ba-yɔɔ-kɔl-gɨ-Kumu-ba-yɔɔ Ijay kalɨn̰ ma ye hɨn̰: «Ay Ba-gulɔŋ, kɛ na waŋ ba bɔgɛ kuduroy a cay tɔgɛ bɛrnɛ toni dɨŋ ga?»

Magtubu di Pol wal bɨn̰ kalaŋ ga Rɔm 10:20

Ba-yɔɔ-kɔl-gɨ-Kumu-ba-yɔɔ Ijay or bɨrɨŋ yoge kɔl gɨ Kumu ba yɔ, yon̰ hɨn̰: «Kalaŋ ga malaŋge naŋ le, na kalaŋ ga wayaŋge. Kalaŋ ga ɨngɨrəŋge hɨnga dḛ wo̰ naŋ bɨrɨŋ le, Na kalaŋ ga ɨŋ gɨl gusɨnɨ bɨge.»

1 Korɛ̰t 1:24

Ama ojɨn̰ cay kan ga Kumu teege le, kan naa Jubɨn̰əŋ wala, kan naa Gɨrɛgn̰əŋ kalɨn̰ ma, Kɨris le na dɔnɔ di da Kumu bɨ cɨn̰-muɗɔlɛ da Kumu bɨ.

Galad 1:16

Bɨ kɨɗɨn̰ ga ban wasɨn̰ cay Kurondi bəŋ, ɗe gɨ ɨŋ na tɨga bɛrnɛ kɔl koyi gɨ ɗari bɨn̰ kalaŋ ga toyge na Jubɨ naŋ le, ɨŋ ɨra gusi ungo pɨna wo̰ ɨngɨrii kɔl naŋ bɨ,