Kɔl-gɨ-Ɗari gɨ Ja̰ wal 12:36 - Gabri Maja

³⁶ Kɨɗɨn̰ ga asɨn̰a baa danagɨŋ ƴee na, kɨŋ bɨga kuduroygɨŋ cay kɨɗɨn̰ ga asɨn̰ gaŋ le, ɗe agɨŋ bɨlɨn̰ karɨn̰-kɨɗɨn̰ ga asɨn̰.» Kɨɗɨn̰ ga Jesu yege kɔl gɨ nee le hɨn̰ wo̰ ɨni na, ban dor gusi coŋ gusɨge wosɨ gusi.

Kɔl-gɨ-Ɗari gɨ Ja̰ wal 12:36 Խաչաձեւ Հղումներ

Matɨyo 21:17

Kardi nee ɨni na, ban ɗege bɨ, andaŋ duroy cay ƴaa-di-gumu dɨŋ coŋ, orɨn̰ a cay gulɔŋ gɨ Betani wolɨn̰ nee.

Matɨyo 5:14

Kɨŋ woy na hɨn̰ asɨn̰a da kalaŋ ga cay gɨsəŋ gaŋ wo̰. Cay ƴaa-di-gumu di woy a cay garma gɨŋ le, kɨɗɨn̰ wɔsɛdo unɔ.

Kɔl-gɨ-Ɗari gɨ Lug wal 16:8

Bɨ ba-gulondi hɨram ba-sɔlɛ kardi hɨnga wɔɔdi gɨ gɨye-lɔɔdi ba ɨra dan̰ durɔ ɗɨngar naŋ le, kɨya wa ban orɨn̰ dan̰ cɨn̰-arɨn̰a. Kɨya wa kalaŋ ga haw kɛ le, leege gɨye dan̰ cɨn̰-arɨn̰a ɗɨn̰ kalaŋ ga somge kɨɗɨn̰ ga asɨn̰ gaŋ.

Kɔl-gɨ-Ɗari gɨ Ja̰ wal 1:7

Ban ɨrga na kɨya lɔɔ tɨmon̰ bɨ. Ban lee na tɨmon̰ da asɨn̰a, ɗe gɨ kalaŋ nɔm na bɨgan̰ge kuduroyge cay asɨn̰a gɨŋ, dan̰ gɨyəŋ gɨ da tɨmon̰ toyi.

Kɔl-gɨ-Ɗari gɨ Ja̰ wal 11:54

Na toy di hɨn̰ wo̰ ma, Jesu ɗe gɔrɛ koyi gɨ cɨn̰-tɨwa dɨŋ duroy Jubɨn̰əŋ gaŋ le baa bɨ, dor gusi orɨn̰ jɨn̰ cay gɨsəŋ ga woy mɨnde dan̰ dal gɨ teeyige Ipɨrayim bɨ, somɨn̰ nee dan̰ ka-aye-cay-tɨbayi.

Kɔl-gɨ-Ɗari gɨ Ja̰ wal 12:37

Jesu lee hɨnga ga ɗɨn̰ cɨn̰-kɨɗɨn̰ gɨɗaŋ duroy kalaŋ ga ni Jubɨn̰əŋ, ama naa hɨn̰ wo̰ kalɨn̰ ma, kan bɨgage kuduroyge cayi naŋ.

Kɔl-gɨ-Ɗari gɨ Ja̰ wal 12:46

Ɨŋ-bandi kɨɗɨn̰ ga asɨn̰ le, ɨŋ ɨrga cay gɨsəŋ gaŋ. Na ɗe gɨ waŋ waŋ gɨ na bɨga kuduroy canɨ na, na kɨya sɔmɛ a duroy dɨlɨm dɨŋ naŋ.

Kɔl-gɨ-Ɗari gɨ Ja̰ wal 3:21

Ama ungo gɨ gɨye-lɔɔdi or pɨna dan̰ kɔl gɨ cɨndi le, kɨya ɔrɛ na cɨn̰-kɨɗɨn̰ ga asɨn̰ gaŋ, ɗe gɨ gɨye-lɔɔdi na wɨya doŋ waŋ, kɨya wa hɨnga ga ban lee le na dan̰ gɨyəŋ gɨ da Kumu.

Kɔl-gɨ-Ɗari gɨ Ja̰ wal 8:12

Jesu jɨga yen̰ dɨmdɨrdi kalaŋ ɗaŋ coŋ yege hɨn̰: «Ɨŋ na asɨn̰a gɨ da kalaŋ ga cay gɨsəŋ gaŋ. Ungo gɨ na kɨba karɨnɨ na, kɨya gɔrɛ duroy dɨlɨm dɨŋ naŋ bɨ, kɨya wɔɔ asɨn̰a gɨ or a kɨɗɨn̰ sɔmɛ-bɨra gɨ dan̰ cɨndi gɨŋ bɨ.»

Kɔl-gɨ-Ɗari gɨ Ja̰ wal 8:59

A cay kɔl nɔm gɨ nee le, kan lobɨge gujulu oru age na worɨn̰iige. Ama Jesu wosɨ gusi bɨ, andaŋ doŋ duroy ƴaa-di-da-Kumu dɨŋ coŋ.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.

1 Tesalonigɨ 5:5

Kɨya wa kɨŋ-gandi nɔm, kɨŋ na karɨn̰ kɨɗɨn̰ asɨn̰a bɨ, karɨn̰ kɨɗɨn̰ ga woli bɨ. Na na kalaŋ ga da son̰do naŋ bɨ, ga da dɨlɨm naŋ bɨ.

1 Tesalonigɨ 5:8

Ama na-gandi ga na kalaŋ ga da kɨɗɨn̰ ga woli le, kuɗa gɨ na ƴɨma gusɨna a cay hɨnga nɔm. Dɨbanagɨŋ badɨge ga ni kɨmbɨl ga na nare gɨ na aye kudurɔ bɨ, geye bɨ le a gusɨnagɨŋ, bɨ jagɨwa ga ni kɨmbɨl gɨ na bɔgɛ ɨrɨmedɨna cay pɔɗɛ gɨŋ le, cayna gɨŋ bɨ.