Galad 5:1 - Gabri Maja

¹ Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.

Galad 5:1 Խաչաձեւ Հղումներ

Matɨyo 23:4

Kan sige dɔnɔ cay kalaŋ, ɗe na kobɨge te gasɨn̰-kɔl kage ga kondi, ga ungo ɓala aye leen̰ gɨye naŋ. Ama kan kalɨn̰ ma, kan̰ge dɔbɛ gɨn̰jɨreyge dḛ wo̰, gɨ ni jogɨge ɗodɨn̰ gasɨn̰-kɔl gɨ nɨn̰e le naŋ.

Kɔl-gɨ-Ɗari gɨ Lug wal 5:38

Ama cɛrɛ di suru gɨ jali le kan beege na boy idili gɨ hɨrɨwa gɨŋ.

Gɨye-lɔɔ 15:10

Hɨn̰ wo̰ na, na kɨya wa ma magɨŋ cɨbɨ cɨn̰ Kumu haw kɛ ga? Hɨnga ga nɨn̰i ga mon̰inagɨŋ wala na-gandi kalɨn̰ ma, na ɓalagɨŋ aye naŋ le, kɛ na mɨna ma mana gɨ aye se a cay ka-aye-cay-tɨbay Jesu ga?

Magtubu di Pol wal bɨn̰ kalaŋ ga Rɔm 6:14

Na cɨndi, ɨsɨna kɨya dɔɔ-ƴaa caygɨŋ naŋ ɨni, kɨya wa kɨŋ na a te dɔnɔ di da gasɨn̰-kɔl gɨ da Moyis dɨŋ naŋ ɨni, ama na ɗarwa di da Kumu ba-dɔɔ-ƴaa caygɨŋ.

Magtubu di Pol wal bɨn̰ kalaŋ ga Rɔm 6:18

Kɨŋ andaŋ a kobi guyɔŋdu di da ɨsɨna gɨŋ coŋ ɨni, lee gɨ kɨŋ bɨle na gɔyɔŋ ga da lɔɔ hɨnga ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 7:3

Na toy di hɨn̰ wo̰ ma, hɨn̰ gɨ hɨndi na ɨra ƴɔɔ bara gɨ ɗaŋ kɨɗɨn̰ ga kudurɔɔ somɨn̰-bɨra dan̰ cɨndi ƴee na, kan kɨya yɔ gɨ hɨndi naa ɗe-lɔɔ kaya. Ama hɨn̰ gɨ kudurɔɔ na mara na, gasɨn̰-kɔl gɨ ba saɗoo pɨna dan̰ kudurɔɔ le, duroŋ caa coŋ. Lee gɨ hɨndi na ɨra ƴɔɔ bara gɨ ɗaŋ kalɨn̰ ma, gasɨn̰-kɔl kɨya yɔ gɨ hɨndi naa tama ɗe kaya naŋ.

Magtubu di Pol wal bɨn̰ kalaŋ ga Rɔm 7:6

Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

Magtubu di Pol wal bɨn̰ kalaŋ ga Rɔm 8:2

Na cɨndi, dɔnɔ di da Turnɔ di da Kumu di ba bəŋ sɔmɛ-bɨra a te bugoŋ pɨna dan̰ Jesu-Kɨris le, dɔrɔŋ coŋ a te dɔnɔ di da ɨsɨna gɨŋ bɨ, tɨma dɨŋ bɨ.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

1 Korɛ̰t 16:13

Sɨmagɨŋ bɨra cay gusɨgɨŋ bɨ, ɨrgɨŋ usa a cay aye kudurɔ gɨŋ bɨ, ƴɨmagɨŋ gusɨgɨŋ ban̰aŋ bɨ, ƴɨmagɨŋ gusɨgɨŋ usa bɨ.

1 Korɛ̰t 7:22

Ungo gɨ tumɔ na guyɔŋ pa dɨm ma Kumu teey ƴee le, bɨləŋ na ungo gɨ da Ba-gulɔŋ gɨ som cay-kalɨn̰. Ungo gɨ tumɔ som cay-kalɨn̰ pa dɨm ma Ba-gulɔŋ teey ƴee le, bɨləŋ na guyɔŋ gɨ da Kɨris.

2 Korɛ̰t 11:20

Hɨn̰ gɨ kan na ɗa dɔnɔ caygɨŋ hɨn̰ gɨ kɨŋ naa gɔyɔŋ wo̰, wala na sɨmage dage kardɨgɨŋ, wala na tɨrage hɨnga a kobɨgɨŋ, wala na sɨlagɨŋge laan̰ hɨnga naŋ, wala na ɨmdɨgɨŋge a cɨndɨgɨŋ na, kɨŋ hay-kuduroygɨŋ cayge.

2 Korɛ̰t 3:17

Ba-gulɔŋ le na Turnɔ di da Kumu, kɨɗɨn̰ ga Turnoy Ba-gulɔŋ woy a nee le, na kɨɗɨn̰ ga ni somɨn̰-dan̰-ca kalɨn̰.

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Galad 3:25

Ama kɨɗɨn̰ ga gɨyəŋ gɨ da aye kudurɔ ɨrga bugoŋ ɨni na, ni na a te ba-sobɨrni gɨŋ naŋ ɨni.

Galad 4:26

Ama Jerusalɛm di woy daa nii gusi Kumu le, na ɗe ƴaa, hɨndi ma na ƴoynagɨŋ.

Galad 4:31

Hɨn̰ wo̰ na, Karmɨnɨ ga ban̰aŋ dan̰ ga kandɨ, na na karɨn̰ tama di ni guyɔŋdi naŋ, ama na na karɨn̰ tama di ɗe ƴaa.

Galad 4:9

Ama haw kɛ na, kɨŋ sol Kumu bɨ, leen̰ cɨndi na, Kumu ba solgɨŋ. Ama na mɨna ma magɨŋ bɨle kɨya lɔɔ gɨye lɔɔ gɨ da tɔgɨn̰əŋ ga a cay gɨsəŋ gaŋ, ga na kula ga ɓalage lɔɔ hɨnga naŋ le ga? Kɛ kɨŋ gey jɔgɛ bɨləŋ gɔyɔŋ kage ɗaŋ coŋ ga?

Galad 5:13

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Epɛs 6:14

Na toy di hɨn̰ wo̰ ma sɨmagɨŋ cay tɨbaygɨŋ dɨŋ, sɔndurɔŋ gɨ ni saɗɨn̰ te wɨrndɨgɨŋ na kɔl gɨ cɨndi bɨ, badɨge ga ni nare kagɨŋ na gɨye-lɔɔ gɨ dan̰ durɔ ɗɨngar bɨ,

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

1 Tesalonigɨ 3:8

Lee gɨ haw kɛ na, turnoyni jɨga gusɨni, kɨya wa kɨŋ ɨre osu te bugoŋ pɨna kogɨŋ dan̰ Ba-gulɔŋ.

2 Tesalonigɨ 2:15

Hɨn̰ wo̰ na, karmɨnɨ ga ban̰aŋ dan̰ ga kandɨ, ƴɨmagɨŋ gusɨgɨŋ usa bɨ, hada di ni loon̰ hɨnga ga ni ba gɨlgɨŋ dan̰ kɨbɨni naŋ le, ga ni ba wal bɨgɨŋ le, ƴɨmagɨŋ kardi usa bɨ.

Əbɨro 10:23

Ɗe gɨ ana gamgɨŋ hɨnga ga na bee ɨrɨmedɨnagɨŋ a cay nee, ma na ye koldɨge le osu. Kɨya wa Kumu gɨ ba-yɔɔ gɨ ɗi na kɨya lɔɔ hɨnga ga ban ye gɨ ɗi na kɨya lɔɔ le, na ba ɨre a cay gasɨndi gaŋ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

1 Pɨyɛr 2:16

Laagɨŋ gɨye-lɔɔ gɨ da kalaŋ ga cayge kalɨn̰. Ama kɨŋ ɗɔɔ ba aye gɔrɛ cay-kalɨn̰ le loon̰ badɨge ga ni tolɨn̰ cay ɨsɨna naŋ. Ama kɨŋ hale gɨybəŋ gɨ kɨŋ naa gɔyɔŋ ga da Kumu naŋ.

2 Pɨyɛr 2:19

Kan ayge tumoyge bɨge yegege hɨn̰ gɨ kan na kɨya andaŋ kɨbɨ guyɔŋdu dɨŋ coŋ, ama kan kalɨn̰ ma na gɔyɔŋ ga da gɨye-lɔɔ gɨ kɨya orɨn̰ dan̰ ungo dɨbii kɨbɨ tɨma dɨŋ. Kɨya wa ungo na guyɔŋ gɨ da hɨnga ga ɗɨn̰ cayi.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.

Wasɨn̰a 2:25

Ama hɨnga ga kɨŋ ba orɨn̰ le, ƴɨmagɨŋ usa bɨrɨŋ gɨsɨn̰ gɨ ɨŋ kɨya cagan̰.

Wasɨn̰a 3:3

Hɨngɨŋ a cay kɔl gɨ tumɔ kɨŋ ba je bɨ a cay gɨyəŋ gɨ kɨŋ ba ƴen̰ kɔl gɨ nee le bɨ. Gamagɨŋ kɔl gɨ nee le bɨ, bɨlgɨŋ haldɨgɨŋ bɨ. Hɨn̰ gɨ kɨŋ na sɨma-bɨra naŋ na, ɨŋ kɨya andaŋ caygɨŋ dus hɨn̰ ba hase wo̰ dan̰ tɨwa di kɨŋ kɨya sɔlɛ caa naŋ.