Galad 3:24 - Gabri Maja

²⁴ Na hɨn̰ wo̰ ma gasɨn̰-kɔl sobɨrni bɨrɨŋ gɨsɨn̰ kɨɗɨn̰ ga Kɨris ɨrga bugoŋ, ɗe gɨ ani na ayɨn̰ kuduroyni kɨya bɨlɨn̰ kalaŋ ga dan̰ durɔ ɗɨngar.

Galad 3:24 Խաչաձեւ Հղումներ

Magtubu di Pol wal bɨn̰ kalaŋ ga Rɔm 10:4

Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.

Magtubu di Pol wal bɨn̰ kalaŋ ga Rɔm 9:30

A cay kɔl gɨ nee gɨŋ le nɔm na, kɛ na wa ma mani kɨya yɔ coŋ ga? Kalaŋ ga toyge na Jubɨ naŋ ga naa malage gɨ ni bɨle kalaŋ ga dan̰ durɔ ɗɨngar naŋ le, bɨlege kalaŋ ga dan̰ durɔ ɗɨngar ɨni. Na dan̰ gɨyəŋ gɨ da aye kudurɔ ma kan bɨləŋge kalaŋ ga dan̰ durɔ ɗɨngar.

1 Korɛ̰t 4:15

Ko hɨn̰ gɨ gɨmdəŋ ga ka-gɨlgɨŋ gɨyəŋ gɨ ni gorɨn̰ te bugoŋ pɨna dan̰ Kɨris naa dubu-mɔjɨ kalɨn̰ ma, kɨŋ-gandi na baygɨŋ na pɨna hayi. Na ɨŋ-bandi pɨna hange ma na baygɨŋ gɨ ba woogɨŋ dan̰ gɨyəŋ gɨ da Kɔl-gɨ-Ɗari gɨ da Jesu-Kɨris le.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 2:19

Kɨya wa ɨŋ na ungo gɨ ɨŋ ma kol cay gasɨn̰-kɔl. Bɨ tɨma di ɨŋ ma le, na kɨya cay gasɨn̰-kɔl gɨ nee le ma kan dɨɗəŋge, ɗe gɨ ɨŋ na sɨma dan̰ cɨnɨ na kɨya leen̰ gɨye bɨn̰ Kumu. Ɨŋ na ungo gɨ kan gagɨlaŋge a cay sɨya-gɨ-dagɨligɨŋ pɨna dan̰ Kɨris coŋ.

Galad 3:25

Ama kɨɗɨn̰ ga gɨyəŋ gɨ da aye kudurɔ ɨrga bugoŋ ɨni na, ni na a te ba-sobɨrni gɨŋ naŋ ɨni.

Kɔlɔs 2:17

Hɨnga ga nee le nɔm woy gɨlɨn̰ na hɨn̰ turnoy hɨnga ga gɨl tumɔ gɨ hɨnga ga ɗari na kɨya ɨrga kardi nee, ama Kɨris mana gusɨge ga leen̰ cɨndi.