Galad 1:4 - Gabri Maja

⁴ Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Galad 1:4 Խաչաձեւ Հղումներ

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 26:28

Kɨya gɨ hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ, bɨ ɗe Kumu ɗen̰ kuduroy jal cay ɨsɨnan̰əŋ kage bɨ.

Matɨyo 26:42

Jesu jogɨ dɔrɛ toyi sɛdɨ walaŋ gɨ ni cay sɔɔdi, bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le, na ɨra sɛdɨ walaŋ gusɨnɨ coŋ, na wɨya nee na, ɗa ɗe woy hɨn̰ gɨ Ji-bandi ji gey wo̰.»

Matɨyo 6:9

Hɨn̰ gɨ kɨŋ na gey ɔlɛ Kumu na, ulayigɨŋ na hɨn̰ wo̰: Bayni gɨ a daa nii, Laa gɨ ɗe gusondɨn̰ woy dan̰ cɨndi,

Marg 10:45

Kɨya wa Kurɨn̰-ungo gusi koyi ɨrga na ɗe gɨ kalaŋ na laayige gɨye koyi naŋ, ama na ɗe gɨ ban na laa gɨye kɨya cayge bɨ, aya gusi bee kɨya bon̰ cay kalaŋ dan̰ kondiige bɨ.»

Kɔl-gɨ-Ɗari gɨ Lug wal 22:19

Kardi nee ban ay dan̰ mapa, leen̰ Kumu ho’o, tumɔ pa dɨm ma ban boy duroy nee bɨge yege hɨn̰: «Mapa gɨ kɛ le, na kuyoŋdi-gusɨnɨ gɨ ɨŋ bɨgɨŋ. Laagɨŋ hɨn̰ wo̰ agɨŋ hɨnɨn̰ canɨ.»

Kɔl-gɨ-Ɗari gɨ Lug wal 22:42

«Banɨ, hɨn̰ gɨ kuduron̰ na gey na, jɨbɨ kobo gɨ ni soon̰ hɨnga ga ni cɨn̰-n̰age ga kɛ le sɛdɨ walaŋ coŋ. Hɨn̰ gɨ ɨrɨme hɨnge na wɨya hɨn̰ wo̰ kalɨn̰ ma, lɔɔ kuduroy geye hɨnge naŋ, ama laa na kuduroy geye kon̰.»

Kɔl-gɨ-Ɗari gɨ Ja̰ wal 10:11

«Ɨŋ-bandi, ɨŋ na ba sɔlɛ kardi gamge gɨ kuɗa. Ba sɔlɛ kardi gamge gɨ kuɗa le, ɗe gusi bɨn̰ tɨma kɨya cay gamge kayi.

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Kɔl-gɨ-Ɗari gɨ Ja̰ wal 5:30

Ɨŋ-bandi, ɨŋ mala na gɨ ni lɔɔ kuduroy geye hɨnge naŋ, ama ɨŋ boy kɔl na dan̰ gɨyəŋdi kɔl gɨ ɨŋ je. Kɔl gɨ ɨŋ boy le na dan̰ gɨyəŋdi, kɨya gɨ ɨŋ mala na lɔɔ hɨnga ga dan̰ kuduroy geye hɨnge naŋ. Ama na dan̰ gɨyəŋ gɨ da kuduroy-geye gɨ da ban gɨ gɨyigəŋ.

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Magtubu di Pol wal bɨn̰ kalaŋ ga Rɔm 1:7

Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 12:2

Kan̰agɨŋ kɔbɛ ɨrɨme gɨ da kalaŋ ga ɨndəŋ ga a cay gɨsəŋ gaŋ kɛ coŋ, ama ɗagɨŋ gusɨgɨŋ bɨn̰ hɨnga-sɔlɛ ga hɨrwa ga Kumu bɨgɨŋ le ɗe bɨlgɨŋ. Na kɨɗɨn̰dɨge ga nee gaŋ le na, kɨŋ kɨya ɓale dɔrɛ cɨn̰ hɨnga ga kuduroy Kumu gey: Gɨ na hɨnga ga ɗari bɨ, hɨnga ga ƴee cɨn̰ Kumu bɨ, hɨnga ga duroŋ cɨrɛɗ bɨ.

Magtubu di Pol wal bɨn̰ kalaŋ ga Rɔm 4:25

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

Magtubu di Pol wal bɨn̰ kalaŋ ga Rɔm 8:27

Ama Kumu gɨ ba kɔbɛ te hɨnga ga woy a kuduroy kalaŋ le, ban ba sɔlɛ-hɨnga ga Turnɔ di da Kumu gey. Kɨya wa hɨnga ga Turnɔ di da Kumu ɨngɨr kɨya cay kalaŋ ga woyge dan̰ cɨndɨge le, hɨndi kɨya ɨngɨre na hɨn̰ gɨ kuduroy Kumu ba gey wo̰.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

1 Korɛ̰t 15:3

Hɨnga ga ɨŋ ba gɨlgɨŋ cay wase tumon̰ hɨnga nɔm le, na hɨnga ga gɨləŋge ɨŋ-bandi cay wase bɨ. Gɨləŋge gɨ Kɨris na ma naa kɨya cay ɨsɨna tɔna, dan̰ te gɨyəŋ gɨ da kɔl gɨ walge duroy Magtubu di da Kumu dɨŋ le.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 6:14

Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ.

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Epɛs 5:16

Kɨŋ na waa gɨyəŋ gɨ ni lɔɔ hɨnga ga ɗari na, laagɨŋ daa bɨrɨŋ bɨrɨŋ. Kɨya wa wɔlɛ gɨ na ba somɨn̰gɨŋ nee haw kɛ le, na wɔlɛ gɨ ɨsɨn.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Epɛs 6:12

Kɨya wa kalaŋ ga na ba kɨya wɔrɨn̰ɛ danage le, na kalaŋ ga ɨndəŋ ga ɨran̰ge dan̰ kuyoŋdi-gusɨge naŋ bɨ, kɨbar naŋ bɨ, ama na dɔnɔ ga ɨsɨndəŋ ga na ka-dɔɔ cay ƴaa bɨ, ka-gulɔŋ hɨnga nɔm bɨ, kɛrɨmbɛlɛŋ ga a duroy dɨlɨm dɨŋ bɨ, turnɔ ga ɨsɨn ga somge gɨɗɨgɨ-Kumu gaŋ bɨ le.

Pilib 4:20

Kuɗa gɨ gusoŋ-tɔgɛ wɨya na kɨya cay Bayna Kumu ɨlge dan̰ ɨlge! Ɗa-ɗe-woy-hɨn̰-wo̰.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 3:11

Kuɗa gɨ Bayni Kumu gusi bɨ, Ba-gulondɨni Jesu bɨ, dɨra tumoyni ɨran̰ danani gusɨgɨŋ.

1 Tesalonigɨ 3:13

Kuɗa gɨ ban laa gɨ ɗugoygɨŋ usa ɗe agɨŋ won̰ kalaŋ ga woy dan̰ cɨndɨge bɨ, kalaŋ ga masadɨge unɔ bɨ, tumoy Bayna Kumu, kɨɗɨn̰ ga Ba-gulondɨna Jesu kɨya ɨrga dan̰ kalaŋ kayi nɔm le. Ɗa-ɗe-woy-hɨn̰-wo̰!

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 2:5

Na cɨndi, wɔlɛ gɨ hɨrɨwa dan̰ gɨye-lɔɔdi gɨ hɨrɨwa gɨ ni ba ye koldɨge le, Kumu dɨbage na te dɔnɔ di da ka-ƴɔbɛ ga daa nii gaŋ naŋ.

Əbɨro 6:5

kan talge kuɗadi kɔl gɨ da Kumu solge dɔnɔdi bɨ, ɨsɨbɨge belin̰əŋ di da dɔɔ-ƴaa da Kumu gɨ ba kɨya caga le haw kɛ solge bɨ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Ja̰ 2:2

Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,

Wasɨn̰a 7:9

Kardi hɨnga nɔm ga nee le, ɨŋ sol dɨmdɨrdi kalaŋ dan̰ kondige ga ungo ɓala ɗɔngɨsɛ naŋ. Kan na kalaŋ ga a te kalaŋ ga ani ani bɨ, te wɨn̰je gɨ ani ani bɨ, te labar gɨ ani ani bɨ, te kɨbɨ wɔɔ gɨ ani ani bɨ. Kan ɨrege dan̰ tɨbayge daa tumoy kali-tɨrɨmbala bɨ, tumoy Kurɨn̰-dɨmangɨ bɨ. Kan tobɨge badɨge ga sɨngɨɗɨdəŋ ga bɛrɛ gusɨge bɨ ƴomge kabɨn̰ mɨlɨn̰ kobɨge bɨ.