Epɛs 5:15 - Gabri Maja

¹⁵ Ɨrɨmgɨŋ kuɗa a cay gɨye-lɔɔdɨgɨŋ gɨŋ. Kɨŋ ɗɔɔ ba lɔɔ hɨnga hɨn̰ kalaŋ ga ɨran̰ge dan̰ cɨn̰-muɗɔlɛ naŋ wo̰ naŋ, ama kɨŋ laa hɨnga hɨn̰ kalaŋ ga muɗoldoŋ wo̰.

Epɛs 5:15 Խաչաձեւ Հղումներ

Matɨyo 10:16

«Jagɨŋ, ɨŋ-bandi ɨŋ kɨya gɨygɨŋ duroy kalaŋ, na hɨn̰ gamge a duroy gaye ga coŋ gaŋ wo̰. Na toy di hɨn̰ wo̰ ma, ɗagɨŋ muɗɔlɛ cay gusɨgɨŋ gɨŋ hɨn̰ kumbulo wo̰ bɨ, ɗagɨŋ gɨ kuduroygɨŋ bɛrɛ-kən̰jəŋ hɨn̰ guu di bɛrɛ-kən̰jəŋ wo̰ bɨ.

Matɨyo 25:2

Duroy kambɨle ga cɨl ga mɔjɨ le, bay na ka-cɨn̰-muɗɔlɛ bɨ, ga bay ɗaŋ na ka-dɨngale bɨ.

Matɨyo 27:24

Kɨɗɨn̰ ga Piladɨ sol gɨ kɔl koyi na andaŋ hɨnga bii naŋ, ama kalaŋ geyge dɨbe do̰ ɨni na, ban ay kaŋ bɨ pɨlɨn̰ kobi cɨn̰ dɨmdɨrdi kalaŋ bɨ, ye hɨn̰: «Kɨbardi ungo gɨ nee le gɨ bɔɔ canɨ naŋ. Na kɔl kogɨŋ kɨŋ-gandi hagɨŋ!»

Matɨyo 27:4

Yen̰ hɨn̰: «Ɨŋ lee ɨsɨna, kɨya gɨ ɨŋ ay cay ungo gɨ dan̰ naji toy dobii kobɨ kalaŋ ɗe na diɗiige.» Ama kan dɨbiige cay nee yeyige hɨn̰: «Ni-gandi na dɨlani naŋ! Na kɔl kon̰!»

Matɨyo 8:4

Kardi nee Jesu yeyi hɨn̰: «Ja kuɗa: Yɔ koldi bɨn̰ ungo haw kɛ ɗe sol gɨ mada le na duroŋ gusɨn̰ naŋ. Ama ɨra gɨle gusɨn̰ a da ka-bɔgɛ kɨbar ɗe kan kobɨge sol kɛ mada le duroŋ gusɨn̰ leen̰ cɨndi haa bɨ ga. Ɨni na, mɨn̰ da orɨn̰ dan̰ hɨnga ga ni n̰ɨre bɨn̰ ka-bɔgɛ kɨbar, hɨn̰ gɨ gasɨn̰-kɔl gɨ da Moyis ba ye ojɨn̰ cay kalaŋ ga mada toge ba duroŋ gusɨge coŋ le, bɨ ba-bɔgɛ kɨbar le kɨya bɔgɛ kɨbar bɨn̰ Kumu. Hɨn̰ wo̰ na, kalaŋ nɔm kɨya sɔlɛge hɨn̰ gɨ mada le na duroŋ gusɨn̰ coŋ bɨ, kan kɨya ɓalege bugoŋ pɨna danan̰ bɨ.»

Kɔl-gɨ-Ɗari gɨ Lug wal 24:25

Ɨni na, Jesu yege hɨn̰: «Ay! Ka-dɨngale ga ɨrɨmedɨgɨŋ nɨn̰e tɔgɨ. Kɨŋ baa bɔgɛ kuduroygɨŋ a cay kɔl nɔm gɨ ka-yɔɔ-kɔl-gɨ-Kumu-ba-yɔɔ ba yege le ga?

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 3:3

Kɛ na mɨna ma gɨrɨn̰ caygɨŋ laa gɨye naŋ wo̰ ga? Tumɔ na kɨŋ lee gɨye na dan̰ Turnɔ di da Kumu, ama haw kɛ na kɨŋ dar na gɨ ni dɨɗe kɨbi cɨrɛɗ na dan̰ togɨygɨŋ ɨni ga?

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Epɛs 5:33

Ama gɨ ni orɨn̰ dan̰ kɔl le tumɔ tɔgɨ naŋ na, kuɗa gɨ waŋ waŋ kalɨn̰ ma gey tamdi hɨn̰ kuyoŋdi-gusi wo̰ bɨ, kɨŋ-gandi kandɨ kalɨn̰ ma kɨŋ bɨgan̰ kodɨn̰igɨŋ kɔl bɨ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

Kɔlɔs 4:5

Sɨmagɨŋ dan̰ cɨn̰-muɗɔlɛ a duroy kalaŋ ga na ka-aye kudurɔ naŋ. Kɨɗɨn̰ ga kɨŋ na waa gɨyəŋ gɨ ni loon̰ hɨnga ga ɗari na laagɨŋ daa bɨrɨŋ bɨrɨŋ.

1 Tesalonigɨ 5:15

Ɗagɨŋ muɗɔlɛ a cay gusɨgɨŋ gɨŋ ɗɔɔ gɨ ungo jogɨn̰ dan̰ ɨsɨna ban̰di ɨsɨna bɨn̰ mɨgay daa naŋ, ama kɨŋ mala gɨyəŋ gɨ ni lɔɔ hɨnga ga ɗari dan̰ tɨwa nɔm duroygɨŋ bɨ, kol cay kalaŋ nɔm bɨ.

1 Timote 6:9

Ama kan ga geyge wɔɔ hɨnga tɔgɨ le, kɨya bugoŋge a boy boy di da hɨnga ga ni gɨybe gaŋ bɨ. Kɨya bugoŋge boy kondɨwadi tabɨlaŋ da hɨnga ga ni dɨngale ga dɨmbɨri gaŋ bɨ, ga na hɨnga ga kɨya mɔndɛ ungo muɗɔgɨ muɗɔgɨ coŋ bɨ, bogɨge kayaŋ bɨ.

Əbɨro 12:25

Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Magtubu di Jag wal 3:13

Kɛ na waŋ duroygɨŋ ma na ungo gɨ tɨdi hangaŋ bɨ, muɗol bɨ ga? Kuɗa gɨ ban gɨl hɨnga ga nee le, dan̰ gɨye-lɔɔdi gɨ kuɗa bɨ, dan̰ gɨye-lɔɔdi gɨ or dan̰ durɔ kuɗa bɨ, dan̰ gɨye-lɔɔdi gɨ da kale di gɨ jal jɔm bɨ, dan̰ cɨn̰-muɗɔlɛ koyi gɨ sayga a daa nii le cɨn̰ kalaŋ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»