Epɛs 1:10 - Gabri Maja

¹⁰ Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Epɛs 1:10 Խաչաձեւ Հղումներ

Matɨyo 25:32

Te wɔɔ gɨ da kalaŋ nɔm kɨya dayaŋge tumoyi. Ban kɨya dɔrɛ cɨndɨge hɨn̰ ba sɔlɛ kardi gamge ba dorɨn̰ cɨn̰ gamge dan̰ uye wo̰.

Marg 1:15

«Wɔlɛ gɨ ojɨ ɓal ɨni, lee gɨ dɔɔ-ƴaa di da Kumu bugoŋ mɨnde. Bɨlgɨŋ gɨye-lɔɔdɨgɨŋ bɨ, bɨgagɨŋ kuduroygɨŋ a cay Kɔl-gɨ-Ɗari gɨŋ bɨ.»

1 Korɛ̰t 10:11

Hɨnga ga nee le nɔm andaŋ cayge ɗe na won̰ sɨman̰ bɨ, walge dugo duroy magtubu dɨŋ ɗe na sog sɨmayna na-gandi ga na ba woy kɨbɨ kagadi wɔlɛ gɨŋ bɨ.

1 Korɛ̰t 11:3

Ama hɨnga ga ɨŋ gey gɨ kɨŋ na sɨla duroyge ba kɛ: Kɨris na ba-cay bara bɨ, bara na ba-cay tama bɨ, Kumu na ba-cay Kɨris bɨ.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Epɛs 1:22

Ho’o, Ban dobɨ hɨnga nɔm a te tɨrɨmbala di da Kɨris dɨŋ, Bɨ ayi leeyi ba-cay hɨnga nɔm, Gɨ da Ka-Daye.

Epɛs 2:15

Dan̰ gɨyəŋ gɨ da tɨmaydi na, Jesu lee gɨ na kɔbɛ gɨ da gasɨn̰-kɔl bɨ, te tumɔ bɨ, naa ba kɨya lɔɔ gɨ Kumu na kɨya ƴomna gusi naŋ. Ban lee hɨnga ga nee le, ɗe Jubɨn̰əŋ bɨ, kalaŋ ga toyge na Jubɨ naŋ bɨ, na bɨləŋge te kalaŋ ga hɨrɨwa ga bugoŋge pɨna dan̰ Kɨris bɨ, ɗe gusi-dɔbɛ na woy duroyge bɨ.

Epɛs 3:15

Kumu na te wɔɔ gɨ da kalaŋ pɨna pɨna nɔm bayge, ga gɨɗɨgɨ-Kumu gaŋ bɨ, ga cay gɨsəŋ gaŋ bɨ.

Epɛs 3:2

Aye gɨ Kumu ayaŋ leen̰ gɨye kol caygɨŋ dan̰ kuduroy-ɗarwa toyi le, kɨŋ je koldi.

Kɔlɔs 1:16

Leen̰ cɨndi na, Kumu ɗe hɨnga nɔm Ga gɨɗɨgɨ-Kumu gaŋ bɨ, ga a cay gɨsəŋ gaŋ bɨ. Ban lee hɨnga ga kalaŋ ɓalge sɔlɛ dan̰ tɨdɨge bɨ, hɨnga ga kalaŋ ɓalage sɔlɛ dan̰ tɨdɨge naŋ bɨ, na dan̰ gɨyəŋ gɨ da Kurondi. Ga na kali-tɨrɨmbalan̰əŋ bɨ, Hɨnga nɔm ga orɨn̰ dan̰ dɔnɔ dan̰ tɨrɨmbala bɨ, Dɔnɔ ga ka-dɔɔ cay ƴaan̰əŋ bɨ, Kalaŋ ga gusondɨge ye bɨ. Kumu ɗege nɔm na dan̰ gɨyəŋ gɨ da Kurondi bɨ, Na kol cayi ban bɨ.

Kɔlɔs 1:20

Ɗe hɨnga nɔm ga gɨɗɨgɨ-Kumu gaŋ bɨ, Ga cay gɨsəŋ gaŋ bɨ, Jɨga bugoŋge pɨna danayi, Dan̰ gɨyəŋ gɨ da kurondi bɨ. Na dan̰ gɨyəŋ gɨ da kɨbardi kurondi, Gɨ bugoŋ dugo a cay sɨya-gɨ-dagɨli gɨŋ, Le ma gusi-dɔbɛ woy.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Əbɨro 11:40

Kɨya wa ayɨn̰ toy tumɔ hayi Kumu ojɨ hɨnga ga kuɗa ɗɨn̰ kol cay nagɨŋ. Na toy di hɨn̰ wo̰ ma, ban gey gɨ kalaŋ ga nee le na bɨləŋge kuɗa duroŋ cɨrɛɗ dɨle na-gandi naŋ. Ama ban gey gɨ na na bugoŋgɨŋ pɨna a nee.

Əbɨro 9:10

Gɨyəŋdi n̰ɨre gɨ nee le, ojɨ na cay hɨnga ga ni dɔɔ bɨ, hɨnga ga ni sɔɔ bɨ, pɨle gusɨn̰ gɨ toyi kan̰di kan̰di gɨ dorɨn̰ kalaŋ mɨra ƴɔbɨ bɨ. Hada di nee le ojɨ na cay hɨnga ga ni kuyoŋdi-gusi ungo doŋ kɛ ƴɔbɨ bɨ, kan kɨya loon̰ gɨye bɨrɨŋ gɨsɨn̰ tɨwa di Kumu kɨya bɨle te hɨnga ga nee le.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,