Gɨye-lɔɔ 8:12 - Gabri Maja

¹² Ama kɨɗɨn̰ ga Pilib tee bɛrnɛ di da Jesu-Kɨris bɨ di da dɔɔ-ƴaa di da Kumu bɨ na, kalaŋ ga Samari beege kuduroyge a cay Kɔl-gɨ-Ɗari gɨŋ. Lee gɨ ban̰aŋ bɨ, kandɨ bɨ, ɨrgage gusi ɗe ban na leege batɛm nɔm.

Gɨye-lɔɔ 8:12 Խաչաձեւ Հղումներ

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Kɔl-gɨ-Ɗari gɨ Lug wal 9:2

Ban gɨyge kan na ɨra tɨga bɛrnɛ Kɔl-gɨ-Ɗari gɨ ojɨ cay dɔɔ-ƴaa di da Kumu bɨ, kan na pɨɗan̰ ka-hɔmɨn̰ɛ bɨ.

Kɔl-gɨ-Ɗari gɨ Lug wal 9:60

Jesu jɨga dɨbii cay nee hɨn̰: «Ɗa kalaŋ ga woyge hɨn̰ kalaŋ ga madɨrdaŋ wo̰ tumoy Kumu le, ɗe ɨmgege tɨma toge. Ama ji bandi na, ji ɨra tɔgɛ bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨn̰ kalaŋ.»

Gɨye-lɔɔ 1:3

Na kan ga nee le ɗaŋ coŋ ma ban gɨl gusi bɨge ɓal wɔlɛ toyi-poɗɨn̰ bɨ, leen̰ hɨnga ga ɗaŋ kardi tɨmaydi dɨŋ bɨ, gɨlge gɨ ɗi na som dan̰ cɨndi bɨ, ɗi na lee gɨ kan na soliige bɨ, arɨn̰ kɔl danage ojɨn̰ cay dɔɔ-ƴaa di da Kumu bɨ.

Gɨye-lɔɔ 11:20

Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 18:8

Ba-sɔmɛ a cay ƴaa-daye-di-da-Jubɨn̰əŋ gɨ gusondi na Kɨrispus le, ay kuduroy bɨn̰ Ba-gulɔŋ dan̰ ka-ƴaadi nɔm. Kondɨwadi kalaŋ ga Korɛ̰t ga ba jege kɔl gɨ da Pol le, ayge kuduroyge bɨ, leegege batɛm bɨ.

Gɨye-lɔɔ 19:5

Kɨɗɨn̰ ga kan jege kɔl gɨ da Pol ɨni na, kan leegege batɛm dan̰ guson̰ Ba-gulɔŋ Jesu.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 20:25

«Haw kɛ na, ɨŋ sol kuɗa gɨ kɨŋ-gandi nɔm ga ɨŋ gor duroygɨŋ teen̰ bɛrnɛ kɔl gɨ ojɨn̰ cay dɔɔ-ƴaa gɨ da Kumu le, kɨŋ kɨya sɔlɛ cɨnɨ naŋ bɨrɨŋ ɨni.

Gɨye-lɔɔ 28:31

Ban tee bɛrnɛ di da dɔɔ-ƴaa di da Kumu bɨ, gɨlɨn̰ kalaŋ kɔl gɨ ojɨ cay Ba-gulɔŋ Jesu-Kɨris dan̰ kuduroy ga pɨna bɨ, ungo pɨna naray cay nee naŋ bɨ.

Gɨye-lɔɔ 5:14

Kondɨwadi kalaŋ ayge kuduroyge bɨn̰ Ba-gulɔŋ Jesu, ban̰aŋ bɨ, kandɨ bɨ, bugoŋge cay kamdɨge gaŋ jɨn̰ nee nee.

Gɨye-lɔɔ 8:4

Ka-aye kudurɔ ga ba busdoŋge le orge dan̰ kɨɗɨn̰ kɨɗɨn̰ kɨya tɔgɛ bɛrnɛ Kɔl-gɨ-Ɗari.

Magtubu di Pol wal bɨn̰ kalaŋ ga Rɔm 10:10

Kɨya wa na dan̰ gɨyəŋ gɨ da aye kudurɔ gɨ woy a ɗugoy ungo le ma Kumu bɨlɨn̰ ungo leen̰ gɨ dan̰ durɔ ɗɨngar a cɨndi bɨ, na dan̰ gɨyəŋ gɨ da kɔl gɨ andaŋ a kɨbi le ma Kumu poɗii bɨ.

1 Korɛ̰t 11:11

Hɨnga ga nee le nɔm na cɨndi, ama gɨ dan̰ gɨyəŋ gɨ Ba-gulɔŋ ɗe na, dɨle bara na tama unɔ bɨ, dɨle tama na bara unɔ bɨ.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.