Gɨye-lɔɔ 7:25 - Gabri Maja

²⁵ Ban ɨrɨm hɨn̰ gɨ karmii na kɨya sɔlɛge hɨn̰ gɨ Kumu na ba gɨygii gɨ ni poɗɨge dan̰ gɨyəŋ koyi. Ama kan sɨlage toyi hɨn̰ wo̰ naŋ.

Gɨye-lɔɔ 7:25 Խաչաձեւ Հղումներ

Marg 9:32

Ama ka-aye-cay-tɨbayi sɨlage duroy kɔl gɨ nee le naŋ bɨ, hɨndarge ɨngɨrii kɔl bɨ.

Kɔl-gɨ-Ɗari gɨ Lug wal 18:34

Ama ka-aye-cay-tɨbayi sɨlage duroy kɔl le naŋ. Kɨya wa na kɔl gɨ cɨndɨge hangaŋ cay nee naŋ. Ban ye na koldi wa kalɨn̰ ma kan sɨla duroy naŋ.

Kɔl-gɨ-Ɗari gɨ Lug wal 9:45

Ama kan sɨlage te kɔl le naŋ. Kɨya wa na kɔl gɨ saɗi, ɗe kan na dɨle sɔlɛ duroyi. Ama kan hɨndarge ɨngɨrii te kɔl le.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 15:4

Kɨɗɨn̰ ga kan bugoŋge a cay ƴaa-di-gumu di Jerusalɛm dɨŋ ɨni na, Ka-Daye bɨ, ka-gɨre-gɨye bɨ, kan ga muɗoldoŋ bɨ, ƴomgege gusɨge. Bɨ kan dor kol hɨnga nɔm ga Kumu ba lee dan̰ gɨyəŋ koge le, dɨbɨge sɨmayge.

Gɨye-lɔɔ 15:7

Kɨɗɨn̰ ga kan man̰ge kɔl ɨl pɨvb ɨni na, Pɨyɛr say daa duroyge bɨ yege hɨn̰: «Karmɨnɨ, kɨŋ sol gɨ Kumu dɔrɔŋ karɨnɨ sɨngɨɗɨ cay wase duroygɨŋ bɨ, gɨyəŋ gusi kalaŋ ga toyge na Jubɨ naŋ, ɗe gɨ kan na jan̰ bɛrnɛ di da Kɔl-gɨ-Ɗari gɨ kɨya andaŋ kɨbɨnɨ bɨ, bɨgan̰ge kuduroyge cay nee.

Gɨye-lɔɔ 21:19

Pol leege lapɨya bɨ, ban dorge kol hɨnga nɔm ga Kumu lee dan̰ gɨyəŋ gɨ da gɨye koyi, a duroy kalaŋ ga toyge na Jubɨ naŋ.

Gɨye-lɔɔ 7:24

Kɨɗɨn̰ ga ban or ɨni na, ban sol kurɨndi gɨ pɨna wo̰ gɨ ungo gɨ Ejɨpt ɨre gɨlii-cɨn̰. Ban de ungo gɨ nee le dɨɗii gojɨn̰ baa di da kurɨndi gɨ kan leeyige ɨsɨna le.

Gɨye-lɔɔ 7:26

Ɗaŋdo ɨni na, Moyis way karmii ga ni Ɨsɨrayɛl won̰ge sɔɔ worɨn̰ge dan̰ gusɨge. Ban ɨrga gusɨge kɨya bogɨge-dugo yege hɨn̰: “Ka-pogɨn̰ɨnɨ, kɨŋ na karme ama na kɨya wa ma magɨŋ leen̰ gusɨgɨŋ ɨsɨna wo̰ ga?”

Magtubu di Pol wal bɨn̰ kalaŋ ga Rɔm 15:18

Na cɨndi, hɨn̰ gɨ ɨŋ na mala yɔɔ kɔl a cay hɨnga na, na a cay hɨnga ga Kɨris lee kol canɨ ƴɔbɨ, ma maŋ kɨya yɔɔ kɔl cay nee. Dan̰ gɨyəŋ hɨnge na, ban lee gɨ kalaŋ ga toyge na Jubɨ naŋ jege kɔl kɨbɨ Kumu. Ban lee hɨnga ga nee le na dan̰ kɔl bɨ gɨye bɨ,

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

1 Korɛ̰t 3:9

Kɨya wa ni lee gɨye na pɨna boy gɨye gɨ da Kumu gɨŋ bɨ, kɨŋ na yage gɨ da Kumu bɨ. Kɨŋ na ƴaa gɨ Kumu ba ɗɔɔ bɨ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.