Gɨye-lɔɔ 3:22 - Gabri Maja

²² Kɨya wa tumɔ Moyis ye hɨn̰: “Ba-gulɔŋ Kumu kɨya gɨygɨn̰, Dan̰ ba-yɔɔ-kɔl-gɨ-Kumu-ba-yɔɔ, Gɨ hɨn̰ ɨŋ-bandi wo̰ bɨgɨŋ. Ban na ungo gɨ pɨna duroygɨŋ. Kɨŋ kɨya jɔɔ kɔl nɔm gɨ ban kɨya yogɨŋ, Agɨŋ na leen̰ hɨngadɨge.

Gɨye-lɔɔ 3:22 Խաչաձեւ Հղումներ

Matɨyo 21:11

Ɨni na, dɨmdɨrdi kalaŋ dɨbɨgege cay nee yegege hɨn̰: «Na Jesu ba-yɔɔ-kɔl-gɨ-Kumu-ba-yɔɔ, gɨ sayga Najarɛt di woy a cay gɨsəŋ ga Galile gaŋ.»

Kɔl-gɨ-Ɗari gɨ Lug wal 13:33

Ɨŋ kɨya ɔrɛ dan̰ cɨnɨ tumɔ jɨn̰ Jerusalɛm labɨde gaɗ gaɗ bɨ, wan̰do bɨ, ɗaŋ do bɨ, kɨya gɨ ba-yɔɔ-kɔl-gɨ-Kumu-ba-yɔɔ le, ɓala gɨ kan kɨya dɨɗiige kɨɗɨn̰ ga ɗaŋ gaŋ naŋ, ama na a Jerusalɛm.”

Kɔl-gɨ-Ɗari gɨ Lug wal 24:19

Jesu dɨbɨge cay nee yege hɨn̰: «Na wa ba lɔɔ hɨnga ga?» Kan jɨga dɨbiige cay nee yeyge hɨn̰: «Na hɨnga ga andaŋ a cay Jesu gɨ Najarɛt! Ban na ba-yɔɔ-kɔl-gɨ-Kumu-ba-yɔɔ. Kumu dan̰ kalaŋ nɔm solge hɨn̰ gɨ ban na lee gɨye bɨ, ye kɔl bɨ, dan̰ dɔnɔ.

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 12:46

Ɨŋ-bandi kɨɗɨn̰ ga asɨn̰ le, ɨŋ ɨrga cay gɨsəŋ gaŋ. Na ɗe gɨ waŋ waŋ gɨ na bɨga kuduroy canɨ na, na kɨya sɔmɛ a duroy dɨlɨm dɨŋ naŋ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 8:12

Jesu jɨga yen̰ dɨmdɨrdi kalaŋ ɗaŋ coŋ yege hɨn̰: «Ɨŋ na asɨn̰a gɨ da kalaŋ ga cay gɨsəŋ gaŋ. Ungo gɨ na kɨba karɨnɨ na, kɨya gɔrɛ duroy dɨlɨm dɨŋ naŋ bɨ, kɨya wɔɔ asɨn̰a gɨ or a kɨɗɨn̰ sɔmɛ-bɨra gɨ dan̰ cɨndi gɨŋ bɨ.»

Gɨye-lɔɔ 7:37

Na ban Moyis ɗaŋ coŋ ba yon̰ te wɨn̰je gɨ da Ɨsɨrayɛln̰əŋ kɔl gɨ ba kɛ le. Ban yege hɨn̰: “Kumu kɨya andɨn̰ dan̰ ba-yɔɔ-kɔl-gɨ-Kumu-ba-yɔɔ gɨ hɨn̰ ɨŋ-bandi wo̰ a duroy karmɨgɨŋ gaŋ, kɨya bɨgɨŋ.”

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Magtubu di Pol wal bɨn̰ kalaŋ ga Rɔm 9:5

Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Əbɨro 2:1

Na toy di hɨn̰ wo̰ ma, ojɨ gɨ kɔl gɨ tumɔ na ba jegɨŋ dan̰ sɨmaynagɨŋ le, kuɗa gɨ ana aygɨŋ leen̰ hɨnga ga ni sɔrɛ naŋ, ɗe ana curoŋgɨŋ te gɨyəŋ gɨ ɗari gɨŋ coŋ naŋ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Wasɨn̰a 1:1

Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.