Gɨye-lɔɔ 2:47 - Gabri Maja

⁴⁷ Kan hɨramge Kumu bɨ, kan ƴeege cɨn̰ kalaŋ nɔm nee bɨ. Ɨni na, kan ga ban poɗɨge le, Ba-gulɔŋ ɨrgan̰ danage beege cay kamdɨge ga ka-daye gusɨge le, dan̰ wɔlɛ pɨna pɨna.

Gɨye-lɔɔ 2:47 Խաչաձեւ Հղումներ

Kɔl-gɨ-Ɗari gɨ Lug wal 19:48

Ama kan sɨla hɨnga ga kan kɨya lɔɔ naŋ. Kɨya wa kalaŋ nɔm somge jege kɔl koyi dan̰ kuduroyge ga pɨna.

Kɔl-gɨ-Ɗari gɨ Lug wal 2:52

Jesu malgɨ jɨn̰ tumɔ tumɔ bɨ, cɨn̰-muɗɔlɛ koyi say cay mɨgayi gɨŋ jɨn̰ tumɔ tumɔ bɨ. Ban ƴee cɨn̰ Kumu bɨ, ƴee cɨn̰ kalaŋ nee bɨ.

Gɨye-lɔɔ 11:21

Dɔnɔ da Ba-gulɔŋ baa danage, lee gɨ kalaŋ kondɨ ayge kuduroyge bɨ, bɨlege gusɨge gusi Ba-gulɔŋ bɨ.

Gɨye-lɔɔ 11:24

Kɨya wa Barnabas na ungo gɨ kuɗa bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ, aye kudurɔ koyi man̰edi unɔ bɨ. Na toy di hɨn̰ wo̰ ma, kondɨwadi kalaŋ beege kuduroyge cay Ba-gulɔŋ bɨ, dayaŋge dan̰ ka-aye kudurɔ bɨ.

Gɨye-lɔɔ 13:48

Kɨɗɨn̰ ga kalaŋ ga toyge na Jubɨ naŋ ba jege kɔl gɨ nee le na, kan say leege gusi-mɔwa bɨ, hɨramge kɔl gɨ da Ba-gulɔŋ Kumu bɨ. Kan nɔm ga Kumu torge ɗe gɨ kan na waa sɔmɛ-bɨra gɨ dan̰ cɨndi le, ayge kuduroyge.

Gɨye-lɔɔ 14:1

Hɨnga ga nee le, lee gusɨge ɗaŋ coŋ a duroy cay ƴaa-di-gumu di Ikonɨyɔm dɨŋ: Pol dan̰ Barnabas andaŋge boy ƴaa-daye-di-da-Jubɨn̰əŋ bɨ, dorge kɔl gɨ lee gɨ Jubɨn̰əŋ dan̰ kondɨge bɨ, Gɨrɛgn̰əŋ dan̰ kondɨge bɨ, an̰ge kuduroyge.

Gɨye-lɔɔ 14:21

Pol dan̰ Barnabas teege bɛrnɛ Kɔl-gɨ-Ɗari a boy cay ƴaa-di-gumu di Dɛrbɨ. Kan leege gɨ kalaŋ kondɨ bɨləŋge ka-aye-cay-tɨbay Jesu. Kardi nee ɨni na, kan bɨlege jogɨge a Listɨr bɨ, Ikonɨyɔm bɨ, Antɨyɔs di woy a cay gɨsəŋ ga Pisidi gaŋ bɨ.

Gɨye-lɔɔ 16:5

Kalaŋ ga a duroy Ka-Dayen̰əŋ gaŋ ɨrege osu a cay aye kudurɔ koge gɨŋ bɨ, kondɨwayge say cay kamdɨge gaŋ dan̰ wɔlɛ pɨna pɨna bɨ.

Gɨye-lɔɔ 17:12

Kalaŋ kondɨ duroyge bɨlege ka-aye kuduroyge bɨn̰ Jesu. Duroy Gɨrɛgn̰əŋ ga ay kuduroyge le, kandɨ ga gusondɨge ye bɨ, ban̰aŋ bɨ kondɨ woyge danage nee bɨ.

Gɨye-lɔɔ 2:39

Kɨya wa Kumu ye gɨ ɗi na kɨya bee Turnɔ ɗe-kuduroy-bɛrɛ di nee le, naa kɨya caygɨŋ bɨ, kɨya cay karɨndɨgɨŋ bɨ, kɨya cay kalaŋ nɔm ga woyge kɨɗɨn̰ ga hen̰ gaŋ bɨ, kɨya waŋ waŋ gɨ Ba-gulɔŋ Kumu kɨya togii bɨ.»

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 4:21

Ka-bɔyɛ kɔl jɨgage teegege gɨm ɗaŋ coŋ, pa dɨm ma jɨga ɗegege daa ƴee. Kan waage gɨyəŋ gɨ ni dɨbɨn̰ kɔl cayge naŋ. Kɨya wa kalaŋ nɔm hɨramge Kumu kɨya cay hɨnga ga ba lee gusɨge le.

Gɨye-lɔɔ 4:33

Ka-gɨre-gɨye dorge te kɔl leen̰ tɨmon̰ bɔyɛ lɨbe gɨ da Ba-gulɔŋ Jesu, dan̰ dɔnɔ di gumu bɨ kan nɔm le, Kumu lee ɗarwa danage tɔgɨ bɨ.

Gɨye-lɔɔ 4:4

Duroy kalaŋ ga jege kɔl gɨ da ka-gɨre-gɨye le, kondɨwadɨge ayge kuduroyge. Kalaŋ ga ba ayge kuduroyge le, ɓalge hɨn̰ dubu-bay wo̰.

Gɨye-lɔɔ 6:1

Boy wɔlɛdi gɨ nee le, ka-aye-cay-tɨbay Jesu kondɨwayge say cay kamdɨge gaŋ jɨn̰ tumɔ tumɔ. Ɨni na, kɔl ba duroy kalaŋ ga ni Jubɨ ga ka-yɔɔ kɨbɨ Gɨrɛg, dan̰ Jubɨ ga ka-yɔɔ kɨbɨ əbɨro. Kɨya wa kan ga ka-yɔ kɨbɨ Gɨrɛg le, yege hɨn̰ kɨɗɨn̰ ga tɨwa di ni gosɨnɨn̰ hɨnga ga ni dɔɔ ga dan̰ wɔlɛ pɨna pɨna na ɓala ɨni na, kan na laan̰ dan̰ kandɨ kage ga kodɨn̰ige mage kuɗa naŋ.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Gɨye-lɔɔ 9:31

Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

Gɨye-lɔɔ 9:35

Kɨɗɨn̰ ga kalaŋ nɔm ga boy cay ƴaa di Lida bɨ, ga a wɔlwa gɨ Saro̰ gɨŋ bɨ, solge ɨni na, bɨlege gusɨge gusi Ba-gulɔŋ.

Magtubu di Pol wal bɨn̰ kalaŋ ga Rɔm 14:18

Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

Magtubu di Pol wal bɨn̰ kalaŋ ga Rɔm 8:30

Kalaŋ ga Kumu ojɨ ɗe na gɨlɨn̰ge dan̰ Kurondi wo̰ le, ban teege bɨ. Kalaŋ ga ban teege le, ban bɨlge leen̰ ga dan̰ durɔ ɗɨngar bɨ. Kalaŋ ga ban bɨlge leen̰ ga dan̰ durɔ ɗɨngar le, ban bɨge gusoŋ-tɔgɛ koyi bɨ.

Magtubu di Pol wal bɨn̰ kalaŋ ga Rɔm 9:27

Gɨ ojɨ cay te wɨn̰je gɨ da Ɨsɨrayɛl na, ba-yɔɔ-kɔl-gɨ-Kumu-ba-yɔɔ Ijay naa ye ojɨn̰ cayge wɨlalɨn̰ ye hɨn̰: «Hɨn̰ gɨ te wɨn̰je gɨ da Ɨsɨrayɛl kondɨwayge, Na wɨya naa hɨn̰ kɨlay gɨ kɨbɨ kuray, Gɨ gumu taa taa gɨŋ wo̰ kalɨn̰ ma, Kan ga Kumu ba kɨya poɗɨge le, na kɨwayge ƴɔbɨ.

1 Korɛ̰t 1:18

Na cɨndi, kɔl gɨ ojɨ cay tɨma di Jesu ma a cay sɨya-gɨ-dagɨli gɨŋ le, na kɔl gɨ woy dɨngal na kɨya cay kan ga kɨya mundoŋ coŋ, ama na dɔnɔ di da Kumu kɨya cayna na-gandi ga na poɗɨ.