Gɨye-lɔɔ 2:22 - Gabri Maja

²² «Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Gɨye-lɔɔ 2:22 Խաչաձեւ Հղումներ

Matɨyo 12:28

Ama naa dan̰ Turnɔ di da Kumu ma maŋ na tayan̰ turnɔn̰əŋ ga ɨsɨndəŋ na, dɔɔ-ƴaa di da Kumu ɨrga waygɨŋ ɨni.

Matɨyo 2:23

Ban or sɔmɛ a cay ƴaa-di-gumu di pɨna wo̰ di toge na Najarɛt, lee gɨ kɔl gɨ ka-yɔɔ-kɔl-gɨ-Kumu-ba-yɔɔ ba yege le or kɨɗɨn̰di gaŋ. Kan yege hɨn̰: «Kan kɨya togii na ungo gɨ Najarɛt.»

Matɨyo 9:8

Kɨɗɨn̰ ga dɨmdɨrdi kalaŋ solge hɨnga ga nee le na, hundɔrɔ gɨ gumu leege bɨ, kan hɨramge Kumu kɨya gɨ ban bɨn̰ kalaŋ dɔnɔ di hɨn̰ wo̰ bɨ.

Kɔl-gɨ-Ɗari gɨ Lug wal 11:20

Ama naa dan̰ dɔnɔ di da Kumu ma maŋ na tayan̰ turnɔn̰əŋ ga ɨsɨndəŋ na, dɔɔ-ƴaa di da Kumu ɨrga waygɨŋ ɨni.

Kɔl-gɨ-Ɗari gɨ Lug wal 18:37

Kalaŋ le jɨga dibiige cay nee yeyige hɨn̰: «Na Jesu gɨ Najarɛt ba pɨde.»

Kɔl-gɨ-Ɗari gɨ Lug wal 24:18

Ban gɨ pɨna gɨ teeyige Kɨlopas dɨbii cay nee hɨn̰: «Kɛ, na ji ban pɨna han̰ ma na kɨrga gɨ cay ƴaa-di-gumu di Jerusalɛm gɨ ja kol hɨnga ga ba andaŋ a boy wɔlɛ gɨ kɛ gɨŋ le naŋ ga?»

Kɔl-gɨ-Ɗari gɨ Ja̰ wal 1:45

Pilib way Natanɨyɛl bɨ, yeyi hɨn̰: «Ni way ban gɨ kan walge koldi, ɗe duroy magtubu Gasɨn̰-kɔl gɨ da Moyis gɨŋ bɨ, duroy magtubu da ka-yɔɔ-kɔl-gɨ-Kumu-ba-yɔɔ gɨŋ bɨ le. Na Jesu kurɨn̰ Jɨsɛb gɨ Najarɛt.»

Kɔl-gɨ-Ɗari gɨ Ja̰ wal 10:37

Hɨn̰ gɨ ɨŋ na laa gɨye nɔm gɨ da Banɨ naŋ na, bɔgɛgɨŋ kuduroyigɨŋ canɨ naŋ.

Kɔl-gɨ-Ɗari gɨ Ja̰ wal 11:47

Ɨni na, ka-cay ka-bɔgɛ kɨbar ga gɨmdəŋ bɨ, Parɨsɨn̰an̰əŋ bɨ, dayge cay ka-cay ka-bɔyɛ kɔl kage ga gɨmdəŋ daa bɨ, yege hɨn̰: «Kɛ, na kɨya lɔɔgɨŋ na mɨna ga? Kɨya wa ungo gɨ nee le, lee hɨnga ga ɗɨn̰ cɨn̰-kɨɗɨn̰ dan̰ kondiige.

Kɔl-gɨ-Ɗari gɨ Ja̰ wal 12:17

Dɨmdɨrdi kalaŋ ga ɨrege dan̰ Jesu kɨɗɨn̰ ga ban te Lajar ɗe na andɨgaŋ doŋ duroy umboŋ garma gɨ habɨlge gɨŋ bɨ, boyi lɨbii duroy kan ga madɨrdaŋ gaŋ le, leege tɨmon̰ di da hɨnga ga kan solge.

Kɔl-gɨ-Ɗari gɨ Ja̰ wal 15:24

Tumɔ ɨŋ ni na laa gɨye nɔm gɨ ungo gɨ ɗaŋ laa duroyge naŋ ƴee na, kɔl ni kɨya ƴɔmɛ cayge naŋ. Ama haw kɛ na, kan solge gɨye-lɔɔnɨ nɔm dan̰ cɨndɨge bɨ, kan ƴomnige ɨŋ-bandi bɨ Banɨ bɨ dan̰ kuduroyge cɨndɨge tumɔ tumɔ.

Kɔl-gɨ-Ɗari gɨ Ja̰ wal 19:19

Piladɨ wal kɔl boy sɨya gɨ habɨli gɨŋ de a cay sɨya-gɨ-dagɨli gɨŋ le. Kɔl gɨ kan ba walge le ba kɛ: «Na Jesu gɨ Najarɛt, kɨlma gɨ da Jubɨn̰əŋ.»

Kɔl-gɨ-Ɗari gɨ Ja̰ wal 3:2

Ban ɨrga dan̰ son̰do wan̰ Jesu bɨ, yey hɨn̰: «Ba-gɨlɨn̰ kalaŋ hɨnga, ni sol gɨ ji na ba-gɨlɨn̰ kalaŋ hɨnga gɨ sayga gusi Kumu. Hɨn̰ gɨ Kumu na baa dan̰ ungo naŋ na, ungo wo̰ kɨya ɓale lɔɔ hɨnga ga ɗɨn̰ cɨn̰-kɨɗɨn̰ ga ji ba lee le naŋ.»

Kɔl-gɨ-Ɗari gɨ Ja̰ wal 4:48

Jesu yeyi hɨn̰: «Hɨn̰ gɨ kɨŋ na sɨla hɨnga ga ɗɨn̰ cɨn̰-kɨɗɨn̰ dan̰ hɨnga ga ni belin̰əŋ bɨ naŋ na, kɨŋ kɨya bɔgɛ kuduroygɨŋ canɨ naŋ bɨrɨŋ.»

Kɔl-gɨ-Ɗari gɨ Ja̰ wal 5:36

Ama ɨŋ-bandi ɨŋ orɨn̰ dan̰ tɨmon̰ di gumu ɗɨn̰ di da Ja̰. Tɨmon̰ di nee le: Na gɨye nɔm ga Banɨ bəŋ gɨ ɨŋ na laa dɨɗɨn̰ kɨbi. Gɨye gɨ nee le ɨŋ lee nɔm, na ban ba lɔɔ tɨmon̰ tɨnge,

Kɔl-gɨ-Ɗari gɨ Ja̰ wal 6:14

Kɨɗɨn̰ ga kalaŋ solge hɨnga ga ɗɨn̰ cɨn̰-kɨɗɨn̰ ga Jesu lee ɨni na, kan yege hɨn̰: «Leen̰ cɨndi ungo gɨ kɛ le, na ba-yɔɔ-kɔl-gɨ-Kumu-ba-yɔɔ, gɨ ba kɨya caga a cay gɨsəŋ gaŋ le.»

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Kɔl-gɨ-Ɗari gɨ Ja̰ wal 7:31

Duroy dɨmdɨrdi kalaŋ le, kalaŋ kondɨwadɨge beege kuduroyge cayi, lee gɨ kan yege hɨn̰: «Kɛ kɨɗɨn̰ ga Kɨris ban gɨ Kumu dorii le kɨya caga na, ban kɨya lɔɔ hɨnga ga ɗɨn̰ cɨn̰-kɨɗɨn̰, ɗɨn̰ ga da ban gɨ ba lee kɛ le ga?»

Kɔl-gɨ-Ɗari gɨ Ja̰ wal 9:33

Hɨn̰ gɨ ungo gɨ nee le, na se naa gusi Kumu naŋ na, ban ni kɨya ɓale lɔɔ hɨnga pɨna naŋ bɨrɨŋ.»

Gɨye-lɔɔ 13:16

Ɨni na, Pol say daa leege kobi gɨ kan na sɨma kɨɗɨn̰ pɨna bɨ yege hɨn̰: «Kɨŋ kalaŋ ga Ɨsɨrayɛl, kɨŋ ka-bɔgɛ kɔl cay Kumu, jagɨŋ kɔl hɨnge.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 2:19

Ɨŋ kɨya lɔɔ hɨnga ga ni beli gɨɗɨgɨ-Kumu gɨŋ bɨ, Hɨnga ga ɗɨn̰ cɨn̰-kɨɗɨn̰ cay gɨsəŋ gaŋ kɛ bɨ. Kɨbar bɨ, tɨwa bɨ, gusa gɨ say hɨn̰ gɨrɨmbale wo̰ bɨ, Kɨya wɔyɛ.

Gɨye-lɔɔ 2:43

Ka-gɨre-gɨye leege hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ dan̰ kondiige bɨ, lee gɨ kalaŋ somge dan̰ hɨndɔrɔ kuduroyge.

Gɨye-lɔɔ 21:28

Kan dege sɨle yege hɨn̰: «Gɨrnigɨŋ daa, kalaŋ ga Ɨsɨrayɛl! Sɨlagɨŋ ungo gɨ ba gɔrɛ dan̰ kɨɗɨn̰ kɨɗɨn̰ nɔm gɨlɨn̰ kalaŋ nɔm ɗe na kayɨn̰ge te wɔɔ gɨ da kalaŋ kana bɨ, gasɨn̰-kɔl gɨ da Moyis bɨ, ƴaa-di-da-Kumu di ba woy kɛ bɨ le, ban ba kɛ! Bɨ haw kɛ kalaŋ ga toyge na Jubɨ naŋ kalɨn̰ ma, ban dorge andɨn̰ danage boy ƴaa-di-da-Kumu di woy dan̰ cɨndo dɨŋ le, say bɨloo leen̰ kɨɗɨn̰ ga lee kɨni.»

Gɨye-lɔɔ 22:8

Ɨŋ jɨga dɨbii cay nee yey hɨn̰: “Ji na waŋ ga Ba-gulɔŋ?” Noy ungo le jɨga dɨbəŋ cay nee yəŋ hɨn̰: “Ɨŋ na Jesu gɨ Najarɛt gɨ ji ba gɨləŋ-cɨn̰ le.”

Gɨye-lɔɔ 24:5

Ni sol gɨ ungo gɨ kɛ le, na ungo gɨ ɨsɨn hɨn̰ tɨma di man̰i wo̰. Ban dɨbɨ do̰ a duroy kalaŋ ga ni Jubɨ nɔm, ga a cay gɨsəŋ gaŋ nɔm bɨ. Ban mana ba-dɔrɛ tumoy kamdi ga na te kalaŋ ga kan teege Najarɛtn̰əŋ bɨ.

Gɨye-lɔɔ 26:26

Kɨlma Agɨripa sol hɨnga ga nee le, lee gɨ ɨŋ ɓal dɔrɛ koldi tumon̰ dɨle hundɔrɔ. Bɨ ɨŋ sol leen̰ cɨndi gɨ hɨnga ga nee le nɔm ban sol. Kɨya wa na hɨnga ga laa gusɨge a kɨɗɨn̰ ga wosi gaŋ naŋ.

Gɨye-lɔɔ 26:9

Hɨnge ɨŋ-bandi na, tumɔ ɨŋ ɨrɨm kuduronɨ ye hɨn̰, kuɗa gɨ ɨŋ na laa hɨnga nɔm ga togɨnɨ ɓal gɨ ni lɔɔ le, ɗe aŋ na mondɨn̰ dan̰ guson̰ Jesu gɨ Najarɛt le coŋ.

Gɨye-lɔɔ 3:12

Kɨɗɨn̰ ga Pɨyɛr ba sol hɨn̰ wo̰ na, ban yen̰ dɨmdɨrdi kalaŋ le hɨn̰: «Kalaŋ ga Ɨsɨrayɛl, na kɨya wa ma kɔl kaygɨŋ sɛl sɛl kɨya cay pɔɗɛ gɨ da ba-modo le ga? Kɨya wa ma magɨŋ solni gəɗəɗə hɨn̰ gɨ ni na ba looyi ɗoy sɔ ɔrɛ daa dan̰ tɔgɨ toni bɨ, dan̰ gɨyəŋ ɔrɛ di ni gɨ bugoŋ pɨna dan̰ Kumu bɨ wo̰ ga?

Gɨye-lɔɔ 3:6

Kɨɗɨn̰di ga nee gaŋ le bɨ, Pɨyɛr yeyi hɨn̰: «Ɨŋ ɨran̰ dan̰ gursu naŋ bɨ, lɔr naŋ bɨ. Ama hɨnga ga ɨŋ orɨn̰ le, aŋ bɨn̰: Dan̰ guson̰ Jesu-Kɨris gɨ Najarɛt le, saa daa ɨra daa!»

Gɨye-lɔɔ 4:10

Naa hɨn̰ wo̰ na, kuɗa gɨ kɨŋ nɔm sɨla bɨ. Kuɗa gɨ te wɨn̰je gɨ da Ɨsɨrayɛl nɔm sɨlage bɨ. Jesu-Kɨris gɨ Najarɛt gɨ kɨŋ ba gagɨli cay sɨya-gɨ-dagɨli gɨŋ ma, Kumu ba boyi lɨbii duroy kalaŋ ga madɨrdaŋ gaŋ le. Na kɨya cayi bɨ, cay gusondi bɨ, ma ba-modo gɨ kɛ le wan̰ pɔɗɛ ɨrɨn̰ daa tumoygɨŋ kɛ.

Gɨye-lɔɔ 5:35

Kardi nee na, ban ar kɔl dan̰ ka-bɔyɛ kɔl cay kalaŋ ga ni Jubɨn̰əŋ yege hɨn̰: «Kɨŋ kalaŋ ga Ɨsɨrayɛl, ɗagɨŋ muɗɔlɛ cay gusɨgɨŋ gɨŋ. Ɨrɨmgɨŋ kuɗa tumɔ pa dɨm ma magɨŋ leen̰ ka-gɨre-gɨye hɨnga ga ɨsɨni ƴee.

Gɨye-lɔɔ 6:14

Ni je gɨ ban ye gɨ Jesu gɨ Najarɛt na kɨya mɔndɛ ƴaa-di-da-Kumu le coŋ bɨ, ɗi na kɨya bɨle hɨnga kana ga ni te ba ga Moyis ba bɨna le coŋ bɨ.»

2 Korɛ̰t 12:12

Hɨnga ga gɨl gɨ ɨŋ naa ba-gɨre-gɨye le, lee gusɨge duroygɨŋ lee gɨ kɨŋ sol dan̰ cɨndɨgɨŋ. Kan ba kɛ: Na dɨbe-ɗugɔ duroy hɨnga ga ni gɨwase gaŋ nɔm bɨ, na hɨnga ga ni beli ga gɨl bɨ, na hɨnga ga ɗɨn̰ cɨn̰-kɨɗɨn̰ bɨ, na hɨnga ga ni lɔɔ ga dan̰ dɔnɔ bɨ.

Əbɨro 2:4

Kumu kalɨn̰ ma gɨl gɨ tɨmon̰ di kan na leege le naa cɨndi, dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ bɨ, belin̰əŋ ga toyge kan̰dɨge kan̰dɨge bɨ, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ gɨ hɨndi gosɨn dan̰ kuduroy geye kɔɔ bɨ.