Gɨye-lɔɔ 2:17 - Gabri Maja

¹⁷ “Sɨlagɨŋ hɨnga ga ba kɨya caga wɔlɛ kagadi gɨŋ le ba kɛ, Kumu ye hɨn̰: Ɨŋ kɨya lɔɔ gɨ ɗe Turnonɨ busoŋ cay kalaŋ nɔm bɨ, Karɨndɨgɨŋ ga ban̰aŋ dan̰ karɨndɨgɨŋ ga kandɨ Kɨya bɨləŋge ka-yɔɔ-kɔl-gɨ-Kumu-ba-yɔɔ bɨ, Ɨŋ kɨya yon̰ marɨne kagɨŋ kɔl, Boy hɨnga ga buyoŋ cɨn̰ ungo hɨn̰ dḛḛ wo̰ bɨ, Ɨŋ kɨya yon̰ kandɨgɨŋ ga əsɨdəŋ kɔl boy sɔndɛ gɨŋ bɨ.

Gɨye-lɔɔ 2:17 Խաչաձեւ Հղումներ

Kɔl-gɨ-Ɗari gɨ Lug wal 3:6

Bɨ kɨŋ kɨya sɔlɛ Ban gɨ Kumu ba kɨya gɨygi kɨya pɔɗɛ kalaŋ.”»

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 7:39

Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

Gɨye-lɔɔ 10:45

Duroy ka-aye kudurɔ ga bɨgɨgage Pɨyɛr ga na Jubɨn̰əŋ le, kɔl kayge sɛl sɛl kɨya wa kalaŋ ga toyge na Jubɨ naŋ kalɨn̰ ma wayige Turnɔ ɗe-kuduroy-bɛrɛ di Kumu bee.

Gɨye-lɔɔ 11:27

Boy wɔlɛ gɨ nee gɨŋ le, ka-yɔɔ-kɔl-gɨ-Kumu-ba-yɔɔ saygage Jerusalɛm ɨrgage Antɨyɔs.

Gɨye-lɔɔ 11:28

Ungo gɨ pɨna wo̰ duroyge gɨ gusondi na Agabus le, Turnɔ di da Kumu gɨlii gɨ badɨra na kɨya bɔɔ a cay gɨsəŋ gaŋ nɔm. Lee gɨ ban say daa yen̰ kalaŋ. Badɨra le baa leen̰ cɨndi boy ɨlge gɨ Kɨlod diin̰ cay ƴaa.

Gɨye-lɔɔ 2:16

Ama na hɨnga ga ba-yɔɔ-kɔl-gɨ-Kumu-ba-yɔɔ Jowɛl ba ye koldɨge tumɔ le ba lɔɔ gusɨge wɔyɛ kɔ. Ban ye tumɔ hɨn̰:

Gɨye-lɔɔ 2:18

Na cɨndi, boy wɔlɛdi gɨ nee le, Ɨŋ kɨya lɔɔ gɨ ɗe Turnonɨ busoŋ, Cay marɨne ka-gɨye kange ga ban̰aŋ dan̰ ga kandɨ, Ɗe kan na bɨlɨn̰ge ka-yɔɔ-kɔl-gɨ-Kumu-ba-yɔɔ bɨ.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Gɨye-lɔɔ 21:9

Ban orɨn̰ dan̰ karɨndi ga kandɨ poɗɨn̰ ga na kambɨle ga cɨl. Kan na ka-yɔɔ-kɔl-gɨ-Kumu-ba-yɔɔ.

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

1 Korɛ̰t 12:10

bɨn̰ ungo gɨ ɗaŋ dɔnɔ di ni loon̰ beli bɨ, bɨn̰ ungo gɨ ɗaŋ dɔnɔ di ni yon̰ kɔl-gɨ-Kumu-ba-yɔɔ bɨ, bɨn̰ ungo gɨ ɗaŋ coŋ dɔnɔ di ni dorɨn̰ cɨn̰ turnɔn̰əŋ bɨ, bɨn̰ ungo gɨ ɗaŋ dɔnɔ di ni yon̰ kɔl dan̰ kɨbɨ gɨ toy kan̰di kan̰di gɨ ungo sɨla naŋ bɨ, bɨn̰ ungo gɨ ɗaŋ coŋ dɔnɔ di ni solɨn̰ duroy kɨbɨ gɨ ungo sɨla naŋ gɨ toy kan̰di kan̰di gɨ nee le bɨ.

1 Korɛ̰t 12:28

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Magtubu di Jag wal 5:3

Lɔr togɨŋ bɨ, gursu togɨŋ di ni nare bɨ, ƴom yɨlwa. Ama na yɨlwa gɨ kɨya lɔɔ tɨmon̰ a caygɨŋ kɨya gɨ kɨŋ lee ɨsɨna. Hɨndi kɨya bɨləŋ tɨwa di kɨya ule kuyoŋdi-gusɨgɨŋ bɨ. Haw kɛ, cay gɨsəŋ ba mɨnde kɨya kaga, ama kɨŋ dojɨde hɨnga-wɔɔdɨgɨŋ jɨn̰ nee nee ƴee.

2 Pɨyɛr 3:3

Hɨnga ga ojɨ gɨ kɨŋ kɨya sɔlɛ cay wase ba kɛ: A kagadi wɔlɛ gɨŋ na, kalaŋ ka-lɔɔ hɨnga ga tabɨlaŋdɨge woy kuduroyge kɨya andaŋge. Kan kɨya asɨgɨŋge,